وجربت البسكويت وطلع ولا اروع احلى حتى من الجاهز
العائلة كلها استانست على البسكوت و 5 دقايق والصحن خلص
اهم شي بنتي و ولدى استانسوا بالبسكوت
قلت خلني اخبر بنات المنتدى اللي احبه
وهاي الطريقة
طريقة بسكويت عين الجمل
المقادير: (الكأس المستخدم في المقادير هو كأس جبنة بوك الحجم الوسط)
1.5 كاس دقيق الذره.
2 كأس طحين رقم 1.
1 كأس سكر بودره.
2 ملعقة صغيرة بيكن باودر.
3 بيضات.
1 زبده (227 غرام)
الطريقة:1. يضرب البيض مع السكر في الخلاط.
2. يضاف دقيق الذره والطحين والبيكن باودر الى الخليط السابق ويعجن باليد.
3. ثم تضاف اليه الزبده بعد اذابتها لتصبح سائله.
مقادير التوفي:2 فنجان قهوه سكر خشن.
1 علبة قشطة.
قليل من الزبده.
4 ملاعق كبيرة حليب سائل مركز.
طريقة التوفي:1. توضع قليل من الزبده مع السكر على النار حتى يحمر لونه ثم تضاف القشطة والحليب المركز مع التحريك المستمر حته يصبح غليط القوام ويميل لونه الى اللون العسلي وبعد ذلك يترك ليبرد وبعدها يصب في قوالب البسكويت.
وصحتين وعافيه
تكور العجينه لكور صغيره وتوضع في قوالب الجهاز وعند اخراجها من الجهاز يستعمل لذلك عيدان الخشب الصغيره.
بالنسبه للعجينه تكون مثل عجينة البتي فور تسمح انج اتشكلينها على شكل كره اصغيره وتحطينها في القالب البيضاوري يعني لا تكون سائله ولا تكون ناشفه وايد واي طبخه اكيد تعتمد على المقادير الدقيقه
وبعد ما تخلصين البسكويت تخلينه يبرد وبعدها تسوين التوفي وتخلينه يبرد اشوي وتستخدمين ملعقه صغيره في صب التوفي داخل البسكويت وتمسحين اشوي على اطراف البسكويت علشان يتسكر بالتوفي
وبسسسسسسسسس.. وصحتين وعافيه
المقدار الواحد يسوي 45 قطعه بسكويت (امسكرين على بعض)
وهاي صورة الجهاز
وهو يسوي بسكوت عين الجمل والوفل وبسكوت باشكال اخرى جدا جميله للحفلات و الأطفال
شكله حلو وطعمه من الوصف أكيد أحلى
بس ما دري هذا الجهاز عندنا منه في الدوحة
وان شااء الله نجربه
مع التحيه
بس كنت ابا اسلج اذا يستوي اسوي هاي الوصفة من دون الجهاز باليد يعني ..
واذا مايستوي ممكن اتخبرين وين ممكن احصل هذا الجهاز … اذا انتي عايشة في الامارات ..
اتمنى انج اتردين على اسئلتي باقرب فرصة ..
جزاج الله خير ..
والله كل مااشتهيه اسوي طلبية في البحرين والله الكيلو7دينار و 40 حبلاة بس
والله حرام