هذي اول مره اكتب موضوع في هالركن…
بصراحه شديده انا متزوجه من 3 سنوات تقريبا بس ثقافتي المطبخيه على قدها 😮
وكل ماادخل هالركن اشوف العجب من البنات..ماشاء الله عليهم(y)
خاطري ابدا استوي شاطره في الطبخ…وابتدي اسوي اشيا لذيذه يمدحوني عليها
وقلت اكيد فيه بنات وايدات مثلي
شو رايكم نسوي هالموضوع تجمع لنا…نحط فيه تجاربنا الناجحه و الفاشله بعد عشان نستفيد من بعض..و نتعلم و نقوي مهاراتنا في الطبخ و الابداع
وممكن بعد الاخوات الفنانات في الطبخ يساعدونا بخبراتهم 
ويا ريييت تحطون صور تجاربكم
ابا تفاعل شدييييييييييييييييدد ..ابا استوي طباخه ماهره
حلو فكرة التجمع حبيبتي ام حمود
يشجع ان الوحده تصير طباخه ماهره خخخخ
انا عن نفسي الحمد لله اعرف اطبخ تقريبا كل شئ لان من انا صغيره و هوايتي الطبخ
فكنت دائما اوقف مع امي بالمطبخ و اساعدها
بس طبعا هذا ما يمنع اني اطل عليكم من فتره و فتره و اشجعكم 
يالله الله يوفقكم ان شاء الله ترى الطبخ سهل بس يبيله ان تحاولين و تجربين يعني لا تخافين
ان يحترق او يفشل
بالتوفيق حبيبتي (f)
هذي كيكه سويتها امس ..كيكه جاهزه بالفانيلا بيتي كروكر…بس فشلت…نزلت و فقدت النفخه الحلوه اللي كانت يوم كانت في الفرن…يا ترى شو السبب؟؟؟
حياج الله بموضوعي..وشكرا على التشجيع الحلو
اختي انجيل ايز
من اسباب فشل الكيك اكتشفت ان من
اذا تفتحين الفرن اكثر من مره
و اذا تستعجلين على الكيكه و تطلعينها قبل ما تكمل سواها ايام تشوفين شكل الكيكه مستويه و منفوشه بس ما تكون مستويه من داخل فدخلي عود اسنان و شوفيها اذا تطلع ناشفه يعني الكيكه مستويه و اذا رطبه يعني بعدها فخليها على حراره قليله بس ان تكمل سواها و بعدين طلعيها
القالب لازم تختارين قالب نوعيه جيده
ان شاء الله اكون افدتك
هلا بام حمود انا ابي انضم معاك و بشدة
انا قبل ما اتزوج كنت اموت من شي اسمه طبخ بس كنت احب اكل
بس ورى ما تزوجت و بعد عدة حروب فاشلة فشل ذريع مع الطبخ تحسنت و صار طبخي ينطلع بيه على قولة العراقيين خخخخخ
و بالنسبة للكيكة امس صار معاي نفس الشي و السبب اني فتحت الفرن اكثر من مرة
راجعة بعد شوي
انا بعد بنظم معاكم انا مو مبتدئة ولا محترفة انا خبرتي 6 سنوات الحين لكن قبل لااتزوج بصراحة ماعمري دخلت مطبخ وكنت حتى الشاي ماعرف اسويه لكن مع عدة طبخات فاشلة صرت الحين امشي حالي
وبصراحة استفدت وتشجعت كثييير من المنتدى
بالنسبة للكيك فعلا اذا فتحتي الفرن اكثر من مرة يخترب الكيك
انا فاشلة درجة اولى في المعجنات لحد الحين مستحيل تضبط معاي ياليت تساعدوني
اوووه توقعت فيه وايد مبتدئات!!! طلعت بس انا :no:
حيا بج بلوسومز معاي في التجمع وان شالله تستفيدين
بالنسبه للفرن…ما فتحته ابدا..ادري انه تخترب الكيكه بالفتح…ما فتحتها الا عقب 30 دقيقه…بس امسات سويت كيكه ثانيه بس هالمره كيكه براوني…….الحمدلله نجحت وطلعت لذيذه بس اتوقع لاني هالمره رفعت حراره الفرن..المره اللي طافت كان على نار هاديه
تذكرت الحين…
انه لازم الفرن يتسخن اول … يعني اول ما تبدين تشغلين الفرن على حرارة متوسطة..
وبعدين تشتغلين بتسواة الكيكة..
ولما تستوي وكل شيء وتصبينها بالقالب..
نزلي الحرارة الى اقل حد كلللش..
ودخلي الكيكة وخلاص سكري عليها..
اذا الحرارة مرتفعة على طول يكون ينضج الغلاف او قشر الكيك الخارجي.. بس الوسط بعده مااااااااي… من جذيه تهفت وتنزل..
وبعد نصائح ابرار وانوار صحيحة وعدلة..
انا بعد كان عندي تجارب شنيعة مع الكيك.. وبصراحة محد فادني بالنصايح كثر تجاربي التعبانة.. خخخخ
-للحصول على كيك ذهبي اللون يمكن اللجوء لصفار البيض أو دهن سطح الكيك بالحليب
2 -لضمان انتفاخ الكيك تمرر شفره سكين مبلوله بماء بارد حول محيط الكيك قبل وضعه في الفرن
3- لاخراج الكيك من القالب بسهوله يوضع في فوطه مبلوله بالماء البارد
4 – يجب عدم فتح الفرن اثناء خبز الكيك حتى لا يؤدي ذلك الى تجوفه من الداخل وحتى لا يهبط سطح الكيك عند الانتفاخ
5 – عند مزج المكونات الكيك يجب ان تحرك دائما باتجاه واحد
6 – للتوصل الى افضل حجم للكيك يجب ان تكون مكوناته كالبيض والزبده في درجه حراره الغرفه
7 – للحصول على كيك هوائي ينخل الطحين مع البيكنج بودر وذلك يعطي الكيك فرصه للانتفاخ
8 – يجب خلط الزبيب او المكسرات او الشوكليت شيب بقليل من الطحين قبل اضافته الى العجين مما يساعد على فصل هذه المكونات ومزجها بالعجين بشكل متساوي حتى لا تركن في قاع القالب عند دخولها الفرن
*^*
لما تخلطين الكيك اخلطيه في اتجاه واحد
عشان تحصلين على كيكه هشه
ولاتبطلين الفرن لما تخبزين الكيك الا بعد ربع ساعه
ودائمـا اول شي ينخلط بالكيك البيض ثم السكر والزيت
ولما تكونين تخبزين الكيكه شغلي الفرن من تحت بعد نص ساعه و اكثر شوي شغلي الفرن من تحت