وانا من عشاقها ولما جوزى طلبها منى دورت ولقيتها
ولسه اول مره اعملها النهارده وكل اللى داقها قالى تحفه
ا
كميه من السمك الفيليه المقطع الى مربعات صغيره
كميه من السبيط المقطع
كميه من الجمبرى
واى كميه من فواكه البحر اللى تحبوها
واحده بطاطس
واحده بصل
قشطه
ورقه لورى
دقيق
الخطوه الاولى
كل اللى هنعمله هنبشر البصله و نقشر البطاطس ونقطعها قطع كبيره لاننا هنشيلها بعد كده
ونحط البصل و البطاطس فى ماء بيغلى ومعاه ورقه لورى
وبالترتيب نحط الاول الجمبرى>>>>وبعد شويه السبيط>>>>>وبعد شويه السمك الفيليه
ونأخد بالنا مش نحط مياه كتير علشان الشوربه تبقى مركزه شويه(حسب الكميه اللى بتعمليها)
ونأخد بالنا كمان اننا فى الخطوه دى لازم نحط البهارات بتاعتنا انا حطيت عن نفسى(ملح وفلفل وكمون بسيط وكركم بسيط جدا علشان يدينى لون اصفر شويه بس)
بعد ما تستوى السى فود (ونأخد بالنا برده انها مش تستوى قوى علشان لسه هتأخد كمان غلوتين على النار ولو عايزه تسخنيها تانى فمتطلعش مهريه)
نصفى السى فود مع الاحتفاظ بالشوربه
ملحوظه:بعد ما تطلعى السى فود من الشوربه رشى عليه ماء ساقع وهوا فى المصفاه علشان يحتفظ باللون الابيض
الخطوه التانيه
هنعمل زى البشاميل نأخد معلقه دقيق أو اكتر (حسب الكميه اللى انتى عملاها) ونحمرها فى كميه من الزيت ثم نضع الشوربه بتاعت السى فود واحده واحده لغايه ما يدوب الدقيق ونعمل قوام الشوربه بس يبقى خفيف شويه علشان هنضيفله البطاطس فى الخطوه الجايه
ونحط بقى السى فود فيها وتأخد غلوتين
الخطوه التالته
تأخدى البطاطسايه اللى اتسلقت مع معلقه قشطه وتضربيهم فى الخلاط كويس جدا وممكن علشان سهوله الضرب فى الخلاط تضيفى شويه شوربه عليهم
وبعدين تحطيهم على الشوربه وتسيبيهم يأخدوا غلوتين
وبالهنا والشفا وادعولى وقولولى عملتوا ايه
معلش ممكن تحسوا ان الموضوع طويل بس انا قصدت انى اشرح
بالتفصيل علشان تستفيدوا منه بس هيه سهله جدا وبسيطه
وجوزك هيدعيلك :L::thumbs_up:
مو تنسو الرد
والله يعطيكِ ألف عافيه يا قمر