السلام عليكم ورحمة الله وبركاته
شخباركم بنوتات
شوفوا شنو جبت لكم من الصبح ،، عشان اجوعكم اكثر
امس صار خاطري في التاكو ،، عاد بدال لا نشتريه من مطعم
قال بو الشباب يالله نحوس في المطبخ و نغير جو:cool2:
في البداية تخوفت من النتيجه ،، بس بعدين يم يم يم
بصراحه ماقدرت اخذ صور
شفتوا اللي ما يكمل جميله ،، و يقول كفاية عطيتكم خلطتي السريه
على فكرة هي طريقته الخاصه ،، يعني من مخه العبقري فديته
يالله نبتدي
المقادير
1/ نصف صحن لحم مفروم.
2/ نص بصلة بيضاء مفرومه ناعم.
3/ زيت زيتون.
4/ علبة فاصوليا مطبوخه.
5/ رقائق التاكو "taco shells" تشترونها جاهزه ،، استخدمنا هذا النوع
6/ جبنه سايحة او جبنة شيدر ،، هو استخدم cheez whiz original من كرافت ،، يم يم لذيذ مع اي شي.
نشوف الأعشاب المستخدمه
ريحان Basil
اوراق نعناعmint
بذور الكمونcumin seeds
كزبرة مطحونه ground coriander
و رشة ملح
و الأعشاب تنباع معلبة و جاهزه
الحين نشوف الطريقة
تجيبين المقلاه او القدر اللي بتطبخين فيه و تحطين زيت الزيتون و تحطين نصف البصلة المفرومه
بعد ما يصير البصل مائل للذهبي حطي كمية اللحم المفروم ..
وحركيه الى ان يستوي اللحم ،، بعدها حطي رشة الملح و رشة من كل الأعشاب اللي ذكرناها في المقادير..
قلبي قلبتين ،، وبعدها حطي علبة الفاصوليا و اتركيه على نار هادية ..
بعد ما تستوي الخلطه ارفعيها من النار
و جيبي الـ Taco shells
و ابتدي عبيهم بالخلطه ،، يعني كل حبة حطي فيها حشوة الى النص او ثلاثة ارباع ..
و وزعيهم في صحن التقديم ..
آخر خطوة قبل التقديم ،، جيبي ملعقة صغيرة وابتدي وزعي الجبنة فوق الحشوة في التاكو ،، يعني كمية صغيرة في كل حبة..
بعدها حطي الصحن في الماكريويف لمدة دقيقه عشان تسيح الجبنه و تدفى
..
تبين تزينين بطريقة بوخالد 
2
جيبي حبة طماط و قطعيها لنصفين و بعدها جيبي فلفل بارد و قصيه على شكل أعواد و زيني الصحن…
خسارة بنات ما صورت لكم الطبق بس شكله جنااااان ،، و طعمه لذيذ ..
مو سهل بو الشباب 
على فكرة انا كنت اتفرج ما سويت شي غير فرم البصله:cry:
وصفة جميلة ان شاء الله اجربها فى العيد
تسلمين حبيبتي على المرور
و فعلاً الجبنه يم يم شي خيالي
كل عام وانتي بخير
يعطيج ألف عافية
و الفاصوليا المطبوخه ،، اللي تكون معلبه مع صلصه
دائما اشوف في المحل بس اخاف اشتريه
اوصفيه لي حتى بشتري لي
السلام عليكم و رحمة الله و بركاته
تسلم إيديكي يا أم خالد…يعطيكم العافية…ما شاء الله شجعتيني أعملها
والله يعطيك الصحة والعافية