السلآم عليكم ورحمة الله وبركــآته
^
^
مرحبآآآ بالجمييـــع ,, صبآحكم فل ويآسمين " رجعت إلكمـ بدرس يديد من بعد الردود إالي حمستني
وإن شاء الله آفييدكـم بالخير , وهالمرهـ جهزت لوكـ نااعم وينفع يكون لمناسبة عزيمهـ
آو كشختج فالبيت لأبو عيآلج مثلا , آو يمعآت الربع وآكيد كل وحدهـ تبا تبرز مكيآجهااا ,
آو ممكن اتسوينه لمناسبة سهرهـ , ..
طبعآ أنا غير مسؤوله عن البنآت الي يستغلن ادروسي لغرضهن الشخصي ^_* وفآهمين شو أقصد هع
ركزو معآي .. وتابعو الخطوهـ حبه حبه .. وإالي عندها استفسار تستفسر آنا فالخدمه وبجآوب على جميع تسآؤولاتكـ .. بس رجآء حااار إقروووو كل الموضوع ولاتدخلون تطالعون الصور وتظهرون
عشان بس آحس ان الموضوع فعلا مفيد وهالخطوآت يمكن تساعد الي فخاطرها تتعلم ..
بإسم الله نبدأ ..
^
^
1 – عيون الموديل قبل المكياج
2 – بالقلم الأبيض انحدد الحاجب لغرض الترتيب فقط لاآغير
3 – بنوزع الكونسيلر حول العيينيين ومن بعدها بنوزع السوبرا كلر كنقاط ع الويه كامل
وبنوزع بالإسفنجه المثلثه ومن بعدها بنوزع البودره العاديه واستخدمت بودرة ماك
وهالاساااس انا استخدمه لنفسي كأآساااااس عملي ولاتكثرين من السوبرا
4 – وهذي العين بعد ماوزعنآ الكونسيلر والفاونديشن :
5 – ألحين بنبتدي نوزع الشدو المائي واستخدمت شدو مبروك ( أستخدمه كإستخدام شخصي مش فالشغل وتغطيته مش قويه )
– نوزع الإضائه البيضه تحت الحاجب مباشره ومن بعدها بنوزع اللون البييييج ع كامل الجفن المتحرك
وبنمده لي تحت الحاجب بشوي وفوقه مباشره بنوزع الشدو السلفر وعلى زاووية العين الخارجيه بنوزع البني الغامج
– وتحت العين بنوزع الشدو باللون العشبي , وبنبدأ عملية الدمج وبنحط الشدوو العادي
على المائي وبندمج .. واستخدمت شدو كونسل سنتنس
6 – بنرسم العين بالآيلينر من فوق واستخدمت ايلينر بودي شوب .. وانمده لي نهاية العين
وندمج الآيلنر بالشدو الأسود واستخدمت الشدو الأسود من ميكب استيديوو وندمجه مع البني
7- نرسم العين من الداخل بالقلم الآخضر من ماركة بروجواس وانحاول انظهره برع العين بشوي
وفوقه مباشره بنرسم بالقلم الاسود وندمج اللونين مع بعض .. وجذهـ خلصنا من العين ..
8 – بنرسم الحواجب بتاتو مكياجي .. وانا استخدمهـ استخدام شخصي لأنه مش ثقيل وعملي بالنسبه لي وبنحط الماسكرا وماركبت رموش عشان يبين اللوك خفيف وغير متكلف
النتيـــــــــــــــــــــــــــــــــــ ج ــــــــــــــــــــــــــــــــــــه
^
^
وتقدرين اتحطين روج أحمر +برتقالي على بني + لحمـي ( وبسالفة الأرواج الصراحه انا احب ادمج كذه لون عشان اظهر لون يديد ومختلف ,, بإمكانج تدمجين اللون اللجمي مع البرتقالي بيظهر لج لون يديد وحلووووو وانتي وشطاارتج ) .. والبلشر خليه لحمي أو بني
^
^
فالنهآيــه آحب أذكر وآعيد وآزيد إن وصايف مستحيل ترضي جميع النآس ,, ورضاا الناس غايه لاتدركـ
والآكيد اني ماراح ألبي جميع الأذواق .. فالنهايــه لي استايل معين وإالي حبت استايلي راح اتحب مكيآجي .. مروركمـ راح يزيد من جمآلية الموضوع .. وتوااصلكم غايتيييه ..
آتمنى الردود تكون عباره عن دعوه صادقه ورفع من معنوياااتي ورفع للموضوع .. وخلونآ نبتعد عن الجلآم الجآسي والتجريح والنقد الهدآم .. =)
دمتم سآلميـن
مبدددعه وانا دوم ابحث عن دروووسك من جد
الله يحفظك
وننتظر جديدك
تم التقيم
ويسلموووا
ترقبوو جديدي =)
واااايد حبيته 
احب الرسمات اللي تجي ناعمة بس بنفس الوقت تحسينه قوي ..
يعطييييج الف عاااافيه وننتظر جديدج ..
مكياجك
عجبتني رسمة الكحل عدددل !!!
تسلم ايدش