برنامجي الرائع للعناية بالبشره .كل وحدة تييب ورقة وقلم وتكتب 2024.

شلونكم يابنات

اليوم بحطلكم خوش منتجات للبشرة خذيتهم من صيدلية الروضة وايد مدحهم لي الدكتور هيثم اللي بالصيدلية وقالي انا معطيج احسن المنتجات لبشرتج واذا استمريتي عليهم بتشوفين بشرتج غيييير تماما

نوعية بشرتي مادري شقول لكم
هي قبل دهنية وانا هلكتها بمنتجات نيتروجينا فصارت ناشفه ومتقشرة وتحرررررررر تذبح
وحتى صار عندي احمرار بالبشرة وماعرفت شسوي

قالي راح اعطيج منتجات تعالج الحساسية في بشرتج وتوازنها وبنفس الوقت توحد اللون والملمس

وهذي هي المنتجات بالتفصيل:

اولا غسول للبشرة
Dermagor Gel Moussant Surgras
سعره 4 دنانير و 80 فلس
ميزته انه يوازن البشره اذا فيها دهون راح يشيلها واذا مافيها دهون ماراح ينشفها وهذا هو المطلوب عشان لاتنشف وتتقشر ولا تدهن وايد

ثانيا التونك
tonique oligo-elements
مالقيت صورته بالنت بس هو علبته بيضا ومكتوب عليها بالذهبي وهي ماركة فرنسية
حتى تحت كلش مكتوب بالخط الصغير 20Development20
ونفس الشي يوازن البشرة وينظفها ويشيل اي بقايا للمكياج او الرواسب من على سطح البشره
ولايسبب حساسية ولا جفاف
سعره 11 دينار و 950 فلس

ثالثا كريم النهار وكريم الليل
Roc Soya Unify

هذي صورة كريم النهار وكريم الليل نفس شكله بس العلبة كلها خضرا
وظيفته انه يحسن لون البشرة ويشيل الشوائب والبقع ويبيض ويحسن الملمس
صراحة ملمسه روعه ومبين عليه فعال جدا عموما منتجات روك كلها روعه

سعر كل واحد فيهم 13 دينار و 50 فلس

رابعا كريم الحماية من الشمس
Roc Minesol Anti-Shine Emulsion 30 spf

درجة حمايته 30 ويمنع اللمعان على البشره
سعره6 دنانير و 300 فلس

خامسا كريم العين
KOKO Dermatological Cosmetics
مالقيت صورته بالنت بس هو علبته بيضا وعليها صورة نفس كور صغار يم بعض يمثلون خلايا او شي جذي
وتحت مكتوب الاسم هي ماركة ألمانيه
وقالي الدكتور ان هذا احسن كريم عين يحتوي عى مركبات فعاله جدا مثل الشاي الاخضر واحماض الفاكهه و فيتامين E و فيتامين C وفيتامين A
يستخدم بالليل قبل النوم وهو يزيل الهالات السوداء والانتفاخ تحت العين ويمنع التجاعيد
سعره 12 دينار و 650 فلس

ياهلا وغلا والله
نورتي الموضوع