تعالوا. شوفوا. شو بسوي لزوجي :) 2024.

بدش في الموضوع على طول..
طبعا مثل ما هو معروف انه العروس والعريس ما يشوفون بعض قبل العرس بفتره. في منها تمتد شهر.. في اسبوع .. في شهرين.. الخ..

وطبعا تنقطع الاتصالات بينهم (اونه عسب يتولهون علي بعض)ههههههه

انتي عاد على حسب المدة.. سوي التالي:

اذا قلنا مثلا اخر يوم تشوفين فيه زوجج تاريخ 11 اكتوبر 2024

ييبي اوراق ملونه..

اوكي..

تاريخ 11-اكتوبر: قصي الورقة على شكل شفايف.. واكتبي التالي:

اشتقتلك حيــــــــــل يالغالي.. عسى الليالي يجيبنـــــــك..

تولهت عليك حبيبي وهذي اول مره نفترق فيها وان شاء الله تكون اخر مره..
وهاي بوسه من عندي لك.. وتصبح على خير..

تاريخ 12-اكتوبر: قصي ورقة ملونه على شكل قلب.. واكتبي عليها.. انا مو ولهان انا .. انا دنيا من الوله محتاجك ابيك..

شفت قلبي.. شكثر متوله عليك؟؟ يا ترى انته متوله عليه بعد؟؟؟

احبك

تاريخ 13-اكتوبر:
قصي ورقة على اي شكل تبينه.. واكتبي..

قالـــــــــوا حبيبي لي يبتعد ينســـى حبيبه.. وانا احس الكل ابتعد وانت القريب..

تصبح على خير فديتك..

وهكــــــــــذا.. لين توصلين ليوم العرس..

بعد ما تخلصين.. حطي كل ورقة في ظرف.. واكتبي عليها التاريخ.. واطبعي بوسه من شفايفج الحلوه على كل ظرف.. ولا تنسين طبعا العطر اللي دايما تتعطرين فيه وهو يعرف ريحتج منه.. عشان اول ما يفتح الورقة يشم ريحتج.

وحطيهن في صندوق.. او في كيش راقـــــــــــي مع ورد مجفف..

وحلفيه انه ما يفتح اي ورقة الا في يومها وفي الليل يوم يكون بيرقد يقراها.. عشان يحلم فيج.. 2

انا باذن الله بسويها.. عشان ما دايما يذكرني.. وعشان اقوله تصبح على خير اللي متعود يسمعها مني.. 😮2:shy::shy:

والحرمه دايما رومانسيه اكثر من الرجل..

وبعدين الريال مثل البيبي.. داميا يبي الحرمه تراعيه وتحيه وتعطيه الحنان.. عشان يتجنن.. :shy::shy:

فديتج.. تامرين امر..