) وعلى فكره شغل هالسوالف الصغيره تعبها واعدادها مثل اعداد الفطاير والكيك بالحجم العادي وأزيد
بس لأني أحب الميني أكثر احس حلوووين للتقديم
براويكم الحلو أول
وطبعا الله يخلي daisy ash على وصفاتها الأكثر من روووعه وكل يوم أطبق وصفه من وصفاتها وكل يوم أحلى من اللي قبله بشهادة زوجي
اللي فووق اسمه شارلوت التفاح (بس انا بدلت التفاح بالأناناس المعلب وبعد ماطبخته على النار خلطته بالخلاط خلطه بسيط بس عشان يتنتف نتف صغار ) وتوست الحليب رقيته علشان اقدر احطه فالقوالب الميني مالت الجيز كيك
وطلع رووعه وطبعا انا ماذقته لأني مسويه ريجيم
بس زوجي وبنت عمي حبوه
واذا تحبون الطريقه ادخلو على هالرابط
http://forums.3roos.com/t452460.html
واللي تحت شرائح جوز الهند بالمربى
الاخت daisy ash تحطه في قالب كبير وتقطعه
بس انا جربته بالقوالب الميني مالت الجيز كيك وطلعوا مرتبييين ..
وطعمهم خياال والكل استخف عليه ..هذا من فتره كنت اسويه وطبقته يمكن 5 أو 6 مرات وكل مره يسئلوني عن الطريقه..ثانكس ديزي
وكمية جوز الهند اسوي الربع منها لأن يزيد منها واايد
اما المالح فبالصدفه امس لفتني موضوع وحده من الأخوات(عروس البحريين)
http://forums.3roos.com/t434507.html
تحط عجينة الفطاير في الشوايه الكبس مالت التوست وجربت طريقتها وبعجينتها وطلعت كأنها خبز من الصغار
سويت نص المقادير تقريبا طلعوا 20 حبه وبعد التقطيع 40
نصهم حشيتهم بتونه ومايونيز وخس مفروم مع شرايح ناعمه من الطماط والخيار
والنص الثاني جبن فيتا مع نفس الخضره
واخيرا الميني بيتزا السهلله جدا
سويتهم بتوست الحليب
رقيت التوست وبالقطاعه قطعته
وسويت له صوص بيتزا
(زيت زيتون في مقلاه مع ربع حبة ماجي احمرها شوي واضيف معجون طماط تقريبا ملعقتين كبار وشوية ماي لازم شوي يكون غليظ مب خفيف كأنه ماي وأرش عليه فلفل اسود)
طبعا بعد ما وزعت الصوص حطيت جبن موزريلا على كل قطعه وحبة زيتون أخضر شرائح
وبالفرن لمدة 10 دقايق او أقل
ولو تلاحظون مصوره حبه وحده بس لأن خلصوا ماشاء الله
ومالحقت اصورهم .. ونفس الشي بالنسبه للسندويشات
يسلموا حبيبتي شكلهم روعة وكيوت
أبدعتي أختي كتوكة نايمة…
عوافي عليكم و على ضيوفكم (f)
and you’re quite welcome sweetie
الله يعطيك العافية ويسلم يدينك
تسلم الايادي ياقمر
رووووووووووووعه
تسلم الايادي يا كتكوته
الطبخة روعة بس التصوير احلا
روعه يعطيكي العافيه
تحياتي
و حاولت اقيمج بس للاسف مو راضي ..