السلام عليكم ورحمة الله وبركاته
خواتي شرايكم بهالموقف000وكيف راح تتصرفين لو يصير لك
الزوج والزوجة مسافرين ومعهم اهل الزوج :balloons:
مرة كانوا طالعين لسوق 0000(شوية مؤثرات صوتية لو سمحت:nanaparty: )
الام قدام والزوجة وخوات زوجها ورى
خلصوا من السوق 000وهم راجعين البيت 00شافت الزوجة محل اعجبها
قالت : فلان000لو سمحت ممكن نوقف دقيقة هني
قالت على طول اخت الزوج المراهقة بزهق: اوه000مافي داعي خل نروح البيت احسن
(على بالها اهي الزوج 00يمكن:eek: )
فالي يرفع الضغط ويقهر ان الزوج بعد ما جاء يوقف دار السيارة ومشى
الزوجة انقهرت حيل ان زوجها وصلت فيه ضعف الشخصية انه يفشلها قدامهم
بس ماقالت شي
مرة ثانية واهم رايحين مشوار ثاني في الطريق قربوا لم مسجد قالت الزوجة
:فلان الله يعافيك وقف عن حمامات المسجد00محتاجة ضروري
قامت الاخت المراهقة قالت : اوف000ليش مادخلت قبل مانمشي
قالت الزوجة انا دخلت بس احتجت اللحين بعد0
المهم وقف الزوج 000ولما رجعت الزوجة تلفظت عليها الآنسة المحترمة
مرة ثانية(بس الصراحة نسيت ايش قالت!)
المهم الزوجة اهني انفجرت وسمعتها كلام يأدبها :5_20:
لدرجة ان الام تدخلت ( توها تعرف ان الموضوع خطير يوم وصلت السالفة لبنتها)
لكن الزوجة بحكمة عطت الام كلام حلو بس اصر ت ان فلانة مخطئة
وانتهت الازمة
بس الي قاهرني ضعف شخصية الزوج000ماقدر يقول شيء لاخته!:mad2:
طيب مايبي يأدبها –كيفه–بس على الاقل مايسمع كلامها ويمشي عن المحل بعد مانوى يوقف!
ياله بنوتاااااااااااااااااااااااااااات
ايش موقفكم مع هالزوج
كيف تفهمينه يحترم زوجته
كيف تفهمينه ان احترامه لاهله مايعني اهانة زوجته
كيف تفهمينه ان سكوته يخلي زوجته تتدخل وبالتالي تتعقد الامور
طيب هل تتصرفين بنفس اللحظة او تنتظرين لما ترجعون البيت؟!
تكلمينه لحاله او عندهم
هل ممكن تقولين -مثلا- انه زي مااهنتني عندهم انا ممكن اهينك عندهم بعد
هل ممكن تردين بذيك اللحظة على الاخت تقولين 000مالقيتي رجال يأدبك!
او تقولين 0000بمكر000000ياحليلك يافلان شكلك ماسمعتني اقول ابي المحل:B_wink:
شرااااااااااااااااااااااااااااااااايكم
بنيات عروس ردو
00خلونا نتعلم كيف الواحد يتصرف بزي هالمواقف
ياله خلوكم زي هذولا
:2_71:
كل واحد يقول انا الاول :B_wink:
(( إنما الحلم بالتحلم ))
ويعفو المسلم عمن ظلمه قال تعالى ( فمن عفا وأصلح فأجره على الله )
ويجب ان يخاطب المؤمن من حوله بكلام حسن عملا بقوله تعالى ( وقولوا للناس حسنا )
اهتمي في اولويات الامور افضل من توافهها ..
و لا تنسين بحسن خلقج واحترامج راح تكبيرين في عين زوجك واهل زوجك ..
وخلي النقاش بينج وبين الزوج فقط في خلوه … عشان يأثر فيه الكلام
وربي يسعدج وويوفقج
عيون المها
انا مو صاحبة المشكلة00000بس يوم قالتها لي تحيرت
كيف اسوي لو اكون مكانها؟؟
الزوج السلبي و الاخت سيئة الخلق
ايهما ينبغي محادثته 000وكيف00
وهل دائما اسلوب التغاضي هو الافضل؟؟
ايش راح تقولين 0000اعرف ان الحلم زين
وان محاسن الاخلاق مطلوبة 000بس عبري
بكلام مكتوب مو بنظريات 000كيف راح تتصرفين
ياله ياحلوة 
انت لو قريت القصة الي فوق كن ماقلت عن هالموضوع انه من التوافه!
الزوجة صبرت صبرت 000بس جاء الموقف الي خلاها تنفجر!
خلينا نفكر بتعقل (وانا الصراحة ماكان ودي اتسرع بوجهة نظري -كان ودي اشوف اول ردودكم)
لو الزوجة من البداية ردت على الاخت برد مؤدب لكن مفحم !:mad:
كان احتمال انها تتجرأ مرة ثانية على الغلط اقل
وبالتالي0000لاتحدث مشكلة مع الزوج 00ولا مع الأم (الخالة)
أليس هذا التصرف اولى من السلبية التي قد تؤدي الى الانفجار!
(طبعا استثني الزوجة العاقلة جدا الي ممكن تتحمل هالموقف وتمرره مرور الكرام
هذي احسن لها تسكت مادام انها قادرة على ذلك)
شرايكم مازلت أأمل تنوروني بردودكم 000كلنا ممكن نستفيد
ولكن هناك امور اتجنبها
1–اتجنب السفر مع اهل زوجي اذا هم راعين كلام وتدخل وايد
2–لما البنات يتدخلون في اموري اضحك واقوله ماعليه فلان مايخالف ارجع حبيبي ابغى المحل
3-احاول لني اعرف الاوقات اللي يكون زوجي مروق واطلب اللي ابي والا مو مروق وااجل اللي بدي
اياه
4–ارسل مسج واطلب بحيث ان وافق حلو وان ماوافق مااتفشل
5-الصبر مفتاح الفرج
***********************
هذا اللي عندي ان اعجبكم استفيدو والا اضربو به عرض الحائط
اختي عادي يصير هالموقف لما يكون الشخص وسط مجموعه ،، الله يعين الزوج على تلبية الرغبات المتفاوته ،،
لما يكون شخص مع مجموعه لازم يحترم رغبات الاخرين ،، ولا يفرض رأيه على احد و يكون كل شي بالتشاور و الحل النهائي يناسب الجيمع او الاغلبيه ،،
الزوج هنا بين نارين ،، بين انه يلبي رغبة زوجته و بين انه يلبي رغبة اخته ،، يمكن هو لبى رغبة اخته لانه كان يحس بنفس الاحساس ،، يمكن مل من المشاوير و التمشيات ،، فـ كمل طريقه للبيت .
"بس انتي ما ذكرتي وش قال هو بالموقف كان ساكت ؟ و لاذكرتي ردة فعله "
كان من الالبق انه رد على زوجته وقالها مرة ثانية او اخذك بعد ما انزلهم ،، بحيث ما يعطي لاخته سلطه عليها او يحسسها انه كلامها غير مأخوذ به
و بالنسبة للاخت صراحه ما لها حق انها تفرض رايها ،، كان من اللبقاه اانها تسكت مراعاة لرغبة زوجة اخوها ،،
أو نها تقول انها تعبانه او ملت من المشاوير و تطلب منهم انها تروح للبيت و هم يكملون مشوارهم ،،
اما الزوجة لازم تحط ببالها دامها معهم مو شرط كل اللي تبغاه بيصير لانها مو لحالها ،،
ولو انها قالت لو تقدر او الوقت يسمح اننا نزل للمحل احسن من انها تقول وقف و كأنه امر لو عادي مع زوجها يمكن اهله مو متقبلين الوضع ،،
وبهالحالة حتى لو ردت اخته رد سيء هي ما طلبت طلب هي تتشاور مع زوجها بحيث يحسم الموضوع تسمع وجه نظره ،، احسن من انه يكون ساكت و لا تفهم وش كان قصده و تحسس اخته انها منتصره !!
هذا رأيي
اتمنى اكون افدتك
تحياتي