عندي استفسار لبنات السعوديه وبالخصوص بنات الخبر والدمام
بعد 3 اسابيع ان شاءالله لي زياره صوب الدمام والخبر وحبيت آخذ منكم شوي معلومات عن السوق والمحلات
بغيت اعرف محلات فستاتين السهره (مقاسات كبيره)
والدراعات
والبجامات
وملابس الاطفال
والحوامل
والرومنسيات
هذا كله وين تنصحوني اروح واحصلهم وبأسعار حلوه؟؟؟
ياريت تفيدوني بأسرع وقت وراح اكون شاكره لكم تعاونكم..
وأن شاء الله البنات مايقصرو معاكى
وبالتوفيق
أستغفر الله الذي لا إله إلا هو الحي القيوم وأتوب إليه
وحياك الله مقدما
عندك فساتين السهر بكل انواعها ومقاساتها واسعارها من ال500ريال الين الالفين ريال
مجمع اسمه مارينا مول بالدمام ادخلي من البوابه 4عشان ماتحوسين بلمجمع وتتعبين
وفي بالدور الثاني بس اغلى شوي الاسعار
وعندك مجمع الراشد بالخبر هذا شي خيال بس غالي
ومجمع جيان بتلقين عندهم كل الملابس الي كتبتيها واسعار تتفاوت
وعندنا مجمع جمعه سنتر بالخبر هذا المجمع عنده فساتين سهره موغاليه ولارخيصه
حلو اسعاره
انا بالعيد او اذا عندنا اعراس ماروح الا مارينا مووول القى فيها كل طلباتي
واسعارها معقوله
واتمنى اني افدتك واي سؤال عن اي مكان انا ادلك ولايهمك
ورحله سعيده بالشرقيه يالغلا
× اولا اشكرج على افادتج وردج على موضوعي..
× ثانيا حبيت استفسر منج عن بعض الشغلات اذا ما عليج تعب..
دشيت على موقع الفنادق .. وحصلت فندق بالدمام اسمه (درة الشرق) .. وان شاءالله ناوين ننزل فيه..
بس حبيت اعرف!!!
1| رقم هاتف الفندق للحجز:
2| وهل الفندق نظيف ومناسب؟ يعني تنصحيني ننزل فيه؟
3| وإذا تعرفي شقق فندقيه بالدمام حلوه ونظيفه واسعاره مناسبه ارسليلي اساميهم من فضلج:
4| وهل هو قريب من الاسواق؟
5| وكم المسافه من الخبر الى الدمام؟
6| ونفس الشي حبيت اعرف المسافه من الدمام للبحرين كم؟
وراح اكون شااااكره لج على افاتدج لي.. لاني ما اعرف احد فالسعوديه ممكن انه يفيدنا .. واسمحيلي حبوبه بتعبج وياي شوي 