بمناسبة شهر القرآن و العبادة الواحد يقرب من ربه و يبدأ يراجع نفسه.. فأختكم خطر على بالها موضوع حيت تشارككن فيه لعله يكون في ميزان حسناتنا
لاحظت ظاهرة منتشرة بيننا احنا البنات بكثرة.. و طبعاً لاحظتها على عمري أول شي للأسف (n)
لاحظت يا خواتي اننا مسرفات و بدون حساب في المواد التجميلية
طبعاً أنا ما بسوي عمري مثالية و أجلس أقولكن لازم نشتري كمية معينة أو الأساسيات و بس أو أي شي لا لا لا..
بس الشي اللي أنا ما رايمة أفهمه (حتى بعمري!!!) هو التكرااااااااااااااااار
يعني يوم الوحدة فينا تستخم مجموعة عناية من ماركة معينة و تكون مرتاحة معاها، تسير تشتري مجموعات من ماركة ثانية و ثالثة و رابعة، لا و القهر ان ما شرط نستخدمها
و نفس الشي مع المكياج، نشتري بودرة و الثانية لحدما نحصل وحدة نرتاحلها، و نحصلها بس ما نتوب،
نرد و نشتري غيرها و غيرها و غيرها
و تشوفي الوحدة مننا عندها 5 انواع شادو من نفس اللون ونفس الدرجة بالضبط بس الماركات تختلف
و الجلوسات عاد حدث ولا حرج، 12 حبة من نفس الدرجة، و يا زعم عندنا 12 لون !!!
أنا حلفت من اليوم اني افكر قبلما أشتري المستحضرات التجميلية و المكياج و أحاول اني اتفادى التكرار
يا خواتي انا ما قصدي انتقد حد غير نفسي، و انبه اللي حابة تنتبه..
انا عمانية و اللي شفته في اعصار غونو غيرلي تفكيري، بالذات يوم انتقلنا من البيت عشان التصليحات و جيت افضيه اكتشفت ان اغراضي معظمها كمالبات، و الناس ذيك الساعة كانو متأزمين في الأساسيات
عموما قدر الله وما شاء فعل وكانت تجربة صعية بس الحمدلله تعلمنا منها و اتمنى غيري يستفيد من اللي اتعلمته
احترت احط الموضوع في العناية بالجسم ولا المكياج فقلت احطه هنا احسن عشا ن الكل يشوفه
وفقنا الله و إياكم في أداء طاعاته و عبادته في شهره الفضيل
اتمنى من أي أخت يعجبها الموضوع انها تدعيلي بظهر الغيب باللي في قلبي
و سلامتكن خواتي
والله يهدينا ويهدي الجميع ان شاء الله
الله يجزيج كل خير … صح كلامج … و الله يهدي الجميع ….
والله ماقصرتي الغالية الله يجعلها في ميزان حسناتج
والله يجززاك خير
ما قصرتي
نحاول قدر الإمـكان تجنب الإسراف،،
خاصه في الكمـاليـات!!
اللهم لا تجعلنـا من المسرفين!!
مشكورات يا خواتي و ابغى دعواتكن لي ان ربي يفرج علي موضوع شوية متعسر هالفترة
والله يهدينا ويهدي الجميع ان شاء الله
وان شاء بلادكم وبلاد المسلمين يحفظها ربي من كل شر