انا عني كنت اشتري من جيان وبعدين اللولو الدانة وحاليا استقريت على لولو الرفاع لان اقرب لي انا من سكنة مدينة حمد بس اوقات ينقص اشياء بسيطة لي او للاطفال اشتريها من المنتزة مدينة حمد دوار 10 معنى انا ما احب اشتري من عنده لان احسه غالي بس الحاجة وما تسوي
يلا دوركم يا امهات من وين تشترون وكل واحد يقولي ليش يحب هاي السوبر ماركت عن غيره ومشكورين
وعن الميزانية الاطفال ابروحهم والبيت ابروحهم او مع بعض وهل اتحطين ميزانية محدودة او تشترين وخلاص عني انا اشتري حق اطفالي واغراضي الشخصية فقط وماتتعدى 50 دينار وانا قبل ماروح اكتب الي ابيه عشان ما اخذ اشياء ما ابيها ولا انسى شي وعن ماجلة البيت انا عايشة مع اختي في بيت امي واحنا خوات متزوجين من اخوان يعني نتحاطط واهيه اتروح تشتري بعد من الولو وحق البيت بعد 60دينار انا واختي 60 دينار انتوا اشلون ميزانيتكم ومشكورين
ارجو التفاعل للكل يستفيد
انا مقيمة بالسعودية واحب اتسوق دااائما من الدانوب احسه نظيف ومرتب وحتى الخضار والفواكه تكون كويسة
اسعاره شوي غالية عن غيره بس يكفي النظافة والترتيب … احيانا اتسوق من هايبر بندة كمان حلو وعروضه رااائعة
ميزانية البيت عندي شاملة كل شي يعني اجيب للبيت من … والى … ومن ضمن الميزانية اجيب لاطفالي
يعني ماعندي شي منفصل عن غيره .. مابعرف هل هالشي غلط ولا عادي ..
ومشكوووورة الله يعطيكي العافية
بالنسبة لي ماعندي سوبرماركت معين بس اكثر شي يكون من سوبرماركت
كبير ويحتوي على كل شي يعني اذا مخططين حق طلعه يكون لولو هايبر أو جيان أو كارفور أو لي مارتش
أما اذا محتاجين شي ضروري فمن أي مكان قريب مثل المنتزه ورويان وآخر فرصة واما عن الميزانية فمانسوي هههههههههههههههههه
انا بقول لج خبرتي
الحمد الله احنا ما علينا قاااصر بس الواحد لازم يدور الشي الي يناسبة وسعره مناسب
يعني بعض السوبر ماركتات يزيدون في السلعه مع نفسها بره بارخص
انا عن نفسي جربت كل السوبر ماركت الكبيره تقريبا
واحسن سعر حصلتة لاخراض البيت واغراض بنتي
هو اللولو هايبر ماركت فرع الرفاع قريب لي واسعاره ارخص
انا شسوي بداية كل شهر نوزع المعاش على امونا يعني لكل شي لة مصروف ومصروف السوبر ماركت واغراض بنتي ثابت كل شهر
اروح اخذ لها الي محتاجتة مره وحده من حفاظات وحليب واكل وملابس داخلية
و الحين عرفت مثلا كم تحتاج طواال الشهر من حليب وحفاظات
وعن المراضع ما احصل في اللولو وااايد انواع فاخذ لها من سوق الطفل
اما اغراض بنتي من حليب وحفايض من الصيدليه
اما ميزانيه مانسوي
بالنسبة لي احب اروح رامز حق منظفات البيت ونواقص الشهر لانه شامل!
ونروح لي مارش بعد لان نفس الشي فيه اشياء واجد
بس النواقص اليومية او الاسبوعية بجيبها زوجي رجعته من الشغل
عن الميزانية ماجود عندي ولا فلس حتى مااعرف اسعار البضايع هههه
بس ماشاء الله زوجي يعرف للميزانية ومن نوع اللي يحب يتسوق وحافظ الاسعار وكل مكان ويتميزون بشنو
وعلى فكرة ونتابع العرو لانها مفيدة
واغراض بنتي اخذها مع اغراض البيت ماعدا الثياب..
وفينا عيب ان كلش مانقسم الميزانيه !
دائما احب اخذهم من هناك
حتى الحليب والحفاضات حق شهووود من اهناك
لان زوجي ما يحب يروح الا اهناك وفي نفس الوقت اقرب لي