شخباركم عساكم بخير
ابي رايكم في اختيار طقم كراسي
انا رحت من يومين محل ذا وان وشفت طقم كراسي جلد ابيض خيال
ودخل خاطري ومنزلين اكسسوارات له لونها ابيض واسود روووووووووووعة
بس الكل ايقول لي مب عملي
ابي رايكم هل الجلد اقدر انظفه واغسله بالماي والصابون
وانا قلت بلبسه بقماش وقت اللي انا وعيالي نستخدمه
ابي رايكم واذا وحدة عندها طقم جلد اتقول لي العيوب بليز
بسرعة لاني لازم احدد واشتري لانه ما في وقت
بدل ماتشرتينهم وتروحين تلبسينهم وتدفعين مرتين .. اشتري لج مره وحده طقم من القماش .. بيكون عملي اكثر
بالتوفيق حبيبتي
انا أقول اخذيهم أذا هم عاجبينج ولاتخلين في خاطرج شئ
وبلمساتج تقدرين تحطين عليهم مخدات وثرو (يعنى مثل الشال ينقط على الكراسى)
والابيض يصلح معاة كل لون
وبالتوفيق حبيبتي
((ولا تسوين مثلي لما اثثت بيتي كان خاطري في اشيا وايد وماخذيتها لانهم يقولون لي ما يصلح
ومش عملي والحين انا متحسفة)):sad:
انا مع الاخت حركات
وايد نسمع هاللون مو عملي ويتوصخ بسرعة ووووو
انا اقول اذا انتي حابته خذيه وحافظي عليه
نظفيه دوم واحرصي مايتوصخ واذا توصخ نظفيه بالطرق السليمة
انا الصراحة ماعرف شلون ينظفون الجلد بس اكيد له طريقة
وفي منتجات تنظيف خاصة لانواع مختلفة من الاثاث.
خذيه والله يهنيج فيه ان شااء الله
#رومانسية#
اهم شي ذوقج واكيد فلوسج
لانج انتي اللي بتقضين كل وقتج فيه
وعيالج مثل كل العيال يتعلمون
الحفاظ على النظافة والترتيب
ووفريلهم مكان يبهدلونه ما راح يقربون من الكراس الشخة<<عن تجربة
وانا شريت من ذا ون طقم قماشه ابيض<<<<<<<قالوا بيتوسخ؟؟؟
والثاني شامواه بني<<<<<<<قالوا بيغبر؟؟؟
والاخير جلد وشامواه وقماش…..<<<<<<<مخلط خيااااال
وكاهم عندي من ثلاث سنوات
وعيالي الحمد لله متعلمين مايوسخون الاثاث
وفي الايام العادية مغطيتهم بقماش ضد التراب وغيره….
توكلي على الله
وتنظيفه ما يكون بماي لا تقربين الماي والصابون لا فيه بخاخات تنظيف للجلد وايد عمليه وسريعه حتى بمحلات السيارات يبعيونهم عشان الجلد او اي محلات كبيرة تلقين وايد
انا اخذته وواااااااااااااااااايد عملي وخاصة لما اعزم الناس ما شاء الله عيالهم ام يقصرون عصاير وبلاوي كلها على الكراسي بس من يطلعون انظفها ويروح كل شي
وبين فترة وثانية حطي عليها منتجات تغذية الجلد مثل الكريمات تنباع خصوصي للجلد
من قال الجلد مو عملي بالعكس
انا ماخذ اصفر ليموني وحاطه عليه مخدات الوان اشكال طالع روعة بصراحة
خذيه دام نفسك فيه والكل طايح على الاقمشة احسها مو عمليه تحتاج تغيير دايما
بالعكس الجلد اناقه وفخامة 