السلام عليكم ورحمة الله وبركاته
اخواتي مرتاداة منتدى عروس اود منكم حل مشكلتي مع ابنتي هداها الله
عمرها تسع سنوات وهي عنيده فوق ماتتصورون اعاني منها ومن عنادها لأبعد حد
وكل شي تسويه من اكل وشرب ونوم ولبس وكل شي بالمخاصم وتعاندني بأتفه الأمور
وكله كوم وانتقاميتها من اختها الصغرى 3 سنوات كوم ثاني احس انها ماتطيقها ابد وتكيد لها وتحب تقهرها بكل الأمور
هذا من غير مشاكلها مع الشغاله والله اني خايفه عليها من هالشغالات ينتقمون منها
جيتها بكل الطرق مانفع الكلام والحوار واحيانا الضرب يفيد ايام وترجع ريما لعادتها القديمه
واحيانا احبسها واحرمها من كل شي بس تكسر خاطري والله
مدري وش اسوي فيها؟ مدري كيف اتعامل معاها؟؟؟؟
انا مشكلتي مو الحين بس انا شايله هم المستقبل كيف بقدر اربيها واضبطها واذا انا عجزانه فيها بصغرها كيف بكرا الكبرت؟
دلوني جزاكم الله خير اخواتي من تجاربكم وخبراتكم ………ولكم مني جزيل الشكر
ارجو عدم اهمال مشكلتي
أكيد البنت الكبرى تعاني من تفرقة واضحة جدا في المعاملة معها ومع اختها
يعني واعتقد لا اجزم
انكم تعاملون الصغرى بدلال اكثر من الكبرى
او انه حصل وعوقبت الكبرى عقابا شديدا بسبب الصغرى
أما سبب تصرفاتها الاخرى من عناد و معاملة سيئة مع الشغالات
اعتقد انها بنت كانت جدا مدللة وفجأة توقف الدلال والدلع عنها
هذا واقع معظم العائلات العربية
سترك يا رب
دوري أول شي شو اللي ناقص بنتك حاولي تخلي لها وقت تجلسي معاها تلاعبيها تحضنيها دلليها كانها طفل صغير حسسيها انك تحبيها وأن التصرافات اللي تعملها غلط ولازم تغير من تصرافاتها بس أنتبهي أختي موأطبقي هذا الشي ليوم واحد أو لبضع دقائق حاولي يكون هذا الشئ دائما يصدر منك يعني لمن تحصلي نفسك فاضيه أقتربي منها حسسيها بوجودك.
تصرفات بنتك دليل على أنها ناقصة حنان فقط مش خلل بالتربية أو حقد أو غيرها من التصرفات .
أنا أنصحك لكن بما أني أم لطفلين وموظفة أحس من الصعب أنه أنا نفسي اطبق مثل هالنصائح لكن برغم كذا تحصليني احاول قدر الأمكان أعطي أولادي نفس الدلال .
لكن انا وضعي مثلك تمام ام لبنتين وموظفه وتفكيرنا وتركيزنا وجهدنا متشتت بين البيت والعمل وهذا كله على حساب اعصابنا
عموما كلامك حلو وياما طبقته بس الحال مايدوم تعرفين ظروف العمل والبيت والبنات والزوج ….. يعني كلامك بجد يبيله روواااااااااقه:cool2::cool2:
انشالله نقدر نطبقه ويعطينا صبر وسعة بال امهاتنا