شخباركم عرايس
بما اني للحين بنوتة في بيت ابوي 
، بس الصراحة مرات احب ادش المطبخ واحب اعرف اسراااار المطبخ (c)
وودي أسألكم عن البصل المحشي .. يعني طريقة الحشوة ، كيف نحشي البصل ؟ أحفره زي الكوسة 
ولا أطلع اللي بالنص بالراحة واحشيه ؟ ولا كيييف ؟
انا دايما ادور على طريقة بصل محشي بالصور لكن ما لقيته بالمنتدى هنا ..
وشفت في احدى المنتديات وحدة عراقية حطت صورة طريقة حشو البصل
لكني مش متأكدة .. انتو شوفوا الصور وقولوا لي كيف ..
كاتبة الاخت : اما البصل فاستخدمي الحبات الكبيرة قشريها و شقيها بالسكين شق واحد طوليا الى المنتصف و ضعيها في ماء مغلي 5 دقائق حتى يسهل فصل اوراقها عن بعض.
وهاي الخطوة الثانية
وكاتبة : – ثم نقوم بفصل الطبقات على مهل حتى لا تتمزق ( في ناس ما بسلقوا البصل , بفصلوه وبحشوه على طول بس بلاقي الشغلة صعبة خصوصا عند اللف.
وبعدين حشت البصل بهالطريقة
سؤالي : اذا حشت البصل بأوراقه بس ، تضمنين ان الحشوة ما تطلع ؟
لاني اشوف الصورة ومستغربة ان الحشوة ما راح تطلع .!
……………………….
واللي تعرف طريقة ثانية ياريت تقولي ، وااذا في صور يكون أحسن ..
واتمنى ما تردوني …
و آسفة طولت عليكم ….
رمضان كريم
فيكم الخير يا بنات عروووس ………
بس أول مره أشووف هالطبخه ..
الله يوفقك يارب 
انا اسويه امشي على نفس الطريقه انا اسويه بلبصل الابيض يطلع مره لذيذ
للحين ماجربت
 |
اقتباس |  |
 |
المشاركة الأساسية كتبها العود الأزرق  |
 |
 |
| بودي والله أخدمك .. بس أول مره أشووف هالطبخه .. الله يوفقك يارب |
||
 |
 |
ويوفقك أختي
تسلمين ع المرور
جزاج الله خير
|
اقتباس | |
|
المشاركة الأساسية كتبها cat top |
|
|
| مرحبااا حبوبه انا اسويه امشي على نفس الطريقه انا اسويه بلبصل الابيض يطلع مره لذيذ |
||
|
|
اها
يعني ما تطلع الحشوة برى ؟
جزاج الله خير ع المرور
|
اقتباس | |
|
المشاركة الأساسية كتبها am slooh |
|
|
| الطريقه صحيحه للحين ماجربت |
||
|
|
شكرا ع المرور اختي
انتي بالنسبه للبصل قشريه وقصي اطرافه مثل الصوره اولى واعمل شق جانبي يبتدي من الخارج ولغايه لب البصل بعد كذا اسلقيه بالمي لغايه انك تشوي البصل بدا ينفتح من مكان الشق وبدت تتوسع الدوائر خليها توصل لغايه 2 سانتي (المسافه بين طرفي القشره الخارجيه)وبعد كذا ارفعيه من الماي واتركيه شوي تبرد بعدد كذا افتحي الحلقات من الداخل الى الخارج يعني اخرجي اول شي اللب وبعدين الطبقات الداخليه لغايه ما تصلي للحلقه الخارجيه الاخيره
ولا تخافي ماراح يطلع الحشو لان بالطبخ يكبر حجم الرز ويكبس على البصله من الداخل فميطلع اي شي
وان شاء الله اكون افدتك
|
اقتباس | |
|
المشاركة الأساسية كتبها اغلاهم ويسواهم |
|
|
| اختي انا عراقيه واحنا نستخدم هذه الطريقه بعمل الدولمه وتمشي كلشي تمام انتي بالنسبه للبصل قشريه وقصي اطرافه مثل الصوره اولى واعمل شق جانبي يبتدي من الخارج ولغايه لب البصل بعد كذا اسلقيه بالمي لغايه انك تشوي البصل بدا ينفتح من مكان الشق وبدت تتوسع الدوائر خليها توصل لغايه 2 سانتي (المسافه بين طرفي القشره الخارجيه)وبعد كذا ارفعيه من الماي واتركيه شوي تبرد بعدد كذا افتحي الحلقات من الداخل الى الخارج يعني اخرجي اول شي اللب وبعدين الطبقات الداخليه لغايه ما تصلي للحلقه الخارجيه الاخيره ولا تخافي ماراح يطلع الحشو لان بالطبخ يكبر حجم الرز ويكبس على البصله من الداخل فميطلع اي شي وان شاء الله اكون افدتك |
||
|
|
جزاج الله خــــــــــيـــــــــــر
أفدتيني وااايد
وصحيح انا كنت أقصد الدولمة
لاني جربتها عند وحدة عراقية واااايد كانت لذيذة
عشان كذا ودي اضبطها وبالذات محشي البصل ^^
مشكورة اختي كثيييييييييير