الجدار العازل 2024.

السلام عليكم ورحمة الله وبركاته ،شلونكم بنات عندي سؤال مهم وهو كيف تعودون عيالكم ينامون في سريرهم الخاص؟؟؟؟؟؟؟ انا تعبت مع ولدي علشان اعوده ينام في سريره ومافي فايدة صاير لي مثل الجدار العازل بيني وبين ابوه ينام معانا على السرير في الوسط ويغار من ابوه اذا حاول يلمسني او يقرب مني وساعات ينام أقوم أحطه في سريره كلها ثواني وهو قاعد يصيح يبي يرجع على سريرنا قولوا شاسوي لأني ماأرتاح في النوم واخاف وانا نايمة انقلب عليه وأقوم أروح الدوام وجسمي متكسر من التعب………….أفيدوني واللي عندها جدار نفسي تدخل وتفيدني بليزززززززززززززز

في مواضيع كثيرة في هذا الركن عن هذا الموضوع، ابحثي وبتحصلين الاجابات وبتشوفي معاناة الامهات من هالموضوع

وعليكم السلام ورحمة الله وبركاته…

ضحكني العنوان
لكن اختيار موفق، يعبر عن المعاناة صدق

مثل ما قالت اختنا اكبر قلب، المنتدى مملوء تجارب امهات بهالخصوص..

وما شاء الله الامهات في المنتدى ما قصروا وانهالت عليهم النصائح ومنهم انا نصحوني ووايد استفدت..

بحط لج الوصلات..

الموضوع الاول

الثاني

تجربة مشرفتنا الحلوة رانيا

تجربة مرموم

واخير شيء..
تجربتي مع حسينووووو

ماشاء الله الأخت جمانة ماقصرت،،، فعلا نوم الطفل مع والدينه على نفس السرير مشكلة، آنه بالمرة ماعودت طفلي ينام معاي، مع أن أحيانا لما يكون زوجي بدوام أخر ليل، آحس بوحشة ويكون بودي ولدي ينام معاي بس أرجع وأتذكر ان هالليلة بتجرها ليالي ثانية…
الأسبوع الماضي رحت العمرة والحين من رجعنا وعو كله خايف نروح عنه، يقوم على الساعة 4 ويرمي بوسادته على سريرنا وينزل هو وراها وينام بالنص، بس بعد ماعطيه وجه وأرجعه سريره..

دايما شرحي له أن هذا سريرك وهذا سرير الماما وهذا سرير البابا وأن كل واحد ينام في مكانه،، دايما اقول لعبودي وين سريرك؟؟ يقول (أكو) فأرد عليه خلاص عبودي ينام هناك… حاولي بهالطريقة وإن شاء الله تنفع…