المدارس الخاصة في البحرين 2024.

السلام عليكم ورحمات الله وبركاته اشلونكم يا امهات البحرين ابي منكم خدمة بسيطة من لديهم ابناء في احد هاي المدارس او غيرها قررت ان ادخل بناتي احد المدارس الخاصة على حسب ميزانيتي علما ان ابنتي الان في روضة سنة اولى وانها بتعيد السنة الجاية بعد سنة اولى روضة عادية في مدينة حمد دوار 15 وعلما تاريخ ميلادها 29 ابريل 2024 يعني يالحين ما خلصت الثلاث سنوات ابي اعرف كل شي من الزي من وين ولون وبكم والرسوم التسجيل والرسوم الشهرية او على دفعات هل ياخذونها سنة 2024 اي سنة روضة في المدارس الخاصة وابي المنهج واشلون اللغة مع الياهال وهل يدرسونهم عربي ودين وهاي اهم شي وابي خصوصا ترد علي ام حسون لان ولدها في مدرسة المهد لان حابتها وعلى ميزانيتي بالظبط وعن المواصلات في حق مدينة حمد وكل الي تعرفونه والمدرسات اجنبات او بحرينيات وحابة احد هاي المدارس
[/color]مدرسة المهد

مدرسةالتعليم العصري
مدرسة بوابة المعالي
مدرسة الشرق الاوسط
مدرسو لولوة الخليج العربي
مدرسة الافاق الحديثة
مدرسة المعارف الحديثة
مدرسة النور العالمية
ابي من كل لديه معلومات لايبخل علي ومشكورين وانا ابي اركز على اكثر شي اول ثلاث مدارس وبعد معلومات عن الباقي ومشكورين

محتارة أي روضة تدخلين طفلك،، حياكم

هالموضوع بيفيدش اختي

مرحبا،،

حبيت افيدش ان بنتي في مدرسة عبدالرحمن كانو الدولية وكلش اوكي من جميع النواحي ما ادري ليش انتي مو ذاكرتها مع انها مدرسة ممتازة جدا..

إذا تبين تعرفين عنها بقدرافيدش بكل شي..

وشكرا

بس بعد ابي اناقش الامهات في موضوعي احسن ادري بفيدني الرابط بس ابي استفيد اكثر

مدرسة كانو مو غالية ابي في حدود الميزانية في حدود 50 الى 80 شهريا فقط

ام حلا انتي كتبي كل الي اتعرفينه ومشكورة

مرحبا،،

ايه مدرسة كانو غالية بس ماتغلى على عيالنا صح؟؟

بس ترى المدرسة كلش قوية انا بنتي في نيرسري لانها كان 3 سنوات و3 شهور والسنة الجاية شهر 9 بتكون كي جي 1 بس مثل ماقلت ليش تعليمهم قوي وماشاء اللة بنتي تعلمت واجد وبشكل ملحوظ انها تعلمت اشياء واجدمو مثل هالروضات اللي يدش الطفل ويطلع نفس الشي..

وان شاء الله سألي وبجاوبش عن كل شي

وشكرا،،

عن الاسعار مثلا

وينج يا ام حسون طلبتج لاترديني

هلا اختي .. مسامحه توني شايفة الموضوع

عن تجربتي مع مدرسة المهد ::

اولا انا سمعت عنها اشياء وايد من قبل منها اشياء ايجابية ومنها اشياء سلبية ،، بس اللي شجعنا عليها هو ان اولاد اخو زوجي فيها ومرتاحين معاها فقررنا نتوكل على الله ونسجله وانا في بالي ان لو صار شي بسحب مباشرة من عندهم وبوديه مكان ثاني لكن اللي صار واحنا قريب نهاية السنة ان المدرسة احسها اوكى ومرتاحين معاهم وولدي حاب المدرسة رغم انها بعييييييدة علينا وحتى من فترة زوجي فكر ينقل حسون لمدرسة قريبة ولما قلنا لحسون الا هو مو راضي ويبغي مدرسته على قولته المهد سكول فسجلناه فيها للسنة الجاية بعد وان شاء الله يتوفق يا رب ..

بنتج لو بتسجلينها هناك راح يخلونها الجاية في كي جي 1 (LKG)..

الزي ناخذ جزء من بيت الازياء في مجمع العالي وجزء نشتريه من المدرسة .. اللون القميص بحري والبنطلون ( المريول ) رصاصي مثل لون بنطلون الاولاد في المدارس الحكومية والتاي ازرق مخطط ببحري ..

رسوم التسجيل كاملة بالمواصلات بتكون 175 دينار شاملة رسوم شهر 9 والمواصلات مثل ما قلت واذا ما تبغين مواصلات تنقصين 20 دينار يعني 155 دينار ،، وبعدين شهريا الرسوم الشهرية بتكون 45 دينار والمواصلات 20 دينار ..

المدرسات هنديات ويعطونهم بعد عربي ودين ( يدرسونهم بحرينيات ) .. المنهج ما عندهم الا منهج واحد وهو البريطاني ، وعن مواصلاتهم احنا بيتنا في عالي وعادي في مواصلات .. واتوقع ان في بعد لمدينة حمد
وولدي بشكل عام احسه استفاد وايد ومدّرسته اوكى والحمدلله مستواه ممتاز في الدراسة ولغته بعد زينة واهم شي ان ما فيها لكنة هندية مثل ما كنت متخوفة

نسيت اقول ان اللعام ولدي كان في روضة انوار الغدير مستوى اول وهالروضة تركز على العربي فصارت خلفيته زينة واشوفه ماشي اوكى في العربي السنة وان شاء الله على طول وانا ما راح اهمل العربي وبمجرد ما يروح صف الاول بوديه مكان يدرس فيه العربي بشكل مكثف

واي استفسار ثاني انا حاضرة ..