الغاليات بنات المنتدى الرائع حبيت استفسر منكم عن التقشير وشو أنواعه ، لأني اريد اقشر بشرتي لأن فيها آثار لحب الشباب ، وندب …..
وحبيت اعرف من آي وحده سوت التقشير وكيف يكون ، وعباره عن شو اجهزه ولا كريمات ولا مسحات طبيه يمسحون فيها الويه ، لأني أنا سويت تقشير بس مره وحده في عيادة ابن سينا عند الدكتوره فوزيه خان ، وكان عباره عن مسحه طبيه مسحتها على ويهي وكان يحرق مووووت وبعدين رشت على ويهي شي مااعرف شو هو وبعدين كريم حطته على ويهي لمده 15 دقيقه ، وبس وكنت ابي ارجع لأني اعرف إن التقشير عباره عن جلسات بس للأسف الدكتوره مسافره ومب راده البلاد ، وحبيت لو ماعليكم أمر لو آي وحده تعرف دكتوره أو عياده خاصه تسوي التقشير ويكون حلو وبالتحديد في بوظبي …؟؟؟؟
واريد اعرف التقشير هو نفسه التقشير الكريستالي ؟؟؟
الله فيكم وجزاكم الله كل خير
والسلام عليكم ورحمة الله وبركاته
الغاليه
( آمنة الزعابي ):shy:
تسلمين يالغاليه ، وبارك الله فيج ، إن شاء الله راح اتصل فيها …
وينكم يابنات المنتدى ردوا علي ، ابي اعرف كيف التقشير وشو أنواعه ، ومنو مجربتنه وطلع حلو ، والأماكن العيادات اللي في بوظبي وحلوه
وبارك الله فيكم ، والسلام عليكم ورحمة الله وبركاته
حبيبتي انا سويت تقشير من قبل بأحماض الفواكه كاااااااااان حلو بس العيب فيه اني سويته في مركز تجميل وانا انصحج تسوينه في عيادة او عند طبيب لان التفشير بأحماض الفواكه روعة حسب ماسمعت،
فيه التقشير بالكريستال هو مثل ا لشيء الي يحطونه على ويهج مثل فتات الزجاج بس لا تخافين مايعور بالعكس عادي جدا هذا بعد حلو انا ماجربته بس اعرف وحدة جربته وتقوووول روعة وحلو
2
فيه التقشير الكيمائي :pain: هاي في البعض يحذر منه لانه يا تصيب يا تخيب على البشرة بس فيه منه يقولون اوكي بس انا انصحج تسوين تقشير بأحماض الفواكه لان الكل يمدحه اكثر واحد وان شاء الله بالشفاء والعافية.
الغاليه
( قمر البحرين )
تسلمين وبارك الله فيج والله يوفقج ، بس حبيت اعرف لو مافيها احراج كيف كانت بشرتج ، وهل التقشير يستمر فتره طويله ، لأن بعض البنات قالوا لي يتم بس سنه أو سنتين ؟؟؟؟
وجزاج الله كل خير :shy:
والسلام عليكم ورحمة الله وبركاته
بصراحه بالنسبه للتقشير الكرستالي وايد مدحوه لي و رحت وسويته في بوظبي في مركز كوز مسيرج اللي مقابل دائره الاشغال الاثنين اللي طاف و الله ما حسيت باي فرق في بشرتي وما اخذ التقشير اكثر عن نص ساعه و خذت عني 3000 درهم و بشرتي تعابنه وفيها اثار ولا صار فيها اي شيء و ندمت اني سويت والله
و بالنسبه للتقشير بالفواكه ماادري عنه و الكيمائي يقولون انه زين و الله و انا افكر اني اسويه بس قبل لا تستعيلين استخدمي كيريمات طبيه تزيل البقع عن طريق احد المستشفيات الحكوميه و ان شاء الله يكون منها فايده جربي شو بتخسرين