وليش انكم خواتي فمو حابه ابخل عليكم بأفكاري السحريه اللي انشالله تفيكم وتدعولي…
طبعا انا من الناس اللي دايما اتطرق بمواضيعي عن الجمال الطبيعي أو بالأصح الوسائل الطبيعيه اللي تفيد جسمي وأثق فيها اكثر من الكريمات والأجهزه الخاصه لجلسات الشد اللي طبعا تكاليفها تكون أكثر من فايدتها
بغض النظر عن المواد الكيماويه والدهون والكريمات اللي على اساس انه فيها مواد طبيعيه واهي اساسا تكون ثلاث ارباع الماده صناعيه غير طبيعيه ليست مأمونة الجانب
هذا غير فلوسنا اللي معاشنا كله يطير بجلسه جلستين
فليش نلجأ لهالشي واحنا عندنا مواد طبيعيه ونقدر بايدنا نسويها ومن دون تكاليف باهضه
ومفعولها مضمون
مثل المرميه يعني هالعشبه كلنا نعرفها وكلنا ندري انها من الأعشاب اللي فوايدها وايده وفعلها مضمون واستخداماتها كثيره
واليوم انا يايبتلكم الطريقه اللي تعوضنا عن الاجهزه الباهضه ومن دون فايده وهالطريقه لها القدرة على جعل الجسم متماسك وناعم ومشدود….
………………………………………….. ……………………………….
*نذكر المكونات أول شي وهي:-
-15 لتر ماء مغلي
-2 ملعقة كبيره مراميه مجففه
-2 ملعقة كبيرة ملح الطعام
-2 ملعقة كبيره بيكربونات الصودا
-2 ملعقة كبيره صابون مبشور
-2 ملعقة كبيرة من النشا
………………………………………….. ……………………………
*التحضير:-
-طبعا نغلي الماي ونحط معاه الميرامية ونغطيه لمن يغلي ويطبخ لمدة ربع ساعة بعدين تشيلينه من عالنار وتخلينه يعني ما تصفينه على طول لأ تخلين المرامية بالماي منقوعه لمدة ساعة عشان نحصل على منقوع مركز .
بعدين انصفي الماي من المرميه ونخلطه بعدين نحط الملح وبيكربونات الصودا والصابون والنشا نخلطهم عدل عدل.
………………………………………….. …………………………
*الاستعمال:-
طبعا في طريقتين…..
أ-الطريقة الأولى: انج تكثفين العجينه وتحطينه ماسك للجسم يعني تدهنين في جسمج وتخلينه من 10 الى ربع ساعه وتغلسينه عادي.
ب-الطريقة الثانيه:انه تضيفين هالخليط الى حمام الاستحمام وتسترخين لمدة 10 الى ربع ساعه وانا افضل هالطريقه طبعا.
بس اذا لجاتي حق هالطريقه تحرصين انج تخلين من ماي الميراميه لانج بتسوينها على طريقتين
الطريقه الاولى
انج بتحطين الخليط اللي سويتيه بماء الاستحمام وتسترخين وبعد ما تقومين تسوين الطريقه الثانيه اللي اهي بعد ما تغسلين جسمج من الخليط تغتسلين بماي الميراميه او ماي منقوع الميراميه
يعني قصدي انه اذا بتسوين هالطريقه تكونين حاسبه حسابج انج مو مخلصه الماي المنقوع عالمخلوط كله لأ تكونين شايله منه حق المرحلة الثانيه والأخيره من الاستحمام
يعني حطي فبالج انج راح تتسبحين على مرحلتين
لأن المرحلة الأولى تعمل على تخليص الجسم من السموم والرواسب الضاره.
بينما المرحلة الثانيه واهو منقوع المراميه يعمل على تنشيط واعادة الحيويه للجسم بعد تنظيف مسامه وخروج الرواسب منه.
………………………………………….. ………………………..
وبس واتمنى أكون وصلت المعلومه وتستفيدون منها…(f)
لكن مافهمت وش فوائد هالخلطة للجسم..؟؟
يعني تجعل الجلد متماسك وناعم ومشدود
وأيضا تنفع البنات اللي تكون متينه وتضعف فتلاقين في جوانب جسمها خطوط فهالطريقه ما اقول تخفي بس اللي تكون قعد تسوي رجيم أنصحها انها تسوي هالطريقه عشان ما تطلع الخطوط
واللي اضعفت وأطلعتلها هالخطوط فهالطريقه تخفف من بروزهم ووضوحهم
وغير هذا كله تطلع السموم والي تكون متكدسه بالجسم وتخلصج من الرواسب الضاره
واتمنى اكون وضحت فايدتها واكون افدتكم
وشكرا لك
والسؤال الثاني ما كتبتي اي عجينه..,