الثوم يساقط الشعر ولا لأ
لانه لما سألت عن خلطة لتخفيف تساقط الشعر قالوا لي استخدمي هالوصفه:
3 فصوص ثوم
بصلة
جرجير
واضربيهم بالخلاط
وبعدين سمعت انه الثوم يسقط الشعر
فشو الصحيح دلوني
يسقط الشعر ولا ما يسقط الشعر؟
عزيزتي……..
معروف ان الثوم ينبت الشعر اذا استخدم بالطريقه الصحيحه
لكن انا سمعت انه يطلع الشيب
بس انتبهي لا تحطينهم لفترات متقاربه لانه حار على الفروة يعني خليها مرتين في الشهر كفايه وغير كذا خفيفها بشي بارد لانك اذا حطيتي بصل وثوم وجرجير مع بعض ماراح تتحملين حرارته
الافضل تحطين فصوص ثوم في الزيت اللي تستخدمينه لشعرك ..
تحياتي لك
[RAM]http://www.fanateq.com/audio/tap/rm/583.rm[/RAM]
الصراحه انا امس جربت اول مره
حطيت ثوم وبصل وجرجير
بس عادي ما حسيت بحرارة قوية مره
يعني حرارة عادية جدا جدا وبعدين بروحها وانا حاطه الخلطه برد على فروة راسي بروحه وصار بارد
وبعدين غسلت شعري
وحسيته صار انعم من اول بكثير مع انه شعري ناعم بس نعم زيادة
رغم انها المره الاولى اللي اجرب فيها الخلطه
فما ادري والله لكن ان شاء الله باخذ بنصيحتك
ومشكوره اختي
انا الحين توني عمري بالعشرينات واساسا فيني شيب من قبل ما احط ثوم
فلو حطيت ثوم اجل بيزيد مصييييييييبه
ممكن حد يتاكد لي من هالشي
اللي يستخدموا خلطة الثوم هاي
في احد زاد الشيب او تساقط شعره او اي شي ؟؟!!
اهلاً بك اختي ام عبد الرحمن
انا جربت هذي الوصفة وصدقيني فروة رأسي حساسة مع هذا بالعكس ماتساقط شعري وخف التساقط وصار صحي
بالنسبة للشيب انا سمعت المعلومة هذي وقمت اخفف احط الجرجير لحاله وبتلقين نتيجة اذا حابه تجربين الجرجير من غير شئ ..
واتمنى لك شعر صحي وطويل…
انا سامعه انه الثوم مفيد جدا للشعر ومفعوله مثل المضاد الحيوي لمعالجت
الشعر وبداية استخدامه يتساقط الشعر التالف ويرجع ينبت الشعر الصحي
اما الشيب ماعندي خبر عنه ولك تحياتي
ومن شهر تقريبا مداومه على الخلطه وهي اني كل نهايه اسبوع افرك فص الثوم على المناطق الخفيفه وبعد ما اخلص احط زيت الزيتون …..وحسيت الحمد الله انه فيع تحسن بطريقه وااااايد زينه …
بس لازم اتداومين عليها عشان تحصلين النتيجه الفوريه
مع السلامه انشاء بس افدت بالمعلومه
بخصوص الثوم انا اللي اعرف اللي فيها (الثعلبه) تفركه عل المنطقه اللي ما فيها شعر فيرد وينبت…..
اما بخصوص الثوم انا وايد قاريه عن وصفات مدحوها الناس المهم
هي
ان تقطعي الثوم قطه صغيره وتحطينها مع الزيت اللي انت تستخدمينه كالعاد للشعر…اتخلينه على نار حتى يسخن فتنتشر خواص الثوم في الزيت…ثم صفي الزيت عن الثوم فخواص الثوم في الزيت… وبس
اتمنى اني فدتكم يا خواتي
😎
هناك طريقتين لوضعه :
الطريقه الأولى:
تأخذي فص ثوم و تقطعي رأسه و تفركي بيه فروة الرأس وتخليه 2-3 ساعات ثم تغسلي الشعر
الطريقه الثانيه :
تنقعي الثوم في الزيت المفضل لشعرك ليوم كامل و بعد كده تشيلي الثوم من الزيت و تستخدمي الزيت عادي قبل الأستحمام بساعتين
(y) (y) (y)
بس هي في الاول بتوقع الشعر الضعيف
علشان تنبت شعر صحي من الاساس
