بنتي عمرها 4 سنوات و4 شهور وكانت تتحلم باليوم الي تروح فيه الروضه واليوم هو الثالث له بالدوام ومع كذا مارضت تروح والله انصدمت ياليت تساعدوني
وان شاء الله بتتعود على الروضه
بنتك للحين صغيرة ولو فيه مجال ما تروح هالسنة خليها معاك خاصة لو انتي مو موظفة … تدرين فيه اطفال كثير يطفشون من الروضة وينصدمون بعدين ان المدرسة بعدها على طول
واذا انتي راغبة توديها حاولي تنسقي مع معلمتها في الروضة … التعاون بين البيت والروضة ضروري عشان الطفل يحب المكان ويستفيد منه … وحاولي تسأليها سبب عدم رغبتها في الروضة .. يمكن فيه احد يضربها او يضايقها من الاطفال
او مثل ما قلتي عشان الزحمة … 25 طفل في فصل مرة كثير شلون المعلمة تقدر تسيطر عليهم وتعلمهم
اعرفي السبب الحقيقي وبعدين نقدر نفكر في حل للمشكلة
بس اول شيء لازم تفهمين الطفله ان مسئله عدم الذهاب للروضه مرفوضه منج ومن ابوها
يعنى لازم تعرف ان هذا الشي مرفوض تماما
ثانى شي شوفى بنتج شنو تحب اكثر شي
من الالعاب واشتريلها لعبه بدون ما تعرف
واطلبي من المعلمه تقدمها لها
كمفاجئه عشان تتشجع تروح على ان الهديه من المدرسه نفسها
وكلمى مدرستها وقوليلها تحاول تشجعها وتمدح فيها
انا اتفقت مع المعلمه ونفعت الخطه يس مو داك الزود
وخليها مثلا تمدح تسريحه شعرها ترتيب هدومها اي شي
وانتى اشتري هديه لبنتج وكلمى المدرسه او كتبيلها من دون بنتج ما تعرف
وقوليلها شنو اشتريتي لها وعطيها وصف للعبه ولونه
ولما تروح بتج الروضه اتفقى مع المدرسه انها تقول لبنتج ان العصفوره خبرتها انها عندها هديه وتوصفها لها
جديه راح تتفاجىء البنت وتلفت المدرسه انتباها
هدى فكره تسويها مدرسه ابنى بالروضه وكل ما اشتري لابنى شي اكتب ملاحضه للمدرسه وهي تقوم بالواجب
اتمنى اكون افدتج
