ارجوكم ساعدونى ابا احلى المطاعم الى في بوظبى
لانى مليت من المطاعم الى اروحلها
مثل تشيليز و ارض المأكولات وقصر الهند و قصر المؤتمرات
ابا شئ يديد ورومانسى
والله أنا الصراحة من بوظبي بس ولا مره في حياتي تغديت ولا تعشيت في مطعم ..
يعني تدرين الاهل و تفكريهم .. انشالله يوم بيي الريل بنتكشت هههههههه
المهم .. أنا اسمع وايد يمدحون مطعم شاميات عدال مستشفى الكورنيش
ومطعم حاتم الايراني في المارينا مول .. او الي برووحه بس ما أدري وين بالضبط
انشالله أكون افدج .. و البنات مابيقصرون انشالله
اي فندق خمس نجوم بيكون مطعمه حلو
شوفي هالموضوع يمكن فيه شي ينفعك
:shy:
أختى رومى مشكورة على المشاركة بس انا اعرف المطاعم الى في دبي أكثر عن الى في بوظبى وحافظه المطاعم الفخمة والحلوة
بس المشكلة في بوظبي ايا اكتشف مكان يديد
وفندق انتركونتننتال
وفندق روتانا
وفيه مطعم يديد بس انا ناسيه اسمه بحطه لج لو تذكرت
وغير الكوفي شوب طبعا انتي اتصلي بالاستعلامات واساليهم
وسلامتج
السلام عليكم ورحمة الله وبركاته
هلا بيكي أختي…
مطعم حاتم الإيراني في الدور الثالث في مارينا مول…روعة و فيه مكان للعائلات…أكله إن شاء الله حلال…
مطعم نصير اللي عند السي سايد…أمام أبوظبي مول…سمعت كمان إنه أكله و ذبحه محلي و حلال…بس لسه ما جرّبته…
الشوكة الذهبية…روحي الفرع الموجود في آخر شارع الخالدية…أمام حديقة الخالدية…روعة و هادي و جميل…و أطلب منه علطول المأكولات البحرية…و فيه مكان للعائلات مغلق…
إن شاء الله أكون أفدتك 
عندج فرايديز اكلهم وايد حلو ومطعم السي فود الي عند روتانا بيتش بعد وايد حلو..وعندج تريزون الي ف بوظبي موول هو كوفي شوب ومطعم وفدركرز الي ف المارينا مول..,مطعم أماسي الي في مركز الهدى..