حفلة ميلاد بثيم لويس فيتون << اكيد من افكار سونيا 2024.

بس اول بهذر وبثرثر على كيفي دام انه موضوعي (r)

الله يسلمكم صادف حفلة ميلاد بنت اختي وهاي احبها موت لانها ثاني حفيدة بالعائلة بس اول بنوتة وعاد انا كنت اخر عنقود فاستانست بولادتها وكنت اسويلها كل شي واختلق الاعذار عسب اروح عندها او يخلونها عندي مع اني كنت خالتها بس كنت صغنونة على وقتها بس حبيت دور الخالة واعطي الاوامر <<عاشت الكبيرة :winner_second_h4h_a
وكنت اهتم فيها مثل امها حتى احسها بنتي مع ان الفرق مال كم سنة بس << عن تفكروني عيوز ترا بعدني بعز شبابي وخريجة جديدة واقل من 25 عاد خمنوا انتوا هع هع :21_131:

مهم كنت اخليها تناديني خالة ياحلاته من فمها لين ماكبرت وصارت عروس الحين وتخرجت هالسنة من ثانوية العامة بنسبة عالية وبتسافر بداية العام الجديد 😥

ادري مليتوا خخخ بس يلا بدش بالموضوع بس حبيت تشاركوني احاسيسي وفرحتي :21_209:

مهم قررنا نسويلها حفلة عيد ميلاد عسب تكون ذكرى
وكعادتي بديت اول شي بالثيييييييييييييم للحفلة

وبجد استانسنا كثير وفرحنا ولعبنا وبالاخر هي قدمت لنا هدايا وشكرتنا وبكينا وبكت معانا

طبعا مايحتاج اوصيكم قولوا بسم الله ماشاء الله
واختموها بدعوة عسى ربي يوفقها في حياتها ودراستها ويسدد خطاها يارب

يلا معاي :wavey:

ثيم الحفلة : بعد تفكير عميق قررت اني اسوي شي مميز فاخترت ثيم ماركة لويس فيتون louis vuitton لانها تحب هالماركة

المكان :بالبيت

المعازيم : فقط اهل البيت يعنى اهل امها الي هما خالاتها وجدتها وجدها وخوالها وعيالهم طبعا

………………………………………….

الثيم مثل ماقلت ماركة لويس فيتون

اول شي خططت وخبرت كلهم ان الهدايا ولبسهم بيكون من هاي الماركة

وطبعا مايصير انسى اميرتي شهد واميري مهند من هالسوالف خخخ

اول شي لبس شهودة.. لبست قميص وتنورة من هالماركة

شوفوا الثيم على القميص

وهاي وفديتها لابسة

طبعا مهند لبسته قميص وتيشرت لاني ماحصلت حاله فاكتفيت بالحذاء

وشنطة لاغراضه يعنى للحليب والبامبرز خخخ

ونجي لاخواتي وعيال خواتي طبعا كل واحد لبس شي منه يعنى الي لبس قميص او شيلة او حزام بس الشنط كلنااااااااااا اتفقنا بلبسها من هالماركة
وها شنطنا كلنا خخخخ

نجي للحفلة ..طبعا عملنا بالصالة وماقدرت اصور لان فيها الوالدة ولو عرفت اني حطيت صورتها او ضللتها بتذبحني خخخ :21_131:

اول شي هاي بعض التجهيزات
زينا المدخل كله بالشموع
شريت فازات زجاجية وحطيت فيهم الشموع على شكل وردة كانت متوفرة بالبيت ( او بالاصح سرقها من حمام شهودة خخخ ) ووديتهم محل الورود عشان يزينوها

وهاي بعد ما وزعناهم وشعلنا الشموع

وهاي بعض الاكلات بس ما صورت كله ..طبعا كله من اكل البيت والمفضل عندها
يعنى كل حد مسوي الاكلة الي تحبها من بيته

هاي الكوكيز الي سوينا مال لويس فيتون
ها شو رايكم تشهي لاااا :cool2:

وهاي الكب كيك هم بنفس الثيم

وهاي سكين الحفلة << يعجبني ازين السكاكين خخخ

وهاي التوزيعات

وشوفوا الحلويات بنفس الثيم

والحين نجي للكيييييييييييييييييييييك

وكانت مفاجاءة الحفلة
:groupwave::groupwave::groupwave::groupwave:
:groupwave::groupwave::groupwave::groupwave:

وهاي بعد ماشعلنا الشمعة

صور اخرى

ثيم اوضح على الكيكة

اكيد حالكم قطعة هع هع

وفي الختام عطيناها الهدايا وطبعا كلها هدايا مال نفس الماركة بس ماصورتها لانها كانت مغلفة
عاد عيب اقولها فتحي اصور لبنات العروس خخخ :21_131:

بس بوريكم هاي الباقة من اختي
طبعا باقة عادية بس المميز فيها حطينا لها كل العطور المفضلة عندها بتغليفة انيقة

وهاي باقة الي قدمتها انا احم احم شو رايكم فيها<< غصب قولوا حلو اوكي :21_218:
وطبعت اسمها وصورتها على الوردة ..حلو صح

وفي الختام قامت العروسة وشكرتنا وعطيت لكل منا هدية تعبر عن حبها وشكرها

والحين بعدما استانستوا ابي منكم تونسوني بدعواتكم لي ولعيالي وزوجي وامي وابوي وخواتي وعيالهم يعنى العايلة كلها خخخ
وابي ردود سنعة (y) وتقيم اسنع (y) لاني تعبت واااااايد تتصغير وتحميل وتضليل خخخ