بأي عمر تستطيعين السفر مع طفلك بهدوء؟؟ 2024.

السلام عليكم

أخواتي أنا حابه أعرف منكم للي سافرت مع أطفالها بأي عمر يكونوا هاديين

يعني متى تقدري تاخذي راحتش وياهم وتحسيهم ماراح يتعبوا ويتعبوش

أنا عن نفسي سافرت مع بنتي بعمر 10 شهور وبعمر سنه وبعمر سنه و8 شهور

وفي كل مره ماارتاح لازم تمرض وتبهدل الدنيا وتحركنا يكون متعب جدا

وهالمره ان شاء الله ناويه أسافر معها بعمر 3 سنوات إذا الله أراد وماني عارفه بتتعبنا ولا لأ؟؟

وغير كذا بيكون عندي ولدي وعمره 8 شهور في وقت السفر بإذن الله

سؤالي

هل سافرتي مع عيالش ؟

وبأي عمر أخذتيهم ؟؟

وكيف كانت الرحله بوجودهم ؟؟

وسؤال يخصني

هل أخذ معي بنتي ولا ولدي يعني من اللي بيكون أخف حِمل ومتطلبات؟؟

ولكم جزيل الشكر

حبابة

اني سلفرت ويه بنتي الى السعودية و كان عمرها 8 شهور تعبت واااجد مع انه يوم واحد و اتبهدلت كثير لأن خبرش تغير حفاظات و حليب و من هالقبيل و فوق كل هاده هالوقت لو بتخلينهم في العربة يقعدون يصرخون

فقررت وقت اللي اسافر ما اوديها وياي خاصة السعودية الا لين رحت ويه بيت ابوي

بس الحين صار عمرها 3 سنوات و 8 شهور و سافرت ابها تايلند قبل شهرين صراحة ماتعبتني و خذيت معاها العربة عشان لين تعبت اخليها فيها و عشان لو بغت اتنام ما اقعد احملها

و الحمد لله عدى الشي و استانسنا في السفر طبعا بغض النظر على الحجايج اللي ما اتخلص بس هاده الشي متعودة عليه

انا جربت السفر وولدي كان عمره 4 شهور ولما كان عمرة سنة تعبني مرررررة لاني كنت رايحة مع اهلي
بدون زوجي فقرررت اني مااسافر الا بزوجي تعرفي بتحملي اغراضه واغراضك والعربة واكياس وووو سالفة

ولما صار عمرة 3 سنوات ونص سافرنا مع زوجي واريح لسببين السبب الاول كان معاي زوجي فالمسؤوولية بينا بالنص وثانيا انه خلاص كبر ومعتمد على حاله بس اللي تعبني شوي انه اذا شد نظره شي على طول يركض ومانشوفه الا مختفي الله يهديه
بس الحجايج اللي ماتخلص وكل شي في السوق يبيه

مشكورة على طرح الموضوع

نصيحة خيو اذا فكرتين تسافرين روحي بدون عيال تركيهم عند الوالدة

عن تجربتي الشخصية راح تندمين اذا سافرتين وياهم لأن اني توني راجعة من العمرة وياهم صار ليي كم من يوم واتبهدلت وياهم حتى ولدي الكبير الا عمره أربع سنوات جنني ما بالش بنتي الا عمرها سنة
الله يعينش

اقتباس

المشاركة الأساسية كتبها ام علاوووي

	موضوع حلو واكيد وايد بيستفيدون منه ..! خصوصا الا على وجه سفر ..! هل سافرتي مع عيالش ؟ سافرت مع ولدي مصر..! قبل اربع شهور من الان .. وبأي عمر أخذتيهم ؟؟ وكان عمره سنه وكم يوم ..! وكيف كانت الرحله بوجودهم ؟؟ بصراحه كانت متعبه !! ولو انه ما انكر انو انبسطنا كثير الحمدلله .. ولو ماا كان زوجي يساعدني ما شاء الله كان تعذبت واايد.. كان يشيله عني ويساعدني في تلبيسه وغيره الحمد لله .. بس حصلت لنا كم شغله هناك ومن ضمنها انو ولدي انخلعت ايده .. وتغربلنا على ما حصلنا طبيب اطفال الى نص ليل ندور وندوور .. وعلى حظنا اغلب المستشفيات مافيها اطباء اطفال مو مداومين ! .. وبعدين حصلنا عياده ومستشفى خاص بعيد وايد .. ورحنا وعالج له الخلعالا في ايده الحمددلله وعدت على خير .. هل أخذ معي بنتي ولا ولدي يعني من اللي بيكون أخف حِمل ومتطلبات؟؟ بما اني جربت الاصغر سنا احس انو الاكبر بيكون اخف.. و معتمد على نفسه ..ومناعته اقوى ان شاء الله .. واحتمال تعبه يكون اخف ..وكونه شايل نفسه في اغلب الاشياء .. من تبديل وغيره يعني ما بيغربلج ..! ومن رايي تاخذين الاكبر .. وان شا ءالله سفره ممتعه موفقه ..!

تسلمي أختي على مشاركتش

وخوفتيني من خلع يده ولدش

لكن فعلا الأكبر ممكن يكونوا أخف حملاً واريح

والله يقدم اللي فيه الخير

اقتباس

المشاركة الأساسية كتبها ام نوراء 2024

	حبابة اني سلفرت ويه بنتي الى السعودية و كان عمرها 8 شهور تعبت واااجد مع انه يوم واحد و اتبهدلت كثير لأن خبرش تغير حفاظات و حليب و من هالقبيل و فوق كل هاده هالوقت لو بتخلينهم في العربة يقعدون يصرخون فقررت وقت اللي اسافر ما اوديها وياي خاصة السعودية الا لين رحت ويه بيت ابوي بس الحين صار عمرها 3 سنوات و 8 شهور و سافرت ابها تايلند قبل شهرين صراحة ماتعبتني و خذيت معاها العربة عشان لين تعبت اخليها فيها و عشان لو بغت اتنام ما اقعد احملها و الحمد لله عدى الشي و استانسنا في السفر طبعا بغض النظر على الحجايج اللي ما اتخلص بس هاده الشي متعودة عليه

أشكرش أختي

من كلامك استنتجت ان عمر بنتي مناسب حاليا للسفر بها وبيكون عمرها 3 سنوات ان شاء الله

لكن من ناحيه الحجايج لابد منها

الله يقدم اللي فيه الخير

اقتباس

المشاركة الأساسية كتبها Blossoms

	انا جربت السفر وولدي كان عمره 4 شهور ولما كان عمرة سنة تعبني مرررررة لاني كنت رايحة مع اهلي بدون زوجي فقرررت اني مااسافر الا بزوجي تعرفي بتحملي اغراضه واغراضك والعربة واكياس وووو سالفة ولما صار عمرة 3 سنوات ونص سافرنا مع زوجي واريح لسببين السبب الاول كان معاي زوجي فالمسؤوولية بينا بالنص وثانيا انه خلاص كبر ومعتمد على حاله بس اللي تعبني شوي انه اذا شد نظره شي على طول يركض ومانشوفه الا مختفي الله يهديه بس الحجايج اللي ماتخلص وكل شي في السوق يبيه مشكورة على طرح الموضوع

تسلمي بلوسومز

يعني طمنتيني أكثر من جوده

ان مابتسوي لي حركات

لكن من ناحيه الحجايج لابد منها

الله يعين