سؤال عن بودره الوجه والبيس للبشره الحنطيه جعلكم بالجنه ردوا علي 2024.

السلام عليكم ورحمه الله وبركاته

حبيت اسال كم سؤال عن بودره الوجه مثلا ماك هل اقدر استخدمها بدون كريم اساس للزيارات العاديه ؟ وايش احسن درجه منها للبشره الحنطيه ؟

والبيس ايش هو هل مهم استخدمه ؟ وايش افضل نوع ؟

وابغى كريم اساس مناسب للبشره الحنطيه دايم اشتري وما يناسب بشرتي يا يكون فاتح مره او اغمق بكثير ؟؟؟طبعا بشرتي جافه ؟

الله يجزى كل من ترد علي الجنه ويسخره ويرزقها كل اللي تتمنى ويفرج همها ويسعدها وين ما تروح يا رب العالمين .

حبيبتي انا بحاول اساعدك كثر ما اقدر
انا ما استعمل باودر بس بما ان بشرتك جافة اتوقع راح يبقع و تتشقق لو حطيتي باودر بدون فانديشن و انا سمعت من البنات ان فونديشن ماك وايد بيرفكت و فل كفر انا استعمل كلينك نفس لون بشرتي حلو و رايق و ناعم و لو عندي بارتي او شي مهم استعمل ديور
و دايما للاستعمال اليومي انا رايي استعملي فونديشن نفس لون البشرة و لو عندك حفلة استعملي افتح بدرجة وحدة بس و ما اقدر اقولك لون معين انتي بالمحل سوي تست حطي و جربي و خلي البنات اللي هناك يعطونك افضل درجة و بالنسبة للانواع اللي انصحك فيها كلينك و بوبا و ماك طبعا و من ميبلين وايد حلو و رطب و لا تنسين في فونديشن اللي يكون على بودر هذا لا تستعملينه استعملي الكريمي عشان ما ينشف بشرتك
البيس تحطينه قبل الميك اب اهو مهم حسب احتياجك انتي يعني يصفي البشرة و تحسينها صارت ملساء و مافيها عيوب انا قليل حيل لما استعمله لان الحمدلله ماعندي مشاكل و اللي عندي كريستن ديور و اتوقع انه اوك حلو

آذآ بشرتج جـآفه انصحج تحطين بيس آول
استخدمي من مآركة كآرولآين احلى ـآ وآحسن شي
لآن انا جربت وبشرتي جـآفه

اختي جربي من ماركة جيفنشي .. دكتور وايت …رووووعه بصراحه انا بشرتي مختلطه واستخدمه ويناسب كل البشرات ولونه يجي على وردي
واستخدمي كريم اساس من بينفنت رووووعه بعد عندهم س نوعين واحد لونه بيج وواحد احمر للي يبي بشرته مثل مسوي تان …. انا استخدم جيفنشي وبدها كريم االاساس مال بنفنت البيج وبعدها بودره لونها بيج من نفس الماركه تطلع بشرتج طبيبعيه وحلوه

البشرة الجافة ما ينفع لها بودرة

حطي أول بيس يناسب بشرتج .. بعدين حطي اساس سائل او كريمي

و اخر شي رشي فكس من ماك .. هذا وايد يرطب البشرة

و اذا تبين كل الدرجات المناسبة روحي انجلووت الوانهم احسن من ماك و اكثر