بشرتي شاحبه وشكلي مصفر وعندي اثار حب شباب….وهذا لان في الفتره الاخيره كانت نفسيتي وااااايد تعبانه بسبب ظروف تعيسه كنت امر ابه……
هالشي خلاني اهمل في بشرتي و اهمل في صحتي….
المهم عرس ربيعتي بعد يومين …..
بصراحه ما اعرف كيف بسير العرس و انا جذيه حالتي حتى افكر ما اسير….لكن كاسره خاطري ربيعتي يحليلها طرشت لي كرت و بعد اتصلت لي وتقولي لازم لازم تيين العرس برغم من انها تعرف ظروفي الحاليه….
فمب حلوه بعد ما اسير….
لكن شكلي مب عيبني…..:confused:
عندكم حل سريع و فعال يعطي لويهي الحيويه و يزيل عنه الاصفرار والشحوب واثار حب الشباب….يعني كريم الاساس لو بيغطي كم يغطي خصوصاً ان الاثار غامقه واضحه….
فابغي مساعدتكم و لكم مني الدعاء….
طبعا مستحيل تشيلين الآثار في يومين
لكني راح أساعدج بالنسبة لشحوب الوجه والاصفرار
بماسكات طبيعية وان شاء الله تفيدج ….
اولا استخدمي هالماسك مرتين في اليوم لمدة نصف ساعه ..
1- ملعقتين سدر مطحون
2- ملعقة ماء ورد
3- عصير ليمون
4- وممكن تضيفين محلب طحون
أو تستخدمين هالتونيك …
وهو عباره عن مزيج عصير البرتقال وعصير الليمون بنفس الكمية
وممكن تخففين المزيج بشوية ماء ورد وتخلينه لين ينشف على
البشره …..
قبل ما تحطين المكياج بربع ساعه يفضل تحطين الماسك الاول
لانه يعطي رونق ويثبت المكياج .. ويفضل المكياج يكون بالوان فاتحه
مائل للوردي او البنفسجي والمهم الوان فاتحه لان الغامق راح
يبهت لون البشره الاكثر ويبينها تعبانه أكثر …..
واستخدمي كريم مرطب خالي من الدهون قبل وضع كريم الاساس ..
بالنسبة لكريم الاساس انصحج بــ CoverDerm تلقينه في الصيدليات
بس لا تستخدمين بودرتهم مب حلوة .. استخدمي بودرة Lumene تلقينه
بمحلات المكياج ….
واهم شيء انج تشربين ماء بكميات كثيره والراحه قبل المناسبة …
وان شاء الله كل شيء يكون تمام
جزاكي الله كل خير……يا رب تتوفقين دنيا و آخره….
بس CoverDerm أنا جد شايفته في الصيدليه من قبل و سالت عنه الصيدلي…..جان يقولي هذا كريم اساس عادي مثل اي كريم اساس…..حتى استغربت قلت ليش هذا يبغي يخسر المحل اللي يشتغل فيه!!
يوم جربته على كفي …..شفت انه كريم اساس بس شوي ثقيل……فا أحترت….بعدين ما اشتريته 😮
نعم هو فعلا ثقيل شوي من تشذي قلت لازم تحطين قبله
كريم مرطب عشان يسهل عليج تفردينه على البشره …
وهو كريم يستخدم (( فقط )) في المناسبات المهمه سواء سهرات
او حفلات اعراس لانه استخدامه بشكل يومي يؤدي لمشاكل في البشره
انا وصفت هالكريم لاني اشوفه الوحيد اللي يثبت على البشره لفترة طويله
المهم انتي خذي الكريم اللي يناسب نوعية بشرتج ولونها …..
وان شاء الله تطلعين احلى وحده
وتسلمين على الرد والتوضيح مره ثانيه:flower:
حتى في الصيدليات ماركات !! و تختلف من صيدلية للثانية!!
والله يجعله بموازين حسناتك
كله كلام مقنع وماعليه خلاف ..
بس حبيت أضيف للأخت انها تستخدم هالماسك ليعيد لها النضارة
روب + نقاط عصير برتقال + نقاط عصير ليمون
لأن الروب مغذي ومنقي
والبرتقال يغذي ويعطي نضارة فورية لإحتوائه على فيتامين C
والليمون يوفر النظافة واللمعان
وان شاءالله تطلعي قمر بعرس ربيعتك
تحياتي؛؛
و فواكه و خضار بكثره
haya_m: حبيبتي مشكوره على النصيحه…جزاكي الله كل خير:flower: