مرحبااا بنوتات منتدى عروس …
بحكي لكم اللي صار لي من أول ما كانت بشرتي صافيه والكل يحسدني عليها .. لين ساء الحال
في البداية كنت اهتم اهتمام كبير في بشرتي … والحمدلله حتى حب الشباب ما ظهر لي بالمره …
كانت تظهر لي حبوب الدوره الشهريه … و تروح بعد 3 ايام تقريباً..
وعلى ايام الدراسة ما كنت احط شي في ويهي بالمره..
بس على اساس اني طالبة كليه … فمحتاجه احط فاونديشن على بشرتي يوميــاً…
لأن الشمس تأثر بي واايد…. وهالاساس اللي احطيه يحميها..
بس لاحظت بعد فترة ظهور حبوب صغااار .. وأحيان تكون كبــار… بحيث انج ما تقدرين تعرفين ان كان فيها وصخ او لا
أو هل هي تورمات داخليه….
بس شو الحـــــــــل وياها …….؟!!!
أبغي اقضي عليها بأسرع وقت…. لأنها تزيد يوم بعد يوم…
رغم اني ما عدت استعمل الكريم الاساس …. بس ما زالت الحبوب موجوده… وكل ما أنظفها ترجع تظهر مرة ثانيه ..
وكلــــي أمل فيكم…. انشالله أشوف ردودكم و حلولكم.. لأني فعلاً بأمس الحاجه لها ..
خالص التحيه
يمكن نوعية الفاونديشن مو مناسب لبشرتك ويتفاعل مع الشمس أنصحك تراجعين طبيبة جلد بهالخصوص عشان تعرفين شو طبيعة حالتك
تمنياتي لك بالشفاء العاجل
ألف شكر لج غاليتي على النصيحه ….. بس لو كان بيدي اني أروح للدكتــوره … لما كتبت هالموضوع هنــي…
الوالد والوالده …. يعتبرون ان هالشي ماله أي أهميـــه…. لذلك محد فيهم فاضي لي يوديني وييبني..
وماشي أمـــل في السيــرة للدكتوره…
إذا عندكم أي حل ثاني … ياريت تفيدوني…
(جربت أشل هالحبوب…. الصغيره…. تروح… بس مع مرور الوقت ترجع مرة ثانيه… هل أقدر بعد ما أنظفها أحط شي ثاني علشان ما ترجع تطلع)؟؟؟؟!!
…………………………………
جربي وما راح تخسرين لأن الصندل عشبة معروف عنها التبييض بعد وتنظيف الوجه وعرضي بشرتك دايما للهواء ولا تكتميها بوضع المساحيق اللي تسكر المسامات وخليها دايما تتنفس الطبيعة وإشربي ماي وااايد تراه يغذي البشرة ..
أما عن الكريمات فصعب إني أفيدك السموحة ،،،
hiyye 7uboob 9’3ar bas mush 7abb ishshabab
Ya ALLAH nafsee at5alla9 minnuh :cry::cry:
تلاقينها في الصيدليات ..
الصراحه انا عانيت و للحين اعاني من الحبوب الصغيرة لاني وقفت العلاج و من اسبوع رجعت استعملة ..
هيهيهيهيههيهيهيهيهيييي طولتها وهي قصيرة ..
المهم : في ماركة تلاقينها .اسمها "زينياك" تاخذين الصابون السائل و اللوشن الخاص فيه …. كله ماركة وحدة ..
و تشترين كريم صغير اسمه Zeniac LP Fort تستخدمينه بعد اسبوع بالليل فقط .. و اذا حسيتي بنخزات .. عااااااادي تراه يحرق احيانا .. و في بعد واقي للشمس استعملية بدل الفاونديشن احسن لانه مركب طبي .. و اضمن من الكريمات .. الواقي اسمه Trio S من نفس الماركة … والاسعار بين ال 60و ال100 … يعني رخيييييييييييص ..
وعلبة الصابون واللوشن وكريم الليل ابيض و ازرق و اخضر بس الواقي بالبرتقالي بدل الاخضر و الكتابة بالفضي
واتمنى اني افدتج و افدت الجميع
تحياتي .. درب الغزال
اذا الجواب نعم وقفي انا نفس حالتج لا يتني حبوب شباب ولا شيء وتعرفين غرشة نوتيلا الكاكاو.؟ كنت اكلها كامله يمكن في 3 ايام بدون خبز ولا بشيء برووحه جيييه …
لين وصلت الجامعه بدت تطلعلي حبووب لو كلت كيتكات بس …. تخيلي والحين انا موقفه عن كل الحلويات وحمدالله ويهي صافي بس اكل شيء 1 خلاااااااااااااااااااااص الحبه اتم اسبوع فويهي ..
سمعي نصيحتي اختي وثاني شيء اذا بشرتج دهنيه حاااولي تغسلين فاليوم 3 الى 4 مرات عساس مااتتصكر المسامات وتتجمع الدهون.
dnyailwalah
الحمدلله من الله اني ما اكل حلويات بكثرة …. او بالاحرى ناااااااااااادر ما آكل حلويات…،، اكلي متوازن وطبيعي
بس اكتشفت المشكلة … اني قمت استخدم منظف للويه .. انا واختي ..
واخترب ويهي وويهها ….،،،
يعني ما ادري شو من المركبات في هالمنظف ..تسبب بظهور هالحبوب…
اختي الغاليه
درب الغزال ..
بشوف انشالله .. ويصير خير
الغاليه
سلسبيـــــــل..
ان لقيت حل لمشكلتي … صدقيني رح اخبرج
ام المهند
والله انج ما قصرتي …. انشالله رح اجرب …،،
مشكورين جميعاً
Rabbna yejzeejl 5eeir
bas ma tenseeni lamma btla2eeil 7all 6ayyib…..warasileeni 3al 5a9
feeh i7timal ma bantabih law 7a66eyteeha hoon
w teslamee 7beebty
Rabnna yeshfeena ana wa iyyaki :pain::pain: