بنات راح ادخل في الموضوع على طول
الاسبوع اللي فات ماماتي كلمتني على النت لأني انا بأدرس في بريطانيا
وقالتلي انو جاني عريس ({)ارسلتلي صورته (p)وقالتلي اسمه واسم امه وقالتلي سوي الاستخارة
اول ما شفت الصورة(p) كان احساسي تجاهه شي عادي
زي اي صورة ولد بتشوفيها وخلاص
(n)بس بعد ما عملت الاستخارة كم يوم تغير احساسي تجاهه تمامًا(y)
صرت احبه:21_207::1_81: وصرت مستنية يوم الشوفة الشرعية بفارغ الصبر
(ان شاءالله راح تكون لما ارجع السعودية في ديسمبر نهاية الحج ربنا يصبرني
)
دحين سؤالي احساسي تجاهه بعد الاستخارة هو دا النصيب اللي يقولوا عنه الناس؟
المتزوجات او على وجه زواج او حالتهم زي حالتي
:oممكن تجاوبوني و تكتبوا تجاربكم عشان الكل يستفيد:o
(f)في انتظار ردودكم الحلوة يا حلوين(f)
معقولة ما في وحدة متزوجة ولا مخطوبة ولا على وجه خطوبة
اكتبولي عن احد من قرايبكم مو شرط انتو
في الانتظار
حبيتي انا مش متزوجة ولا مخطوبة
بس اللي اسمعه وايضا الشيوخ يقولوا
بعد صلاتك الاستخارة …سواء حبتيه او كرهتيه هو القرار
يعني انتي تقولي انك حبيتيه ..خلاص بإذن الله يكون من نصيبك
واذا حسيتي بأي شي بعدها بكره اوبغض
فهذا ايضا من نتيجة صلاة الاستخارة ..
ووبس وبالتوفيق عزيزتي
في انتظار الباقيات
حبيبتي طبعا الاحساس عامل بعد الاستخارة بس الفيصل هو إنك لما ترجعي السعودية بالسلامة إن شاء الله وتبتدوا في إجراءات الرؤية الشرعية والملكة والكلام ده كله إذا هو نصيبك وخير ليكي تلاقي كل الأمور بتسير بسلاسة وتحسي فيها بالبركة
أما لو تعسرت الأمور بشدة فهذا هو الرفض وربنا يرزقك اللي يكون خير ليكي في الدنيا والآخرة
وطبعا انتي تفضلي تكرري الاستخارة دايما لحد ما يتم الزواج على خير بإذن الله تعالى
انا جربت انخطبت واستخرت ووافقت وجلست سنة مخطوبة وانا مازلت استخير وامور الزواج تتعسر كل مرة اكثر من اللي قبلها وانا اقول لعلها خيرة
وبعدين انا فركشت الخطوبة
مع ان الوحدة موسهل تفركش خاصة بعد سنة خطوبة بس سبحان الله ربي رضااااااني باللي صار
لانة في دعاء الاستخارة ويسر لي الخير حيث كان ثم رضني به
ربي ييسر لك ويعوضنا خير
بقولك قصه وحده من صاحباتي تقدم لها عريس وشافته وعجبها كثييييييييييير وحست انها مرتاحه وام البنت ماكانت مرتاحه قالت بنسأل عنه ونتأكد وام البنت قالت لام الولد بعد اسبوع اذا موافقين بنتصل واذا ماوافقنا خلاص مارح نرد وانتوا افهموها المهم سالوا كووويس عن الولد ومافيه احد سب الرجال والبنت طااارت من الفرحه واتفقوا انهم يتصلون على ام الولد المهم قبل لاترد امها عليهم بيوم كانوا طالعين السوق وضاع جوالها وضاع رقم ام الولد اهل الولد يفكرونهم مو موافقين والله البنت ضاااق صدرها مرررررررره بس هذي الخيره يمكن ربي كاتبلها احسن منه او يمكن مو هو الشخص اللي يسعدها انتي صلي استخاره ولا تفكرين بأي شئ شكلي وابكي وانتي تصلي وقولي ياااااااااااااااارب ان كان فيه خير لي تكتبه وان كان فيه شر تبعده دااايم ادعي هالدعاء الله يوفقك ويسهل لك امورك يارب
صحيح كلامكم، وكمان مو شرط اصلي صلاة مخصصة للاستخارة
ازا حافظة الدعاء ممكن اقولها في اي وقت وفي اي مكان
عن نفسي بعد كل صلاة مفروضة اقول دعاء الاستخارة وقبل ما انام كمان
والله يكتبلي اللي فيه الخير ان شاء الله
اختي الأستخارة هي الأستخارة ةهي كما علمنا الرسول صلى الله عليه وسلم انك تصلي ركعتين من غير فريضة
يعني لازم تصلي ركعتين مو فريضة اختي
ثانيا مو شرط الراحة او عدمها مو شرط الأستخارة اذا كان خير الك تحسي الأمور تتيسر بطريقة عجيييييييييييييبة يعني مو شرط الأحساس او انك تحلمي حلم زي ما البعض يعتقد
واذا مو خير ممكن تحسي بضيق او تعسير فظيييييييييع يعني كل ما تمشي فالموضوع يتعسر او يتفركش اوانتي تحسي خلص انه شلتي الموضوع تماما من راسك فجأة
اسال الله ان يخترلك الأحسن والخيرة لكي في امر الدنيا والأخرة
والله يكتبلك اللي فيه الخير انشا الله وربي يوفقك
انا صليت صلاة الاستخاره مرتين والحمد لله ارتحت وتزوجت واللحين عندي بنوته
الله يحفضها يارب