لو عاوزة الكشرى العادى اللى هو الاصفر بتجيبى عدس اصفر يعنى مثلا 2كوب ارز وكوب عدس اصفر وتغلى الميه على النار حوالى 2ونص كوب ماء وبعدين تحطيهم ولما يستوى تكونى مجهزة شوية سمنه بلدى او ذبدة وتشوحيهم على النار وتحطيهم على الكشرى وتقلبي طبعا بتكونى مملحة المية حسب رغبتك وفى ناس بتحمر بصلى تقليه يعنى وترشها على الوش
اما لو عاوزة الكشرى القاهرى ابو دقة يعنى عبارة عن عدس اسمر ومكرونه وارز وبصل وحمص مسلوق وصلصة طماطم متسبكة على النار ومتبله شطة وكمون وفلفل وملح
الطريقة بتسوى العدس على النار تسلقيه يعنى ولما يستوى تحطى عليه الارز وتسيبى الارز يستوى
تسلقى المكرونة وتحمرى البصل وبعدين تحطى فى الطبق بالتبادل الارز مع العدس وبعدين المكرونه وبعدين الصلصة وبعدين التقليه البصلة المحمرة يعنى واخيرا الدقة وطريقتها توم مفروم وكمون فى زجاجة وتحطى التلت خل والتلتين مية وملح وترجيهم بس وتضيفيها على الكشرى حسب الرغبة
فى ناس بتسوى العدس لوحدة والارز لوحدة
يارب اكون افدتك
فى كمان دقة حمرة بتكون مع الكشرى فى المحلات بتجيبى شطة وتغليها فى ميه كتير لحد متكون شبه مركزة ودة طبعا لو بتحبى الحار
اتمنى انك تردى عليه لو هو دة اللى انتى عاوزاه ويارب يعجبك
 |
اقتباس |  |
 |
المشاركة الأساسية كتبها ام ريناد 1402  |
 |
 |
| ايوه حبيبتي الثانيه اللي انا قاصدتها تسلمي عيوني خلاص انا كتبتها وان شاء الله بسويها تسلمي والله | ||
 |
 |
يارب تعجبك لما تعمليها بس لما تعمليه طمنينى ايه الاخبار بالهنا والشفا