ولازم كل وحده متفننه بشي
هالمره سوت اختي سلطه روسيه وساندويشات
وانا سويت مسقعه
والسلطه والمسقعه اطلعوا شئ ماشاء الله وماتم شئ منهم
الكل استانس على السلطه وطعمها الخفيف والمسقعه مسكته ماشاء الله
بس انا ماكثرت من الخلطه البيضه علشان تكون سايحه الخلطه اكثر من الحمسه بالمره الجايه ان شاء الله
وهاي صورة السلطه
وهاي صورة المسقعه
ماعليكم من اللي احترق هههههههههههه
اول شئ احب اشكر كريكره
هاي ثالث اكله اسويهااااااااااااااااااا من اكلاتها المبهره اللذيذه اللي مايتم حد مايمدحها
الاكله رهيبه بالريحه بالطعم بالشكل بكلشي تبارك الرحمن
صج صج فنانه لا اله الا الله عليها
الله يحفظها لاهلها ولبيتها يااااااااااااااااااااارب
بسم الله نبدا..
نسيت اصور المقادير..
ابدا بالطريقه والمقادير مع بعض
طبعا حمري شرايح الباذنجان …واتركيهم على جنب
في جدر على النار احمسي اللحم المفروم بدون اي اضافات الى ان يبدا ينشف
اضيفي الثوم المفروم والبصل وقلبي
اضفت فلفل بارد ملون (احمر برتقالي اصفر) مقطع مكعبات صغيره …
يعطي نكهه لذيذه ورائحه حلوووه
بعد التقليب اضفت البهارات
(فلفل اسود – بابريكا – زعتر او روزماري او اوريجانو – قليل من البزار المشكل – مزيج المكرونه – كزبره ناشفه – كركم ) وقلبت
اضفت الكزبره المفرومه والشبت
في الخلاط (اخلطي 4 طماطم + مكعب ماجي +فنجان زيت زيتون )
واضيفي على الخلطه وقلبي
وهنا السر في النكهه
اضيفي 2 ملعقه طعام سكر وقلبي…
واخر خطوه ((اختياري)) اضفت حمص مطبوخ وجاهز ممكن معلب وممكن انتي تجهزينه
الحين في صينيه بايركس
طبقه ياذنجان فوقها طبقه من العصاج..
في الخلاط اخلطي((3 ملاعق جبن كاسات اي توع تحبينه +ا علبه قشطه او قيمر +1/2 كوب ماء))
وتصبين فوق اللحم قليل من الخلطه
ورشه من جبن البارمزان
ندخلها الفرن الى ان تحمر فقط
وقدميها بالف عافيه…وتمتعي بالطعم اللذيييييييييييذ والمميز جدا..
وهاي تطبيقي
بس بالمره الجايه باكثر من الخلطه البيضه خلطه الجبن يمي يمي
نصيحه جربوهاااااااااااااااااا روعه مع الخبز
طعم ولا اروووووووووووووووع
وطبعا في منها انواع
بس اختي اختارت هالنوع وطلع حلو وخفيف
المقادير :
جزر مقطع مكعبات صغيره
بطاطس مقطعه مطعبات صغيره
معكرونه
ذره
بازيلا
3 ملاعق زيت زيتون
ملعقه كبيره خل
ملح وشويه فلفل اسود
الطريقه :::
تسلقين المعكرونه اول شئ
وبنفس الوقت تسلقين الجزر والبطاطس والبازيلاا
وعقب تصفينهم
وتحطينهم باناء وتخلطين على جنب الزيت الزيتون والخل والملح والفلفل الاسود مع بعض
عقب تصبينه على المعكرونه والخضروات
وبعدها تحطين المايونيز لين ماتغطين السلطه
ملاحظه
اختي حطت روب ومايونيز
علشان مالمايونيز مايثقل السلطه وتكون دسمه واهم شئ المتن هههههههههههه
حطت 3 علب روب ومايونيز تقريبااا 5 ملاعق
صوره جماااعيه
وان شاء الله تعجبكم الاكله والسلطه
وجربوهم وعطونااا رايكم
الله يعطيكم العااااااااااااااافيه
منوره الموضوع
جزاك الله خير ويسلم ايديك يارب
ننتظر ابداعك
ماشالله الله يعطيج العافيه والله شغل مرتب ونظيف بالعافيه عليكم
انشالله اسويها بس مب الحين لاني ما اروم ادخل المطبخ ههههه
 |
اقتباس |  |
 |
المشاركة الأساسية كتبها ملاذ الحب |  |
 |
|
|
||
 |
 |