كيف حالكم بنات؟؟؟
بنات تكفون انا زواج اخوي بعد شهر ومتوهقه كثيررررر :confused:
انا احب احط مكياجي بنفسي ولا احب اروح لصالونات بس المشكله ان لون فستاني احمر ولا اعرف اضبط الشدو الاحمر ولا احب الروج اللي لونه احمر احس انه موضه قديمه مررررة
فياليت تساعدوني اذا عندكم خلفيه عن الموضوع
اي روج استخدم ومن اي ماركه لان كثير قالولي ان البيج يناسب بس تعرفون ان مو اي بيج ولا اي ماركه تضبط
فياليت تساعدوني
حبيت ارد عليج …
اولا دام الفستان احمر فهو اكيد بيأثر على الوجه وذا كان المكياج فيه احمر وايد فالدنيا بتستوي ربشه في ويهج وتعتبرين مبالغه في التعديل ..
________
اولا :- سوي نفس المعتاد كريم اساس وبودره ولابلاشر …
ثانيا :- ركبى الرموش ..بس طرف العين مش كامل ..يعنى قصى الرموش من النص بحيث تخلينها من النص صغيره شوي ومن الآخر طويله ..وعشان تنبان طبيعيه …
ثالثا ..حطى ظل نفس لون البشره على الجفن بدون تجاوز العظمه الدائريه للعين …
رابعا :- في هل الخطوه انتى بتنسقين الاحمر مع اللبس ..بتحطين ظل احمر في لمعه خفيفه ,.انا مااستخدم ماركه معينه ..المهم حطيها على العظمه العين بالتحديد فوق الجفن على شكل قوووس .
خامسا:- لازم اللحين تنسقين اللونين واكيد بالفرشه ..المخصصه اللىتشبه فرشه البلاشر لكن على صغير نسقيها لكن بتجاه الحواجب مش الجفون …
سادسا :- لا تنسين الاي لينز الخفيف اللى بتحطينه فوق الرموش بس من الطرف مش كل اللعين ..وبعد ما يجف ظل اسود على مكان ويتوزع بالفرشه باتجاه الجفن بطريقه خفيفه ما تكون مكثر ..
سابعا :- لا تنسين الكحل للعين من الداخل يخلى المكياج اروع اكثر ..بس من بدايه العين لين نهايته ..وإذا كنتى متمكنه الايلنز بيساعدج اكثر عشان ما يطاير تحت العين او يذوب مع الحركه والحر ..
ثامناً واخيرا :- الروج ..حطيه احمرررررررررررررررر (بتستخربين بتقولين بيكون مبالغ ومااحب لونه ) لكن انا اقولج اطليه طلى بالاحمر 😉 لسبب واحد انج تخلين الشفاه تمتص الاحمر .. لثوانى ..وتمى اضربى ضربات بالكلنكس لين ما ينمسح الزوائد تحصلين شفايفج نفس الطبيعه محمره 😉 ويعطيج انه مكياج خفيف في نفس الوقت ..
اتمنى الطريقه تكون عيبتج …
حاولت اقدم ماقدر عليه وتحياتى لج
مستحيل احطه
تكفون ابي شي فاشن شي جديد
تسلمين اميرة بوظبي على طريقتك اعجبتني كثير بس الروج الاحمر لالالالالالالالالالالا
مااقدر احطه خاصه اذا صار الشدو فيه اسود لانه بيطلع مبالغ فيه
لان فيه قاعده جديده للمكياج المودرن
اذا كان الشدو غامق فلازم يكون الروج فاتح
والعكس صحيح
تكفين ساعديني في الروج .. الشدو وحليناه بس الروج
بنات اذا عندكم صور لمكياج احمر ساعدوني
لاني من جد متوهقه
بعدين انا ابي شي يلفت النظر .. جديد .. بس سنبل
يالله بنات باقي بس شهر يالله يمديني اقرر
انتظر ردودكم
بس انشاءالله البنات مايقصروووووووووون وفيهم الخير 😉
وخلي الشدو بونزي مع الاسود والذهبي
وان شاء الله تطلعين قمر
ايه هذا اللي ابيه البيج بس اي درجه اذا تعرفين لان عندي ارواج كثيره بيج بس ماناسبت ابي شي مجربينه عشان اشتريه.
انتظركم بنااااااااااااااااااااااات:confused:
راح اوضحلج :-
سيري حطى اللحين روج احمر اللحين دهنيه دهاااااااان ..صبري دقايق بس
ومسحيه كامل لكن مش بمزيل بكلنكس …لين مايكون في اثر ..بتحصلين شفايفج فيها آثار يعنى محمره شوي كأنها طبيعيه ..
هل الطريقه انا دوم اسويها تكون شفايف كأنها بروحها حمره والروج مش احمر بيكون في هل الساعه بيكون لون الشفايف على محمر 😮 صدقينى الميك اب خفيف وايد بيكون .. لا تخافين ما بيكون ثقيل بس طريقه المسح تكون بضربات الكلنكس لين ما يكون اخف ولا كأنج حاطه ..
اتمنى تكون وصلتج المعلومه
تحياتى يا حياتى
بعد ما تحطي الأساسيات…..
حطي أساس للعين يكون بيج…وركزي عند الحاجب حتى تبرزينه..ويفضل يكون فيه شوي لمعه..
حطي الظل الأسود عند الجفن لحد ما يوصل العظمة…
بعدها حطي عليه الأحمر يحيث يكون خفيف ولا يغطي على الأسود..لأنك لو حطيتي كثير راح يصغر عيونك..لأنها راح تكون غامقة مرررره.
خلي اللون الأسود يكون مدخن على ثنية الجفن..وفوقه أحمر خفيف.ولما يندمج مع البيج راح يكون روعة..
طبعاً إذا كنتي تبي تحطي رموش براحتك..بس أنا ما أحط لأنو رموشي ما تحتاج(((ما شاء الله)))
وبعدها تحطين الأيلاينر ..والكحل داخل العين برسم خط رقيق أعلى وأسفل..
وتقدرين تحطي خط رقيق أسود أو كحلي محروق من الظل تحت العين وتوزعينه بشويش وبحركة خفيفة .
وتستخدمين حمرة خدود..أحمر فاتح..أو أحمر مشمشي.
والروج عندك خيارات كثيرة ..تقدرين تختارين إيف سلن لوران..رقم 27 00541 بيكون لونه أحمر مايل للبني وتحطين فوقه الروج اللي يجي سائل بيج ..
أو
روج ريميل..RIMMEL
رقم 040 وشوية بيج فوقه..
وتقدرين تحطين رسمه اللي تلصق بالماء صغيرة وتجمع الأحمر والأسود..أو الأحمر بس..أو تحطين الأشكال اللي تلصق ..تجي أشكال..قلب ..نجمه..دمعه..تحطين أبيض أو أحمر أو الإثنين إذا كانت المسافة بين حواجبك مو صغيره مره..يعني لازم تكون واسعه..أما إذا كانت ضيقة راح تعطي مسافة أنها أصغر بكثير عالى الطبيعة.
وأتمنى من المولى القدير أنه يعجبك ويناسبك…
بااااااااااااااااي
بجرب طريقتكم واكيد ان شالله بتعجبني وبقولكم على النتايج عن قريب
ومشكووووووووووووورين كثيرررررررررررر(l)(l)
وان شاء الله اكون افدتج