{ اللهم انفعني بما علمتني ، وعلمني ما ينفعني ، وزدني علماً }
صدق رسولنا الكريم فيما قال
………………………………………….. ……..
السلام عليكم ورحمة الله وبركاته
وكل سنة وانتم بالف خير بقرب شهر رمضان الكريم اعاده الله علينا وعليكم بالصحة والخير والبركة ويصلح حال المسلمين اللهم امين
**********
من بعد غياب طويل دائم سنوات رجعتلكم وانا ف شوق وحب لمنتداى الغالى:L: عروس:L:
اللى مانسيته وف بالى وهوة من عرفنى ع ناس احببتهم واحبونى ف الله فشكرا لكل عروسة وشكرا لمنتداى الغالى من القلب
واليوم جيتكم وانى مش فاضية وجايبة معايا موضوع ان شاء الله يكون فيه الفايدة للجميع وهوة موضوع ومجهود شخصى من فترة طويلة نشرته على صفحتى فى الفيس بوك ((صفحة وقروب تجهيزات العروس الليبية ))
ولقيت هالموضوع من اقوى المواضيع اللى تحتاجهم العروس وغير العروس ف كل مكان فالعالم فااحبيت ننشرها ومانبخل بيها لتعم الفائدة ع كل العرايس حتى لو خارج ليبيا ونتشرف بيكم وان شاء الله تكون مرجع لكل وحدة فيكم
والموضوع اهديه لكل وحدة تحب تكون عندها ثقة بنفسها امام كل من حولها
………………………………………….
انخش ف الموضوع ع طول 
تجربتى ف العناية توحيد لون البشرة والمنطقة الحساسة والاماكن الغامقة والسعى للوصول لبشرة متوحدة واصلاح اللغط اللى يوقعو فيه اغلب البنات وهوة
التبيض …لان هالمصطلح غير موجود ولا اساس له من الصحة مهما انتشرت الدعايات والمنتجااات ولا يعلى ع خلق الرحمن
بمعنى اصح التبيض يؤدى بكل وحدة تطمح لهالشئ الى مشاكل لا يحمد عقبائها
….يعنى كل وحدة ترضى بما اعطاءها الله من لون لبشرتها بس
قليل من العناية وتلقى نفسها راضية وبكل ثقة وافتخار بنفسها امام الجميع …
طبعا السلسلة طويلة وبالصور وباللهجة الليبية وياريت اللى ماتفهم اى كلمة عادى وبكل صدر رحب مستعدة انجاوبها وشوية شوية اللى مش حاتعرفها حاتعرفها
ولي اى استفسار ف السلسلة ماتتردد وحانجاوب اى وحدة وانساعدها ف الكبيرة والصغيرة …..
فقط مااتمناه هو الدعاء لية ولى ولدية عن ظهر غيب ..
وماتنسووو التقيم لرفع المعنويات والاستمرار ف العطاء 😮تحياتى م.مصراتية لشرقاوى
نخليكم مع صور السلسلة
تصويرى الخاص غسول سيباميد الالمانى
تصويرى الخاص
لانتيما روبيرتس الايطالى بالبابونج
تصويرى الخاص
انتيماروبيرتس الايطالى انتى بكتريا (مضاد للبكتريا ) طبعا هذا غسول لليدين افضل من المنطقة الحساسة وهوة بالياسمين وطبيعى مية مية ويستعمله حتى راجلك وصغارك عادى …
بكرة انكمل السلسلة ان شاء الله …دعواتكم لى عن ظهر غيب:L:
قال رَسُول اللَّهِ صَلَّى اللَّهُ عَلَيهِ وَسَلَّم يقول: "ما من عبد مسلم يدعو لأخيه بظهر الغيب إلا قال الملَك: ولك بمثل " رواه مُسلِمٌ."
جزاك الله خير عالاضافة القيمة
اكيد بانتظار التكملة
تم التقييم
تتفكري فيا أختي انا يلي إسمي توشيبا سيفتي علي
Toshibasahety Ali
و انا من أمريكا و عرفتك على نفسي و قتلك إسمي ام حسين
تتفكري في يوم كلمتك على الفيس و سألتك على السلسله متع الإهتمام بالمنطقه الخاصه
قاعده ديما إنمر على صفحتك رغم إنها كسدة شوي
لكن مرات لما نلقا في إسمك على بعض الصفحات نسأل نفسي يترى صار منه العرس او لا (جو تقصقيص ليبيات بعيد عنك)
كيف حالك و شن أخبارك هل يومين
صفحتك كانت حداد بسبب أحداث بنغازي و قلت يمكن هذا علاش الصفحه كساد
لكن مازلت نمر عليها
هل فتحتي قروب خاص زي المره يلي فاتت او كيف؟؟
على كل حال المهم وجودك هنا لأني مرات نرجع لموضيعك السابقه و نتعلم منك هلبا
 |
اقتباس |  |
 |
المشاركة الأساسية كتبها أم حسين و محمد  |
 |
 |
|
أختي المصرتيه رعاكي الله و سدد خطاك و زادك من أيمانه إيمان
تتفكري فيا أختي انا يلي إسمي توشيبا سيفتي علي تتفكري في يوم كلمتك على الفيس و سألتك على السلسله متع الإهتمام بالمنطقه الخاصه قاعده ديما إنمر على صفحتك رغم إنها كسدة شوي لكن مرات لما نلقا في إسمك على بعض الصفحات نسأل نفسي يترى صار منه العرس او لا (جو تقصقيص ليبيات بعيد عنك) كيف حالك و شن أخبارك هل يومين صفحتك كانت حداد بسبب أحداث بنغازي و قلت يمكن هذا علاش الصفحه كساد لكن مازلت نمر عليها هل فتحتي قروب خاص زي المره يلي فاتت او كيف؟؟ على كل حال المهم وجودك هنا لأني مرات نرجع لموضيعك السابقه و نتعلم منك هلبا
|
||
 |
 |
اكيد تفكرتك اختى ….والله … وبخصوص السلسلة انى كملتها من 2024 يعنى ليها هلبة وانى حصرى ف القروب نزلتها وماقدرتش انزلها ف الصفحة ع خاطر الخصوصية اللى فيها
وبخصوص الصفحة انزل فيها المواضيع العامة ….اكثر شئ
اما القروب قعد كله للمواضيع الخاصة للعروس حفاظا ع الخصوصية …
وانى ضفتك اليوم F:مع انى نحسابك رديتى للقروب بعد مافتحته من جديد وانستينى ف القروب
** وانى ان شاء الله حانرفع اغلب المواضيع المهمة اهنى بيش الكل يستفيد لان فيه عرايس مايخشو الفيس بوك فاانعطيهم فرصة ف المواضيع المفيدة لتعم الفايدة وان شاء الله كله صدقة جارية علية وع ولدية …
|
اقتباس | |
|
المشاركة الأساسية كتبها إينـانا |
|
|
|
ماشاء الله عليكِ متابعين وبقوه . . لآن مواضيعك روعه يا غااليه . .
|
||
|
|
الله يبارك فيك اينانا ع التشجيع ومرورك:L: …
|
اقتباس | |
|
المشاركة الأساسية كتبها كبرياء 88 |
|
|
| يعطيك العافية وتستاهلي التقييم | ||
|
|
الله يعافيك وشكرا لمرورك والتشجيع :L: