مرحبا ،
قبل لا أصور مجموعتي الخاصة بالأظافر وعدتها وألوانها ، حبيت أراويكم الألوان الدارجة لهالصيف ،
طبعا مثل ما إنتو عارفين ، إن بالصيف نحاول كثر ما نقدر نبتعد عن الألوان الغامجة ،
وناخذ الألوان الفاتحة والفاقعة والبراقة " الفسفورية " ،
ولو الوحدة مسوية تان أو يرونزاج راح تكون عليها هالألوان أحلى وأحلى ،
لا تقولون ما تناسبنا ،
ولا تقولون هالألوان يبيلها إيد فاتحة ،
جربوا وصدقوني راح تعجبكم ، حتى لو كانت الألوان فسفورية ،
الزبدة ،
اشتروا الألوان اللي تعجبكم بدون ما تتقيدون بلون إيدكم سواء كانت سمرا أو حنطاوية أو فاتحة ،
الحين نبدأ مع الألوان الصيفية ،
وعقب راح أستعرض وياكم الكولكشنات الصيفية النازلة ،،
البرتقالي عائد بقوة ،
الحين معظم الماركات منزلين السلفر والرمادي ،
الذهبي وااااو ،
هذا نفس اللون اللي أخذته بالضبط ، وعرضته قبل شوي من ضمن مشترواتي ،
عجييييييييييييب على الإيد ، حتى لما جربته الفلبينية زاغت عليه ،
أكتفي بهالألوان ، لأن الألوان كثييييييييييرة والماركات أكثر ،
لكن اللي لاحظته ،
إن اللون المشمشي والبرتقالي والبنك الفاتح والأخضر الفاتح والبنفسجي الفاتح والرمادي والرمادي السلفر دارجين وبقوة ،
يتبع ،،
،
zoya
chanel
وهذول الـ Swatches
Essie
بس للأسف خالص
،
M.A.C
هذا اللون عجييييب من آخر كوليكشنات ماك ، للأسف ما لحقت عليه وخلص ،
واسمه : Coconut Ice
وهذا اللون قتلني ، بس حسافة الماركة مو موجودة بالكويت ،
بسسس تعبت أكمل لكم إذا الله راد باجر 
،
كل لون احلى من الثاني كل ما اختار لون اشوف الثاني احلى منه
ننتظر الباقي حبوبه
ثانكيو
الالوان وايد حلوه
وانا اصلا من محبين الالوان الصيفيه المنعشه
لكن مو وايد اسوي مناكير للاسف فيني كسل
بس الظاهر انك انتي و همس بتغيروني خخخخخ
مشكووره على مجهودك
الالوان روووووعه وتفتح النفس
ذوقج حلو حبيبتي يعطيج العافية
احسنتي
الله يوفقك
الوان رووعه وفرايحيه ..
تسلمين حبيبتي