بسم الله الرحمن الرحيم
سبق وطرحت الموضوع بمنتدى الدورات الفنيه ومحد رد على ارجوا بعد
ماتكسفونى.
الحمدلله والصلاة والسلام على رسول الله وعلى آله وصحبه أجمعين
تحيه لجميع العضوات ودى أدوخكم بشويه أسئله ياليت
تساعدونى باجابتها ودى أعرف عن دورات الكمبيوتر
كم مدة الدبلوم وهل صحيح ماتقبل الا شهادات
نيوهرايزن والعالميه. هى بس المعتمده او فيه معاهد ثانيه
وكم أسعارها ومدتها وصعبه او لا وشنو يحتاج من اوراق للتسجيل
وهل هى لخريجين الجامعه فقط او أى شخص يقدر يدخلها يعنى شهادة
ثانويه او متوسطه , قبل بعض من خريجات العالميه فى بعض المدارس
مدرسه حاسب آلى هل يعتمد قبولها كمدرسه حاسب على شهادة المعهد
او يستلزم أحظار شهادتها الدراسيه. وشنى افضل شهاده بتلك المعاهد
هل الدبلوم مطلوب اكثر ……………………………..
وتحياتى للجميع وسامحونى على الأسئله الغبــــــــــــــــــــــــيه
وفيه لمدة ستة شهور هذي الدورات ممكن إي أحد يدرسها مهما كانت شهادتك ممكن تدريسنها
أما من ناحية الدبلوم فيه لمدة سنة وفيه لمدة سنتين هذي عاد لازم يكون
معك شهادة ثانوية عامة وتكون ياعلمي أو أدبي لاكن ممنوع على من معهم
شهادة إبتدائية أو متوسطة أن يأخذون دبلوم لأنه مقصور على الذين معهم
ثانوية عامة ودبلوم سنة ممكن للجامعيات لاكن الثانوية تتدرس الوحدة
سنتين لاكن إذا كانت رغبتها سنة مو مشكلة تكمل
بالنسبة لمعهد العالمية ممتاز بس أسعارهم غالية يعني لازم تدفعين
25 ألف تقسيط طبعا ويدرسونك بالدبلوم لغة لإنجليزية ورياضيات
وبرمجة فيجول بيسك وكل دروس البرمجة لو تخرجتي من عند العالمية
إمتياز بالسنة الأولى يخلونك تكملين دراسة السنة الثانية وتشتغلين
عندهم بس رواتبهم ما تشجع
أما نيو هرايزون ياخذون بالتقسيط إيضا 25 ألف ريال ويعطونك لغة إنجليزية
مجانا حسب ماقالولي ولإذا تخرجتي بإمتياز يشغلونك عندهم ونفس الشيء
تدرسين رياضيات وإنجليزي وبرمجة وتصميم مواقع وبالنسبة للمعاهد
الثانية أغلبية شهاداتهم من أم القرى
نجي للتوظيف بصراحة صايرين يطالبون أن المتقدمة للوظيفة لازم تكون
جامعية ومعها دبلوم ….
لاكن فيه شيء يشجع يقولون أنهم سمحوا للي يكون معها دبلوم برمجة
كمبيوتر سنتين ممكن إنها تدخل جامعة الملك سعود وتدرس سنتين
بالجامعة والدروس إلي درستها بالمعهد ماتدرسها بالجامعة وكذا تتخرج
من الجامعة بكالريوس حاسب آلي ….
وهذا كل إلي أعرفه وأعذريني على الإطالة وإن شاءالله أكون أفدتك
أشكرك أختي منولة على مساعدتك لأختك
وهذا مو غريب من عضو مثلك سعى لخدمة إخوانه
السلام عليكم ورحمة الله وبركاته
أهلا بك أختي الكريمة معنا في الركن
وأشكر الأخت منولة الحبوبة على ماقدمته من معلومات مهمة