رجاااااءا لا اطنشوني شرات كل مرة ..
زوجي بيرجع من السفر بغد كم يو ان شاء الله وناوية اسوي حفلة بمناسبة رجوعه وبنفس الوقت لاني مخلصة الاربعين ..
بس المشكلة ان زوجي مسافر بالسيارة … وهو من النوع اللي يتعب لا رجع من سفر .. يعني ما بيكون فايج لليلة حمرا وخرابيطها ^^ .. بيرجع وهو يدور السرير @@
شو تشاورون علي ؟؟ اسويها الليلة اللي عقبها؟؟
ردواااااااااااااااااااا رجااااااااااءا..(f)
وتكتبين له ورقه تعلقينها علي الباب بعدك عني عذاب ما قدر اعيش بدونك رجعتك لي نور او اي جمله تدل انه هذا الشئ سويته عشان جاي من السفر الله يوفقك انشاء الله نتظر الصور تجهيزك اوكي هههه الله يسعدك
أول شي أحب أباركلج بالمولود عسى الله يبارك لج فيه ويجعله ذريه صالحه إنشاء الله
الغاليه إذا تبين تسمعين نصيحتي الأفضل إنج تجسين نبضه يوم بيوصل بالسلامه… لكن الطريق كيف…؟
بعطيج فكره وإنتي وذكائج… مثال: طبعا إنتي ما يحتاج إني أذكرج بالحنا والحلاوه وإلى آخره من التنظيفات والتجهيزات المسبقه ….والعطر والدهن العود والبخور إلي يفوح من جسمج وثيابج
الأشياء إلي بتحتاجينها
شموع صغار بدون ريحه
إشتري مدخنة الزيت تنباع في ذا بودي شوب وإشتري وياه زيت أوشن
وإشتري زيت اللافندر حق المساج
فوطه حجم كبيييير يعني قد حجم الريال تحصلين فوط ملونه ساده راقيه في زارا هوم خذي لون زاهي على لون الشموع في غعرفتج
مسجل وسي دي صوت البحر أو أصوات طبيعيه
ورد طبيعي مشكل
شموع حلوه تناسب لون الحمام عزج الله يعني مو نفس اللون هاتي لون يناسب
أول شي الفكره هي إنج تحولين غرفة النوم إلى منتجع يعني خليه يحس يوم يدخل غرفة النوم إنه داخل منتجع يسوي مساج
إترسي الغرفه شموع صغار …
جهزي المدخنه حطي فيها شوية ماي وبعدين قطري فيها 6 قطرات من زيت أوشن عقب لبجي فيه الشمعه عشان تفوح الريحه بس لا تخلينه يطول أكثر من 3 دقايق إذا كانت الغرفه صغيره و5 دقايق إذا الغرفه كبيره لأنكم بتختنقون من الريحه قويه بتصير مزعجه إذا طولت يعني قبل ما يدخل البيت بشوي لبجيها
جهزي مكان على الأرض وسيع شوي يفضل يكون مكان فيه زوليه إفرشي لحاف شوي ثقيل على الأرض ورتبيه بحيث إنه يكون على حجم الريال عشان ينسدح عليه عقب أفرشي عليه الفوطه الكبيره بحيث إنج تغطين اللحاف كامل ما يبين
هاتي فوطه ثانيه بس متوسطه من نفس اللون أو لون متناسب لفيها على شكل رول يعني كأنها مخده وحطيها على الكبيره وحطي على المخده ورده إنتي إختاريها إهداء له وبطاقه إكتبي فيها مشاعرج وحبج له وعطريها بعطر يحبه
جهزي سله وسيعه تكون حلوه لونها خشبي حطي فيها ورده حمرا أو أي لون تحبينه وزيت المساج وشمعه كبيره وفوطتين صغار( مال الوجه) مرتبات بطريقة الرول أو إلي تعجبج المهم يكون شكلها حلو حطيها قريب من فراش المسج عند الراس
جهزي المسجل والسي دي مال الأصوات الطبيعيه بحيث يدخل الغرفه يكون المسجل شغال
والليتات مسكره بس الشموع إلي منوره المكان
الحمام:
جهزي البانيو قبل ما يوصل بخمس دقايق
1-إنثري فيه ملح الإسترخاء والورد الطبيعي الملون
2-حطي شموع تناسب لون الحمام عزج الله
3-رتبي المكان بحيث يكون فيه صابون بريحه حلوه ولوشن يعني مجموعه مثل الي تنباع في ذا بودي شوب .
وهو في الطريق كلميه وقوليله يتصل أو يطرش مسج إذا صار قريب من البيت يعني مسافة 10 دقايق…. طبعا تكونين إنتي جهزتي نفسج بلبس مناسب حق المساج يكون حلو وبسيط بحيث تكونين كاسيه عاريه يعني لابسه ومو لابسه لا تحسسينه إنج مسوتله مفاجئه والأهم ما يحس إنج تنتظرين منه شي…جهزيله الشاي والقهوه وطبق حلو وإذا كان وقت غدا أو عشاء جهزيله وجبه هو يحبها…وأهم شي تظبطين البيبي يعني يوصل يلقاه نايم لين تتفيجين عقب أو تخلينه عند حد يهتم فيه…يوم بيوصل أستقبليه بإبتسامتج الحلوه وإلى آخره …..
طبعا هو بيروح صوب الغرفه يبدل ملابسه ويرتاح إلحقيه بيتعجب قوليله اليوم أنا بس حقك أدري إنت تعبان أبي أريحك …قوليله يعق ملابسه وينسدح على الفراش أو أحلى لو إنتي تفصخينهن عنه خليه يقرى البطاقه وهو يقراها إدخلي الحمام شغلي الماي الدافي في البانيو بس خليه خفيف عشان ما ينترس لين تخلصين مساج… إرجعيله خليه ينام على بطنه لحفي ريوله بفوطه متوسطه يعني بس ظهره إلي بيكون باين إفركي إيدينج الثنتين مع بعض عشان تدفينهن بعدين صبي الزيت على إيدج وإفركيهن مره ثانيه عقب إبدئي وزعي الزيت على ظهره بحركات دائريه ولطيفه وإنتي تقرين عليه الفاتحه 7 مرات بيرتاح وإنتي تسوين له المساج حسي إنج تحبينه وإنج تموتين فيه بعد وحسي بشوقج له في صدرج صدقيني هذي الأحاسيس كلها بتنتقل له وبيحس مثلج…وفي النهايه بعد ما تهمزين جسمه كله يمكن تلقينه حتى قبل ما تخلصين مشتهنج وما بيخليج تكملين … لكن إذا ما سوى حركات بعد ما تخلصين المساج خليه يتودن في البانيو 10 دقايق وبعدين سبحيه ليفيه عدل بليفة ذا بودي شوب القفازات فظيعه بيرتاح وايد خاصه إذا كانت ريحة الصابون حلوه…. وبالنسبه لليله الحمره خليها حق ثاني يوم إذا ما أبدا رغبه…بس صدقيني إذا سويتيله هذي الحركه بيشوفها منج شوفه مثل الجميل من بعد التعب والسفر الطويل…وكان الله غفور رحيم…صح لا تنسين تأكلينه إذا ما رقد
 |
اقتباس |  |
 |
المشاركة الأساسية كتبها أم ملاذ  |
 |
 |
| انا انصحج تسوينها في الله اللي عقبها اذا كان اجازه وتكتبين له ورقه تعلقينها علي الباب بعدك عني عذاب ما قدر اعيش بدونك رجعتك لي نور او اي جمله تدل انه هذا الشئ سويته عشان جاي من السفر الله يوفقك انشاء الله نتظر الصور تجهيزك اوكي هههه الله يسعدك |
||
 |
 |
اتقولين؟…:sm229:
وان شاء الله بحاول اصور^^
BENTBU6I
تسلمييييييييييييييييييييييييييين يا رب تعبتج وياي ..
وعيبتني فكرتج واااايد خاصة انه ريلي يموت ع المساج :21_148:..
وعسى الله يسعدج ويوفقج يا رب ..
|
اقتباس | |
|
المشاركة الأساسية كتبها حتوته حلوه |
|
|
| إذا كان سفره بالسيارة لساعات طويله … فالافضل تأجلين الليله بس جهزيله الحمام أملي البانيو بالماي مثل ما قالت BENTBU6I وممكن تضيفين له ريحة المسك أو أي ريحه ثانيه تفضلينها , والله يتمم لكم على خير ويرجع لج بالسلامه وأهم شي تبين له كثر شوقج له | ||
|
|
تسلميييين يا رب .. ادعولي الله يتمم الليلة على خير .. وتكون شرات ما ابى واحلى :15:
لأني حاسه فيج أنا ريلي من النوع إلي وايد يحب يسافر يالسياره عنيد راسه يابس ما يحب يتقيد بمواعيد الطياره يحب يروح ويرجع بدون ما حد يقيده وعلى فكره باجر هو راجع من السفر فبسويله نفس ما قلتلج وشوي بزيد عليهن لأنه راد من السفر بالطياره هالمره وإنشاء الله ما بيكون تعبان وايد
عسى الله يكتبلج ويكتبلي السعاده مع من نحب ويمتعنا بأزواجنا وذريتنا إنشاء الله
وأسأل الله العظيم رب العرش العظيم إنه يسعد كل زوجه وفيه تحب تسعد زوجها وتحاول تصلح حياتها معاه
أتمنى منج رساله تخبريني شو صار وأنا بعد بخبرج شو بيصير وإذا تحبين تعرفين الزياده إلي بسويها راسليني على الميل : shamsiia@hotmail.com