ساعدوني بنتي والمرضعة 2024.

هلا خواتي ….

انا كثر ما أقرأ مشاركاتكم في المنتدى وما يمر يوم الا انا داخله المنتدى اطالع كل جديد ..الا ان مشاركاتي جدا قليلة بالنسبة لتاريخ عضويتي في المنتدى ..
اتمنى اتساعدوني في مشكلتي وهيه ان اجازة الامومة والحضانة بدت تخلص وانا للحين ما قادره أعود بنتي على المرضعة وعمرها الحين شهرين ونص ….:cry:بلييييييييييز ساعدوني كيف ؟؟؟؟؟؟؟؟؟؟؟؟ حتى اني افكر استقيل من شغلي …

ويييييييييييييييييه ذكرتيا بالمعاناه .. حتى انا قلت بستقيل من شغلي .. بس ما عليج فتره وبتعدي ..

عوديها بس صدقيني بين فتره وفتره خلاص بتتعود … صح بتتعبين فالبداية بس عقب بترتاحين ..

أنصحك لا تيأسين أبدا ودايما عطيها الغرشة ، شوفي أول ما تقوم من النوم أكيد بتصحى جوعانة مباشرة أعطيها الغرشة وتمي جوعيها لين ما تتقبل الصناعي ف النهاية .. صدقيني حتى لو تميتي تشفطين لها حليبك وإنتي رايحة دوامك بتتبهدلين لأنه ما راح يشبعها بالذات إنها صغيرونه بعدها وكله تطلب حليب ..

إبدي الحين إعطيها ولا تتوقفين حتى لو كانت نهاية الحليب اللي ما شربته تكبينه بس بعدك لا تيأسي وإن شاء الله بتلاقينها تعودت شوي شوي .. والعتب عليك يالغالية كان المفروض بعد أسبوع من ولادتها تبدين وياها بالصناعي شو تسوي هذي ضريبة العمل ياختي ..

الله يتمم أمورك معاها على خير

والله انا نفس المشكلة لا ماي ولا شاي ولاحليب كله ما تبا بس انا ما داوم لكن يوم ابا اسير مكان اتبهدل
بحاول كل شوي اعصر في حلجها لين تتعود انشاء الله