العصيده البحرينيه من مطبخي ~ 2024.

واخيرا نجحت في عمل العصيده

الطريقه
ناخذ طنجره واسعه او مقلى كبيره>>اخذت مقلى
وخليت الطحين وبديت اشفشفه على نار هادئه

انتهي لايحترق..كل اشوي قلبيه.. وبتطلع الريحه العجيبه :!!:
واشوي اشوي بيصير لونه ذهبي

من يصير لونه ذهبي عدي ل10 ثواني وقلبيه.. لانه بسرعه بياخذ لون..وانتهي لايحترق..وطبعا اللون شي راجع ليكم..كلما كان لون الطحين اغمق.. كلما صارلون العصيده بعدين غااااااامق
فخليت الطحين يوصل لهالمرحله من اللون وشلته من على النار
>>لاحضو انه فيه تكتلات

لازم نتخلص من هالتكتلات..
نجيب منخال او اي شي..ننخل الطحين فيه

واهني الطحين عقب النخال

ناخذ طنجره ثانيه..ونخلي فيها مقدار من الماء..يعني حوالي 5 اكواب ماء متوسطه الحجم+كوب من الدهن.. وملعقه اكل هيل مطحون..واشوي ماء ورد+كاس سكر او اي مقدار ترغبين فيه من السكر

ونخليه على النار لين يغلي اشوي
وعقب انضيف الطحين اشوي اشوي..وندمجه ويه الماي بخفاقه السلك اليدويه علشان يذوب الطحين بسرعه ويه الماي ومايتكتل>>لاحظو الطحين عقب مادخل الماي صار اي لوون:cool:

كلما تطبخ العصيده بتغلظ وبتصير سميكه..وذا بغيتونها مو سميكه واجد زيدوها ماي وخلوها على نار هادئه

طبعا لونها صار عندي لون الكاكو الغامق خخخخ..لانه غمقت الطحين واني اشفشفه
واذا حسيتونها اشوي تحتاج لسكر.. زيدوها والسكر بيذوب بسرعه بحراره العصيده

واذا صارت السماكه اللي تبغونها طفو عليها خلاص

وتقدم صاخنه ويمسح وجه العصيده.. يا بزبده.. او دهن..
وبالهنا والعافيه :adore:

صورة العصيده بالفلاش>>هي لونها غااامق.. بس بالفلاش طلعت فاتحه

واهني لون العصيده على الحقيقه.. غامقه جدا.. حتى امي استغربت من اللون اتقول اول مره اجوف يسون العصيده جدي :confused:هههههههههههههههه
>>ماعليه من اللون اهمشي الطعم اممممم:thumbs_up:

وبالعافيه على قلوبكم العصيده البحرينيه.. مشهوره جــدا في فصل الشتـــاء;)