السلام عليكم ورحمة الله وبركاته
من فترة إشتريت باليت آيشادو من ماركة Too Faced من محل سيفورا (أكيد شفتوها في مشترياتي قبل) وحبيت أعرضلكم تجربتي مع هالباليت
هذي هي العلبة اللي فيها الباليت ومعاها بيس للآيشادو مجانا Eye Shadow Insurence. طبعا هالباليت عبارة عن ألوان إختارتها الشركة من أشهر ألوانهم والأكثر مبيعاً. يعني من كل باليته خوا لونين وسووا هالباليت. أتمنى فهمتوا قصدي ههههه
الباليتات الي خذوا منها الألوان
البيس. بصراحة أنا مرة خذته قبل لا أشتري هالعلبة وكرهته لأنة ماينفع نهائيااااااااااااً. بدال مايثبت الآيشادو يخليه يسيح زيادة 😡 في ناااس وايد تحبة وتقول إنة ممتاز لكن أنا أبدا ماناسبني
العلبه من داخل وفيها بطاقة شرح.
إذا كنتي من هواة المكياج فأنصحج تاخذين هالباليت لأن كل الألوان اللي فيها حلوة + حجمها صغير تقدرين تشلينها وياج أي مكان. سعرها 194 درهم وبتلقينها في محلات سيفورا أو أي محل بيبع منتجات Too Faced
الشي الوحيد اللي ماعيبني فيها هو البيس مثل ما ذكرت. وعدا ذلك الشادوات روعة وملمسها مخملي و ألوانها حلوة
ملاحظة هامة: مواضيعي جهد حصري لمنتدى عروس ولا أحلل نقل أي جزء منا إلى منتدى/جهه أخرى!!
انا شفتها بس ما تحمست لها .. بس كنت متردده فيها لاني كنت ابي البيس لاني ادور ارن ديكي ماعندنا بقطر ..
مشكورة انج نبهتينا انه البيس مو مقبول ..
تستاهلين التقيم .. وننتظر جديدج
مبين ان الالوان حلوه و قويه
بس استغربت من تعليقك على الشادو انشورنس
الكل طايح مدح فيه على اليوتيوب و كنت ناويه عليه
سبحان الله الناس اذواق الافضل اني اجربه قبل لا اخذه
مشكوره على الموضوع
/
::
ألوانها تهببببببل
تتهني حياتي
/
::
ما شاء الله ألوان الشدو رووووووووووعة
تسلم إيدك و يعطيك ألف عافية
و تتهنين بالباليتة
ما جاني جربت شيء من تو فيسد
بس الألوان شكلها حلو
و الشادو انشورنس
المدح كثير عليه بالنت
بس بالأخير كل وحدة و بشرتها و اللي يناسبها
تحياتي
و ميزانك نحيس
يسلمووووووو ع الموضوع
من يدين مانعدمهااااا يارب
وننتظر جديدك؟؟؟؟
sweet reeme