تشيز كيك الفستق يم يم لذييذ 2024.

اليوم ولاول مره اشارك في قسم الحلويات سويتلكم تشيز كيك الفستق وطلعت يم يم لذيذه وروووعه شكل وطعم واتمنى انها تعيبكن :9_33:

المقادير :

الطبقه الاولى :
علبة بسكويت ليبينيز حجم كبير بتحصلنه في اي سوبرماركت علبته صفرا
مكعبين زبده 50 جرام في درجة حرارة الغرفه
41 كوب ماء (استخدمت الكوب الخاص مال المقادير اللي مكتوب عليه ارقام المقادير) وافضل استخدامه لكل المقادير ..عشان تضبط ..

الطبقه الثانيه:
4حبات جبن كيري
كوب فستق مفروم
مغلف دريم ويب
علبتين قشطه ..استخدمت قشطة بوك ..
علبة حليب محلى مركز
ملعقة شاي لون طعام اخضر
ملعقتين طعام جيلاتين

الطبقه الثالثه:
كوب سكر ناعم ..مطحون
21 كوب كريمه للخفق ..الويبينج كريم ..
مكعبين زبده 50 جرام

الطريقه :

1-نطحن البسكويت ونخلطه مع الماي والزبده لين تتكون عجينه ونفردها في قالب كيك متحرك .

2-نخلط مقادير الطبقه الثانيه في الخلاط لين تتجانس ونصبها في القالب فوق البسكويت وندخلها الفرن على درجة حرارة 160 ولمدة 35 ل40 دقيقه وبنلاحظ انها انتفخت وارتفعت ..ونطلعها نخليها تبرد ..

3-نحضر الطبقه الثالثه:
نسيح الزبده في مقلاه ونضيف عليها السكر المطحون ونخلطهن لين يتجانسن وبعدا نضيف الكريمه ونحرك الخليط لين يتجانس وتتكون عندنا صلصه سائله غليظه نوعا ما ونخليها تبرد وعقب نصبها عالقالب وندخل القالب الثلاجه لمدة يوم كامل عشان تتماسك اكثر..

وعقب مابردت زينتها بفستق وكريمه ..وطبعا كل وحده وذوقها في التزيين تتفنن فيه ..

وهذي صور التشيز كيك بعد ماخلص وزينته

هاشرايكن؟

اتمنى ان اول مشاركه لي تنال على اعجابكن ورضاكن

تحياتي العطره للجميع