تجربتي/ تخلصت من إزعاج حَبْ الشباب الحمدلله و الطريقة سهلة 2024.

حبيت أفيدكم بتجربتي الناجحة في التخلص من إزعاج حَبْ الشباب من آثار و حبوب

و الفضل كله لخالتي الله يردها بالسلامة من بعد الله سبحانه ….

القصة باختصار / خالتي كانت تدور كريم للنمش مو لحب الشباب و شافت فلبينية معاها بالنادي و بشرتها كانت مثل ما انتوا عارفين عن بشرات الفلبينيات روووعة

و يوم سالت خالتي الفلبينية ما رضت الفلبينية تقول لخالتي السر ..,

لكن بعدين نادتها و قالت لها عن الكريم اللي تستخدمه لبشرتها فراحت خالتي شرته من الصيدلية بعدها عرفت انه لحب الشباب مو للنمش …

و انا كنت اعاني من هالمشكلة فقالت لي جربيه منتي خسرانة شي

استخدمه يوميا وقت النوم .. ضروري >> ينغسل الويه عدل و ينظف من اي كريمات او مكياج عليه ..
بعد ما أغسله احط الكريم على مكان الأثر و مكان الحبة و اخليه لين ينشف و اغسله لما اقوم من النوم …
ضروري >> ما تطلعون بالشمس و الكريم موجود على ويهكم يعني غسلوه عدل
و
الحمدلله كل شي تمام و حب الشباب بدا يخف و ترووح الآثار

و بعدها حسيت بحساسية صوب العين – الجفن التحتي – و احمرار يعني اي شي يحوش هالمكان أحس جنه فيها فلفل = تحرقني

فرحت للجلدية و قلت القصة للدكتورة و إني أعالج بكريم ديـفـرن Differin

فقالت هالكريم ممتاز لحب الشباب و فحصت بشرتي و قالت ( بشرتج زينة ما شاء الله )

و قالت ان هالكريم حساس و يسوي تقشير لمكان الحبوب … و جلد العين حساس فلما تحطينه و تنامين يمشي و يحوش جلد العين .. فللحماية .. حطي فازلين تحت العين كحماية لها …

و فعلا من سويت هالطريقة كل شي تمام التمام … :thumbs_up:

و في البداية .. استخدامه يكون يوميا وقت النوم … بعدها يصير يوم و ترك … بعدها يصير مرتين بالأسبوع ..

و انا مثل ما ذكرت استخدمته شهر 10 من سنة 2024 و للحين استخدمة و الحين شهر 7 من سنة 2024
و بشرتي الحمدلله و صرت ما احطه الا لما تطلع لي حبوب يديدة و ابي اتخلص منها
يعني وقت الحاجة بس

– الكريم ينصرف من الجلدية ببلاش يعني اخذوه من هناك مع وصفة طبيب احسن –
و سعره : دينارين و شوي بالصيدليات

و استخدم مرطب للبشرة من الجلدية نفسها و الحين استخدم العلبة الـ 3 منه و ينحط مرة وحدة بس باليوم

و هذا شكله

و من داخل لونه أبيض جنه لَــبْــــنَــــة

أحطه اول ما اقوم من النوم بعد ما اغسل بــس

و نصحتني دكتورة الجلدية بكريم سيباميد و استخدمه للترطيب لأكثر من مرة باليوم .. لان اللي فوق مرة وحدة بس

و كريم سيباميد استخدمه كل ما غسلت ويهي و بعد الوضوء

و هذا شكله
7
7

و النتيجة الحمدلله

و بشرتي مرتاحة منها …….. :thumbs_up:

حبيت أحط لكم تجربتي …. و اللي تستفيد لا تنسى ميزاني 😮

جزآكـ الله خيرا على مشآركة تجربتكـ لنآ

وفعلآ كريم ديفيرن حلو لحب الشبآب

يعطيكـ العآفية

ميرسسسسسسسسسسسى يا عسل

:thumbs_down::thumbs_down::thumbs_down:

يسلموووو ياعسل يعطيكـ العافيه
وانا مجربته ونتائجه حلوه

اقتباس

المشاركة الأساسية كتبها ~ ŠǿЌяà ~,

	يعطيك العافيه

الله يعافيج حبوبة و ان شاء الله تكونين استفدتي F:

العفو و الله يعافيج حبوووبة
و يا رب تستفيد

الله يعافيج حبوووبة
و تسلمين على التاييد و الاضافة

عفوا عفوا
بس ليش :thumbs_down: ؟؟؟