مشتهيه وابي اسوي على قدي وقدة ولاتتبخلون علي
صدى الحرمان
هذه الخلطه تصلح لآى نوع من انواع المحاشى
وبالهنا والشفا
:21_177::essen::essen:
بصلة صغيرة مفرومة
فص ثوم مهروس
طماطة صغيرة، مقشرة و مفرومة فرم ناعم
نص مكعب ماجي
ربع كوب خضار ورق مفرومة (بقدونس – كزبرة – نعناع)
ملح – فلفل أسود – كركم
رشة أوريغانو
ربع كوب رز مصري
ربع كوب لحم مفروم
حمسي البصل و الثوم، بعدين حطي عليهم الطماطة و الماجي وشوية ماي… خففي الحرارة و غطي القدر لين تصير عندج صلصة ثقلة و يذوب الطماط…
شيلي القدر عن النار، و ضيفي باقي المقادير، و حركيهم مع بعض…
الحين احشي الخضار اللي تبين، لشخصين تقدرين تحشين حبين كوسا و حبتين بطاطس و فلفل حلو…
و انتي تحشين الخضار، لا تعبينها للأخير… خلي فيها مسافة شوي من فوق… بعدين صفيها في صينية فرن، و يفضل تكون بايركس…
الحين أغلي كوب ماي و ذوبي فيه نص مكعب ماجي، بعدين حطيه في الكاس الخلاط مع:
ملعقة كبيرة معجون طماط + ملح + فلفل أسود و شوية عصير ليمون…
و شوي من الكوسا اللي فرغناها، و أنا أحياناً إذا زاد شوي من الحشوة أضيفها لهذي الخلطة…
اخلطيهم مع بعض و صبي الخلطة على الخضار في الصينية… غطيها بالقصدير و دخليها الفرن لمدة ساعة…
بعدين شيلي القصدير و خليها نص ساعة زيادة…
و بالعافية عليكم