هالخلطه نقلتها لكم للاخت( ام المدني الله يجزيها كل خير)
كيف حالكم يابنات وياحريم اليومقررت اكتبلكم خلطتي الرااااااااااااااااااااااااااااائعة للشعر واللي بتخليك تستغنين عن الاستشواروعن الفرد والاهم انها بتخلي شعرك كانة طبيعي وتودي القشرة والتقصف والشيب وهاذي الخلطة انا استخدمها من اربع سنوات واخواتي كلهم يستخدمونها وحتى اهل زوجي كلهم وكل وحدة ماشاء الله تبارك الله شعرها احلى من الثانية والله يابنات انا كاتبتلكم الخلطة ومابغى لكم الا الاستفادة لاني احس حرااااااااااااااااااااااااام تحرقون شعوركم بالاستشوار والفرد الكميائي وفي شيء طبيعي يفرد بهالشكل وبصراحة ودي ان الكل يجربها وبتدعون لي ليل ونهار لانها تناسب طالبات المدارس والكليات والمتزوجات لان هذي الخلطة لما تحطينها خلاص بس تغسلين شعرك وتنثرينة ويطلع كنك مستشورته في احسن مشغل وانتم بتجربون وتشوفون بعيونكم
وبسم الله نبداء المقادير (يالله اكتبوها عشان تروحون اللحين تشترونها من العطار)
كيلو حنة
نصف كيلو سدر
نصف كيلو ملوخية ناشفة
ثمن كيلو حديد (هذا سر الخلطة كلها )
قرنفل او قرفة
ملح
ملاحظه: المقادير كلها تكون مطحونة زين عند العطار ويجب الدقة في اخذ المقادير
الطريقة الله يسلمكم
تاخذين كيس الحنة وتخلطينة زين مع الحديد وتحطين ملعقتين سدر وملعقتين ملوخية وملعقة قرنفل اوقرفه اللي متوفر عندك وملعقة ملح وتخلطينهم كلهم زين وكل مرة بتجين تستخدمين الخلطة اخلطيهم
وبكذا نكون انتهينا من الخلطة
طريقة استخدامها اذا شعرك طويل بتاخذين 10 ملاعق كبيرة واذا قصير 5 ملاعق من الخلطة وتحطين عليهم علبة زبادي روب وممكن استبدالها بكوب لبن روب او علبة قشطة اللي متوفر
وبتحطين معهم بيضتين وملعقتين مايونيز وملعقة زيت (اي زيت للشعر ينفع (زيتون .خروع ,لوز اللي عندك واذا ما عندك ممكن ماتحطين
وتحطينها على شعرك بعد ماتفردينة بالاستشوار زين عشان يسهل عليك واهم شيء تحطينها على كل خصلة زينيعني تكون متغطية كامل وتخلينها من 7 الى 12 ساعة ولا تزودون ولاتنقصون وبعدين تغسلين شعرك زين وموب لازم شامبو لانك بتغسلية ثاني لييش؟ لانك لما ينشف شعرك بتسوينلة حمام زيت عشان تبان النتيجة اكثر لازم تزيتينة بعد الخلطة مباشرة واللي تقول ريحة الخطة ماسكة بشعري حطي علبة زبادي مع الزيت بتروح الريحة وخليها على شعرك نصف ساعة
وكرريها كل اسبوع لين ينفرد شعرك مرة واذاخلصت الكمية جيبي ثاني لين تحسين شعرك لماتغسلينةيصير فية لمعة قوية وقوي ومفرود مرة خلاص لاتكررينها سوي كل فترة الجذور بس لاتقولون يوه زهق كل اسبوع نحطها ترانا طول عمنا استشوار مابيصير شيء اذاتعبنا شوي وبعدين نرتاح مرة والاهم شعرنا بيصير شكلة طبيعي ولماع …………….
ملاحظات: انتبهو هنا اهم شيء
اول شيء انك تستخدمين المقادير بدقة
وتحطين على شعرك زيت بعد الخلطة
الخلطة مناسبة لكل انواع الشعر حتى للاطفال بس خلوها 5 ساعات للاطفال
حتى اللي شعرها ناعم يمداه تحطها لانها توخر التقصف وتعطي شعرك حيوية ولمعة ونعومة وتودي القشرة
النقطة الاهم انتبااااااااااااااااااااااااااااااااااه(الخلطة تسود الشعر ) يعني لاتجي وحدة توها صابغة وتقول راحت علي صبغتي ولاعاد بينفع تصبغين بعدها لانك بتحطينها كل اسبوع فمالة داعي تخسرين نفسك
اذا كنت حاطة فرد كميائي لازم تستنين مرور شهر ( ولا تقولون ماقلتي)
الخلطة هذي نفسها الفرد البحريني مادري الكويتي بس تراهم يحطونها بنسب مختلفة عشان كذا تفرد علطول لاني قد شريت الفرد البحريني لقيتة نفسة هو خلطتي وله اسم ثاني خلطة الاعشاب الصينيه وموجود في مصر اسمة حنة شين يعني صين
وصح نيست انبهكم لهذه النقطة المهمة الحديد لونة مايل للحمار شوي وتعرفين انه حديد او غيرة بانك تختبرينة بمغناطيس اذا تمغنط فهذا هوالحديد الصحيح( ولازم يكون خالي من الشوائب مافيه شيء اصفر اواسود)هذا قبل ماتتطحنينه
وصح لاتجي وحدة تقول كيف احط حديد على شعري اخاف؟؟؟؟؟؟؟؟؟؟؟؟؟؟؟ اقولك ترا هذا حديد طبيعي نفسة اللي يعطونا اياه في الحمل وناكله مع فمنا مابنحطة على شعورنا!!!!!!!
واخيرا : الخلطة مجربة ومضمونة وعلى ضمانتي شخصيا
واللي تقول فلانة جربت الخلطة ومدري ايش صارلها وصار شعرها مدري كيف اقولك انها اما انها مااستخدمتها صح بانها حطتها فوق 12 ساعة او كررتها بعدما انفرد شعرها تمماما او ماكانت تحط زيت او انها ترضع اوحامل ومعروف ان الحمل والرضاعة يطيحون الشعر وتجي تحطها في الخلطة
وتراها امنه في الحمل والرضاعة انا كنت احطها وانا حامل واللحين احطها وانا ارضع
وهاذي خلطتي الكنز المدفون اللي اتمنى كل وحدة تحطها وتكتشف شعر جديد مختلف عن شعرها الاول كليا
والله اني حاطتها ومابغيت لكم غير الاستفادة والله على ما اقول شهيد
…
….
أختكم وداعت الله يازايد
هي فعلا خلطه رهيبه لكنها تخلي الشعر اسود مره ولا ينفع معها صبغات
يس حبيبتي ولونه اعتقد شرات ماقريت قريب الاحمر =)
اسرار الكون
هي والله نقطهـ نسيت اذكرها^^
بس ماشي شي احلى من الاسود عذاب
لاهنتي فديتج
الحديد عند العطار اعتقد قريت لونه يميل للاحمرار
ومن اول مطحون ترى
يعني خبروه بييب لكم مطحون
^^