بصراحه لفت انتباهي موضوع وحده من الاخوات مااذكر اسمها
الله يجزيها الف خير
كانت تسأل فيه عن على ايش تعودين زوجك
وحبيت اني اكتب الرد بموضوع منفصل عشان الكل يستفيد
الملاحظ بين المتزوجات لما زوجها يجيبلها هديه مثلا <<جوال فخم وغالي مثلا ب3000 ريال>>>
تفضل تشكره وتعظم الموضوع وكأنه جابلها المستحيل
وهذي بعض العبارات الي تستخدمها الزوجات
(((( الف شكر ماقصرت ليش كذا ليش كلفت على نفسك
الهديه غاليه والا انا مااستاهل والا لو انك جايب ارخص كان احسن
ومن هذا الكلام ))))
لو ماعنده فلوس ومقتدر ماكان جابه صح ؟
الحين نجي للحاصل :
الي تقصده الزوجه التالي :
ياعمري ماقصرت وانا مبسوطه بالهديه لكن لاني احبك ماودي تكلف على عمرك
يعني هذا قصدها بكل طيبه
الي يوصل للزوج وانتي ماتدرين التالي :
الهديه كانت غاليه ومش وقتها وانا ارضى بأي شي
وانت افهم عاد اي شي يرضيني
يعني لو انك جايب جهاز ابو 500 مثلا كان ارضاني
وكنت طرت من الفرحه
هنا يتبرمج مخ الزوج على ان رضاك غايه تدرك بكل سهوله
((( ومع مرور الايام يتعود على هذا الشي)))
وبعد شهور مثلا حبيتي تشتري فستان لمناسبه معينه
طلع الفستان غالي نوعا ما
راح يتفجأ زوجك ويخاصم ومن هذا الكلام وبيقولك دوري واحد ثاني ارخص
طبعا انتي تبينه والنتيجه حتكون واحد من الاثنين :
اما .. انه يرفض وتفضلون في نقاش وخصام وصياح
وتبدون تغلطون على بعض
وتبدين انتي تسترجعين الماضي وتقولين انا وانا وانا انا طيبه
انا حبوبه
انا ماقصرت معك
انا كنت ارضى بالقليل عشان مااكلف عليك
ومن هذا الكلام العقيم
وبعد هذا كله يمكن يشتريه لكن بعد ايش ؟؟ !!!!!
اما … الحل الثاني الي هو انه مارح يشتريه ابدا
وبكذا نطلع بنتيجه وحده :
زوجك على ماتعوديه والكل يشهد على هذا الشي
والزوج في هذا النموذج حيكون تعود على هذا الشي
وصعب يتغير او مستحيل
حتى اذا صار مناسبه وحب يفاجأها بهديه
مارح يحسب حسابها
لانه حيقول هذي ترضى بأي شي
بعدين امر اشتريلها شي والسلام
$ $ $ $
الحين نجي للنموذج الثاني :
زوجها اشترالها جوال فخم وغالي
الزوجه :
شكرا وماقصرت لكن لو انك ماخذني معك كنت اشتريت موديل من زمان نفسي فيه
او :
هذا جواب ثاني :
مشكور ياعمري لكن لو انك جبتلي الموديل الفلاني لانه اغلى ويعجبني
وتقلبه بثقل وتحطه على جنب وتقوم تسوي شي ثاني
وماعاد تجيب طاري الهديه خلاص انتهى الموضوع جابلها هديه
وهذا حق من حقوقها يعني ماله داعي كل شويه
تمدح وتشكر
ولو تلاحظون ان الرجل اصلا مايحب الشكر الزايد
اهم شي انها تبين له انه حلو لكن مو قد كذا وطبعا بأسلوب مايجرحه
النتيجه :
صحيح بيتحطم الزوج لكن لو تلاحظون التحطيم بيكون مؤقت
يعني بمجرد مايطلعون يتعشون والا يقضون ليله حلوه وينامون بينسى التحطيم
لكن التعود مابينساه
الحين نجي للحاصل بعد كذا :
((( تمر الايام والسنين والزوج خلاص تعود على ان رضاها غايه لاتدرك)))
ولاتنسون ان النفس البشريه تمل من الشي الي تعرف نتيجته مثل الزوجه الاولى
يعني خلاص
معروفه طلباتها
عكس الثانيه الي بيفضل زوجها متشوق اذا الشي الي يجيبوه لها
بيعجبها والا لا
وفي كل مره يفكر يجيبلها شي رح يقول هذيك المره جبتلها جوال فخم ومانال رضاها بالكامل
وبيجلس يدور على الهديه الي تليق فيها
وسبحان الله الله خلق الرجل يحب الزوجه الي كذا عارفه وش تبغى
نكمل كلامنا :
جت مناسبه وحبت تشتري فستااان وطلع غاااااااااااااااااااااالي
الزوج ماتفاجأ لانه متعود على ذوق زوجته وعارف ميزانيتها مضبوط
لا وحيكون حاسبلها الف حساب من ميزانية الراتب
طبعا راح يشتريه
وحيقول الغالي للغالين وتستاهلينه
حتى لو مانطقها حيكون قالها في قلبه
وحيرجعون بيتهم مبسوطين
لاجدال ولانقاش عقيم ولامنه وسب
طيب الحين نجي للمفيــــــــــــــد وخلاصة هذا الكلام كلـــــــــه :
الخلاصه ان الزوج يستقبل المعلومات على هيئة ارقام وحسابات
يعني 1+1=2
لكن اذا عودتيه ان 1+1=3 خلاص حيتعود على كذا اهم شي انك وصلتيله المعلومه صح
لكن فجأه تجين تقولين له 1+1= 3 حتوصلي لطريق مسدود عواقبه وخيمه عليك انتي
(((( وهذا نموذج للحوار الي في اغلب الزوجات))) :
(((انا تعبت عشانك وضحيت وماعمري كلفت عليك وسويت كل شي عشانك
وكل الي تبغاه جاهز من الليالي الحالمه والبيت النظيف والتوفير … وفي الاخر تبخل علي بفستان
ومن هذا الكلام الي ماله فايده
بالعكس بتكوني خسرتي كل الي عملتيه عشانه في سنييين في لحظه
وتفضلي تمني عليه وفي النهايه الزوج مارح يفهم وش قصدك
لان الي حيوصله شي واحد
وش الي غيرها وهذي زوجه نكديه وتتمنن علي وخلاص راح يبدى
يكره اي شي تسوينه عشانه وانتي الخسرانه في جميع الاحوال))))
عكس الزوجه تستقبل وترسل على هيئة عواطف
وتحسب الزوج مثلها
يعني تعاملي معاه بطريقه صحيحه عشان توصلون لحل صحيح
وتذكروا ان هذ قاعده الكل مؤمن فيها
وتذكروا ان الرجال يختلفون عن النساء
طبعا راح يكون فيكم معارضات لرأيي لكن هذا رأي واختلاف الرأي لايفسد للود قضيه
ولاتنسون ان الكلام ماينطبق على الكل لكن اغلب الرجال كذا الله خلقهم كذا
واحنا بتصرفاتنا ننكد عليهم ونتمنن عليهم ويصيرون ضحيه لتصرفات مالها داعي
لكن عوديه واختصري كل هذا
ونادرا مايكون في زوج يقول ايه فعلا ماتبغى تكلف علي لانه اصلا مايشوفها تكلفه
بالعكس يشوف انه حق من حقوقك وانتي بكلامك تبينين له انه وااااو ليش ياعمري الكلافه
والا ماكنا شفنا المشاكل في كل بيت
والله يبعد عنكم كل المشاكل وتعيشون في سعاده
ملاحظه اخيرررره ::
<<<< ونقول ليش الرجل يحب الزوجه النكديه والطيبه مالها مكان
اقولكم انتم تسمونها نكديه لانكم حريم تشوفونها من وجهة نظركم نكديه
لكن الرجال غير يشوفونها فاهمه وعارفه وش تبغى لانه الله خلقنا مختلفين الي نشوفه غير عن الي يشوفونه>>>>
لاتهاوشوني ادري زودتها لكن والله هذي الحقيقه
ودمتــــــــــــــــــــــم بألف خير
 |
اقتباس |  |
 |
| وهذي بعض العبارات الي تستخدمها الزوجات (((( الف شكر ماقصرت ليش كذا ليش كلفت على نفسك الهديه غاليه والا انا مااستاهل والا لو انك جايب ارخص كان احسن ومن هذا الكلام )))) |
||
 |
 |
اتفق معك فى هذه النقطة وايضا اختلف معك
اجل اشكره على الهدية وامدحها و افرح بها
لكن لماذا اقول انها غالية او انى لا استحقها ؟؟
لا طبعا . لا أقول هذا
.أقول له شكرا ياعمرى ماقصرت .. الهدية حلوة .. تعيش وتجيب .. الغالى ما يجيب إلا الغالى
وفعلا الهدية من قيمة من يهديها
|
اقتباس | |
|
| هذا جواب ثاني : مشكور ياعمري لكن لو انك جبتلي الموديل الفلاني لانه اغلى ويعجبني وتقلبه بثقل وتحطه على جنب وتقوم تسوي شي ثاني وماعاد تجيب طاري الهديه خلاص انتهى الموضوع جابلها هديه وهذا حق من حقوقها يعني ماله داعي كل شويه تمدح وتشكر |
||
|
|
اياكى واسلوب التحطيم
لأن أكيد الزوج سيقول هذى مايملا عينها الا التراب ومهما اعطيها لا تشبع
ويمتنع عن احضار الهدايا اساسا
لأن التحطيم أيضا لا ينساه
وتشرفت بمروركم
بس شعلاقه الموضوع بعنوان الموضوع ؟؟
وانا اتفق مع مشرفتنا الغالية تنثر الكون عطراااااااااا
وامي مره عجبها…
الله يجزاك خير
ومبسوطه بوجهات النظر المتعدده
هذا الهدف من اي موضوع النقاش
وبالنسبه للوالده دامها تأيد كلامي فهذا معناه
اني جبت شي حقيقي واكيد خبرتها تخلينا نعتز برايها ونأكد عليه
وبالنسبه للاخوات الي عارضوا التحطيم
انا اقول هذا مش تحطيم بمعنى تحطيم
يعني احنا (البنات) نشوفه من وجهة نظرنا تحطيم
يعني مشكلتنا اننا نحكم على ردة فعل الرجال بهذي الطريقه :
نحط نفسنا بمكانه ونتخيل انه اهدينا احد وماعجبته الهديه مرره
او انه تغلى شوي يعني ماانفجع عليها
ردة فعلنا بتكون التحطيم
هنا المشكله المفروض مانقارن نفسنا بالرجال
لان لهم سيكولوجيه ثانيه ومنظور ثاني وابعاد حياتيه ثانيه
مختلفين تماما عنا
لكن لو انتي عملتي كذا مع رجل اكيد مابيتحطم بيكشر شويه مؤقت بس
وبينسى لانه هذا طبع الرجال وكذا خلقتهم
احنا نتحطم ونيأس ونقول ماعجبتها ونخفف العطاء
هما الرجال غير يتضايق مؤقت ويكثف البحث عن ماينال رضا الاخر
عكسننننننننننننننننننننننننننننااا
وهذا الكلام مبني على اسس علميه كثيره ممكن اشارككم فيها اذا حبيتوا
تخليك تفهمين الرجل اكثر وتخليك تستغربين من اشياء
كنا نحسبها صح اثارينا مش فاهمين اشياء كثيره
وطول الوقت نعملها صح على بالنا وبكل حسن نيه انها صح
لاننا ماعندنا خلفيه اكثر عن ماهية الرجل
وكل تصرفاتنا معاه مبنيه على قياسها علينا
اذا تزعنا بتزعله والعكس صحيح والحقيقه بعيده كل البعد عن الي فاهمينه
واحنا ماندري
وان شاء الله راح انزل موضوع يهم كل بنت
وراح اتكلم فيه عن الرجل شويه من كل النواحي
نفسيته وتفكيره وكل شي يخصه
وراح يكون كلامي منطقي ومبني على اسس
علميه ومدحض بالادله باءذن الله
والهدف الاول والاخير هو تحسين حياتنا عن طريق
فهم الطرف الاخر واكتشاف اسراره والغوص في اعماقه
لنهنا بحياه سعيد
صج الموضوع عجيب
يعطيج العافيه
وننتظر الجديد ،،