اليوم اخوكم حاب يطرح عليكم بعض الأسأله وأتمنى من الأخوان الاجابه على الاسأله المخصصه للشباب .
وارجو من الاخوات الاجابه على الاسأله المخصصه للبنات.
ولا بأس بالتعليق على الأساله من كلا الطرفين
1-هل ممكن تتزوج كنت تكلمها من قبل؟
2- هل ممكن تتزوج كنت تكلمها وتطلع معاها وو…؟
3- هل ممكن تتزوج وحده اعترفت لك انها كانت على علاقه بواحد او اكثر؟
4 -هل ممكن تتزوج وحده اعترفت لك قبل الخطوبه بأنها غيرعذراء وانا كانت غلطه وتابت الى الله..؟
5- هل تصارح زوجتك قبل الزواج ان كانت لك علاقات نسائيه؟
6- هل تصدق بنت قالت انها تحبك؟
7-هل يوجد حب صادق خارج العلاقات الاسريه والزوجيه؟
اسئله خاصه بالبنات:
1- هل ممكن ان تتزوجين شاب كنتي تكلميه من قبل؟
2- هل ممكن تتزوجين شاب كنتي تكلميه وتطلعين معاه وو…؟
3-هل ممكن تتزوجين بواحد اعترف لك انه كان على علاقه بواحده او اكثر؟
4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
5-هل تصارحي زوجك قبل الزواج ان كانت لك علاقات شبابيه؟
6- هل تصدقين شاب قال انه يحبك؟
7-هل يوجد حب صادق خارج العلاقات الاسريه والزوجيه؟
مع خالص تحياتي
شوفي حبيبتي مادري شي شفته وسمعته البنت عااااااااااااااااااااااااااااادي ممكن تغفر حق الرجل أشيا وايد وممكن ترتبط فيه اذا قال لها عن اشياء سواها بس اذا صدق تاب الي الله بتقولين شلون تعرف من طريقته ومن اهله وكلامهم عنه لان الريايل يعرفون بعض..
ام عن الاسئلة اللي حق الرجل ماظن احد يرضى لا اذا كان واثق في البنت الا اني شفت وحده قريبه مني ممكن اقولج ان كل الاسئله اللي قلتيها يعرفونها عن بعض الا سؤال واحد وهو ان البنت عذرى مب غير جذيه وتزوجت اللي تكلمه وعيشين سعداء
هلا أختي وردة المنتدى ..
ممم منو اخونا؟؟
1- هل ممكن ان تتزوجين شاب كنتي تكلميه من قبل؟
ما اعتقد
2- هل ممكن تتزوجين شاب كنتي تكلميه وتطلعين معاه وو…؟
نفس الشيء
3-هل ممكن تتزوجين بواحد اعترف لك انه كان على علاقه بواحده او اكثر؟
ما ادري يعتمد على الشاب.. ورأي الاهل في الموضوع وقبل كل شيء الاستخاره
هذا اذا كان شيء صاير في الماضي انا لو مستمر على هالشيء الجواب يختلف طبعا
4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
لا ما اعتقد اقدر اتقبله..
5-هل تصارحي زوجك قبل الزواج ان كانت لك علاقات شبابيه؟
لا .. ما اعتقد..
6- هل تصدقين شاب قال انه يحبك؟
لا
7-هل يوجد حب صادق خارج العلاقات الاسريه والزوجيه؟
الحب الحلال.. الحب في الله يكون حب صادق..
واسمحيلي أختي انقل الموضوع لأنه مكانه مش مناسب 
:flower: :flower: :flower:
لية النساء يغفرون ويسامحون ويتناسون أقول يتناسون مو ينسون فعايل الرجال سواء قبل او بعد الزواج لمممممممممممممممماذا؟؟؟؟؟؟؟
لا
2- هل ممكن تتزوجين شاب كنتي تكلميه وتطلعين معاه وو…؟
لا
3-هل ممكن تتزوجين بواحد اعترف لك انه كان على علاقه بواحده او اكثر؟
نعم بشرط انه ما يرجع لعلاقاته
4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
اذا تاب عاادي
5-هل تصارحي زوجك قبل الزواج ان كانت لك علاقات شبابيه؟
لا لنه هالماضي ممكن انه يهدم العلاقة الزوجية وتروح او تنعدم الثقة من الزوج للزوجة
6- هل تصدقين شاب قال انه يحبك؟
اذا من الاهل اصدقه ( لنه بيكون صادق وبيخاف علي مثل ما يخاف على خواته ) لكن اذا كان مب من الاهل ماصدقه طبعاا
7-هل يوجد حب صادق خارج العلاقات الاسريه والزوجيه؟
المحبة من الله
لا مستحيل
2- هل ممكن تتزوجين شاب كنتي تكلميه وتطلعين معاه وو…؟
لا مستحيل
3-هل ممكن تتزوجين بواحد اعترف لك انه كان على علاقه بواحده او اكثر؟
نعم
4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
نعم اذا تاكدت انة تاب
5-هل تصارحي زوجك قبل الزواج ان كانت لك علاقات شبابيه؟
لا
6- هل تصدقين شاب قال انه يحبك؟
لا
7-هل يوجد حب صادق خارج العلاقات الاسريه والزوجيه؟
ممكن
انا ما احط نفسي بمواقف نفس جذا بس لا سمح الله لو صارت..لا ما بتزوج لاني ما اظمن انه يعايرني في يوم من الايام
2- هل ممكن تتزوجين شاب كنتي تكلميه وتطلعين معاه وو…؟
نفس الجواب الاول..لا يمكن..اصلا كيف بيأمن علي وانا خنت ثقه اهلي من قبل!! صح ولا لا؟؟
3-هل ممكن تتزوجين بواحد اعترف لك انه كان على علاقه بواحده او اكثر؟
اتزوجت ريلي اللي كان على علاقات سابقه..بس وحده من هالعلاقات كانت الاكثر جديه بينهم وكان ناوي يتزوجها بس ما صار نصيب..ما انكر اني مرات يوم اتذكر اغار موت..بس اللي يهون علي انه زوجي تاب توبه نصوح ويموت على ارض اوطاها
4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
زوجي قبل لا تتم ملجتنا اعترف لي بهالشي ووافقت عليه..لانه للاسف اغلبيه شباب هاليوم جذي..بس الاهم انه تاب الى الله
5-هل تصارحي زوجك قبل الزواج ان كانت لك علاقات شبابيه؟
الحمدلله انا ماكنت على علاقه مع شاب لان من بعد خوف الله…اموت على والديني واخوي اللي بعمره ما قصر معانا ولا يمكن انزل راس امي وابوي واخوي الارض ولو على قطع رقبتي
بس لو كنت في موقف مماثل..لا ما بصارحه نهائيا..لاني تبت والله عفى عنا ما سلف..ليش افضح نفسي واعيش نفسي واعيشه في الشك الدائم
6- هل تصدقين شاب قال انه يحبك؟
حصل هالشي معاي ايام الثانويه..انه جارنا بعثلي اخته تقولي انه يحبني وقصده شريف وكلام من هالنوع..موقفي كان اني قلت لاخته انه عندي اب واخ الله يطول باعمارهم ورايي من عقب رايهم..اذا قصده شريف تراه يدل عتبه الباب وانا ما عندي كلام ثاني
من ناحيه صدقته ولا لا..الصراحه صدقته لانه كان اربع وعشرين ساعه معسكر قدام باب وبيتنا..واخوي قالي مره انه صار يحب اخوي زياده عن الازم هههههههه
7-هل يوجد حب صادق خارج العلاقات الاسريه والزوجيه؟
يمكن في ويمكن لا..ما ادري ولا ابغي اعرف لانه عن نفسي ما دورت حب صادق وانا في بيت ابوي..ولا بدور وانا على ذمه ريال..اموت الف مره ولا انزل راس انسان عزني وحبني ودللني الارض مهما كانت الظروف..واذا ما كان معززني ويحبني..احتسب الاجر عند الله وانا واثقه انه جزائي عند الله بيكون عظيم جدا جدا جدا
أنا حبيت أقول وجهة نظري بصفة عامة من دون لا أذكر السؤال وإجابته أوكي
الصراحة أنا إذا عرفت عن ريل المستفبل إنه كان مسوي شو ما مسوي سابقا ما يهمني لأنه بيكون مجرد ماضي وأهم شي ما يرجع له ( بسامحه ) :shy:
وكل وحده وشطارتها تقدر تخلي ريلها ما ينظر لغيرها وتنسيه كل ماضيه ( شطانة المراهقه والبنات ) 🙁
أما بالنسبة لي ( والحمدلله ما كان لي سوابق ) أهلنا ربونا عدل وما قصروا في تربيتنا وعلى أيامنا يمكن الدنيا كانت شوي بخير
ولو فرضنا إنه كان لي ماضي مستحييييييييييييل تعرفون شو يعني مستحيل أقوله ( تدرون ليش )
هاااا قلتولي ليش ؟؟
لأن الريال وضعه غير في هالشي .. مستحيل ينسى هالشي بيقول عادي اللي يخون مره يقدر يخون مرات ومرات ( يقصد الحرمه دامها خانت أهلها تقدر تخون ريلها )
أما بالنسبة للريال فوضعه بيكون غير صدقوني وحتى لو ذكرناه بماضيه (الريال ما يعيبه شي ) الريال ريال :angry:
صدقوني يا خواتي الحرمه في هالزمن تتغاظى عن وايد أشيا بس الريال موقفه غير في هالأشياء
وصدقوني أقولكم هالشي لأن ربيعتي غلطت وقالت لريلها والله يعلم بحالها أحين ريلها استوى فيه ( مرض الشك ) :mad2:
والسموووووووووحه عالقصوووووووور
بس يتم في بالها هالشيء انه كان عنده سوابق وعلاقات وغيره وغيره
اما الرجل لا يسامح الفتاه ابد يمكن نادرا اللي يسامح وينسى
والافضل انه الفتاه لا تخبر بماضيها لو وجد ماضي سيء بل تستر على نفسها لان الله ستر عليها
اما عن السؤال الاول والثاني وهو الزواج من شخص تكلمت معه
فلو كان نيته صادقه ومشاعره ايضااا وايضاا رغبته في نهاية تكون بالحلال والستر
فلا مانع لدي
ان الله تواب غفور
على مامضى والبدء بحياة صالحه
اما عن السؤال الاخير
والله ماعرف
اكيييد .. زوجي خذيته عن حب وهو ولد خالتي<< لو مب ولد خالتي
ما كلمته ولا فكرت فيه
2- هل ممكن تتزوجين شاب كنتي تكلميه وتطلعين معاه وو…؟
احبه ايييه بس اطلع معاه وأقابله مستحيييل << الشك ذبّاااح
3-هل ممكن تتزوجين بواحد اعترف لك انه كان على علاقه بواحده او اكثر؟
زوجي حب وحده تصير صديقه بنت عمته وحتى ما كلمها راح على طول وخطبها..
بس البنت طلعت سمعتها في الأرض ونهى الموضووووع.. ولا كأن شي صاير
والحين اثق فيه ثقه عميااء لو من يجي يقول عن شي ما اصدقه لأنه صارحني
من البدايه…!!
4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
من سابع المستحيلات .. من ترضى؟؟ واشدراج ما بيرجع لسوالفه البطاليه؟؟
5-هل تصارحي زوجك قبل الزواج ان كانت لك علاقات شبابيه؟
الحمد لله ما عندي علاقات مع غيره ولو زوجي مب ولد خالتي بعد ما حبيته
ولا عبرته
6- هل تصدقين شاب قال انه يحبك؟
اكثر من واحد قالو انهم يحبوني عن طريق خواتهم او بنات
اخوهم في المدرسه .. بس انه كنت رافضه هالشي
كنت اقول ان مافي علاقه بين بنت وصبي وان كان حب
الحمد لله
7-هل يوجد حب صادق خارج العلاقات الاسريه والزوجيه؟
لا طبعاااا .. اكتفي بزوجي والحمد لله .. وما ادور غيره بدييييل
انسان عزني ورزني ودللني وما يوم طلبته في شي قال لي لاا
ويخاف علي من نسمه الهوا .. الحمد لله على نعمته