اولا نبدا بالمقادير
1 – نص كيلو لحم مفروم
2- 2 كوب برغل مغسول ومنقوع لمدة ساعة
3- ملح و فلفل اسمر وشطة و بهارات
تانيا مقادير الحشوة
1- 1/4 كيلو لحمه مفرومه
2- بصلاية
3- 1/2 معلقة سمن
4- ملح و فلفل و بهارات انا اضفت فلفل الوان
بيض بقسماط زيت للتحمير
الطريقة اولا
يتم خلط المقادير الاولى مع بعضها فى الكبة و تصبح بهذا الشكل
و دة شكلها بعد ما عملتها كور متوسطة و فتحتها من النص علشان الحسو
و دلوقتى هنبتدى نعمل الحشو
اولا نقطع البصله و نحطها فى الوعاء وعليها نص معلقة السمن و نحطها على النار وشكلها هيكون كدة
و بعد ما تدبل نضيف اللحم المفروم
و انا هنا ضفت فلفل ملون اذا ما حبيتى خلاص
و نقلبها لحد ما اللحمه تفلفل شوية
و انا ضفت لها 1/2 كوب ماية علشان اللحمه نستوى
ودة شكلها بعد اضافة المية
ودى صورة اوضح
ودى بعد ما استوى الحشو
ودى الكبيبة و هى متكورة و مفتوحة و جاهزة للحشو
و هنا بعد ما حطينا الحشو فيها
و دى بعد ما حشيتها كلها
و بعدين نقفلها ودة هيكون شكلها طبعا انا مش بعرف اقفلها كويس
ودلوقتى هنعملها بطرقتين الاولى هنقليها على طول فى الزيت و دة شكلها
و الطرقة التانية ان احنا بعد ما نحشيها نسويها على البخار يعنى حلة فيها ماية و عليها مصفاة لما المية تغلى نحط الكبيبة المحشية فى المصفة و نغطيها كويس وبتستوى بالبخار ودة شكلها و هى بتستوى
ودة شكلها بعد ما استوت على البخار
و بعدين نجيب بيض و بقسماط و نحط الاول فى البيض
و بعدين البقسماك
ودة شكلها بعد التحمير فى الزيت
وبالف هنا
ام جودى القمر سابقا & sosomedo سابقا
تسلم ايدك يا سوسو
شكلها حلو ما شاء الله
بس قوليلنا انهى الاحلى عالبخار ولا المقليه عادي؟
ماشاء الله شكلها لذيذة و بتشهي
تسلم ايدك
و الله يا شهيدة اللى على البخار تحسيها احلى لانها بتكون مستوية كويس و البرغل مش نى و التانية حلوة بردو
ام جودى القمر سابقا & sosomedo سابقا
تسلم الايادي عالاكله الطيبه
ايه الشطارة ديه كلها تسلم ايديك ياسوسو
بس حاولى تصغرى الصور
اللى يعرف يصغر الصور يا ريت
ام جودى القمر سابقا & sosomedo سابقا
تسلم الايادي يارب
:
: