حسب قرار الإدارة بإغلاق جميع المواضيع القديمة الخاصة بجديد المحلات والتخفيضات وفتح موضوع واحد يشمل جميع الدول وجميع المحلات..
فإننا هنا..
سوف نقوم بتناقل جميع أخبار التخفيضات بالمحلات وهذا يشمل جميع الدول بدون إستثناء….
البضائع الجديدة..
أسعارها..
مواقع المحلات ..
وبكذا نخدم الجميع وبنفس الوقت لكي يبقى الركن منظم ويظهر بأحلى صورة…
تحياتي..
أختكم رانيا البحرينية
وجميع مشرفات ركن التربية والطفل
الدمشقية
عروس جنان
أم عمار..
bhs اللي في اللاند مارك وشارع السد عندهم تخفيضاااات
ومحل جاكادي للاطفال اللي في السد مسوي تخفيضاات بعد
إنكساري شموخ.. شكرا على الإفادة وإن شاء الله بنات قطر يستفيدون من خبرج…
وشكرا انثى ربي يسعدك
انكساري شموخ جزاكي الله خير ردك جمييل وواضح لبنات قطر
هكذا نريد الردود واضحة بالنسبة للبلد والمكان نفس الوقت …….. شكرا لتعاونكم
رانيا
يعطيك العافيه
بس على كذا مارح نستفيد اكثر
يعني ما اتوقع انه الكل بيدخل
وبكذا الوحده راح تنطر وكل يوم تدخل على وعسى تشوف رد من احدى المناطق
مثلا
وحده من السعوديه حابه تسأل عن محل معين أو بالمجمع الفلاني
ولنفرض انها من الرياض
تنطر فتره على مايدخلون بنات الرياض ويردون عليها
غير هذا
ممكن يروح أستفسارها بعيد عن الصفحات وتكون شوي كثيره
والبعض مايدخل من بداية الصفحه يتصفح ويقرأ ويشوف الي يقدر عليه
يعني الوضع شوي صعب
لما توصل الصفحات لل 50 وهي لها الحين ماحد رد عليها
وما أظن انه كل وحده بتجي تقرأ من بداية الصفحه الى نهايتها ………….!!!
ياليت تنظرون شوي ب الامر
عشان الكل يستفيد …
يعني الآفضل تخصيص مواضيع مثل كذا على حسب المناطق أفضل من وجهة نظري
انتظر ردكم ….
مثلا اخبار التخفيضات في السعودية موضوع لحاله
اخبار التخفيضات في الامارات وهكذا
ويكون مثبت عشان الكل يقدر يوصل له 
يسلمو عالفكرة اختي رانيا
مع الشكر