امس كنت مستعجله وحبيت اسوي عشا سريع…وكان عندي صدور دجاج جاهزة للطبخ وقلت خلني اسوي سندوتشات دجاج
بس للامانة هالطريقة من راسي ..يعني مجرد تخبيص بس طلع الطعم لذييييييييذ وسجلتها عندي عشان ارجع اسويها مره ثانيه لانها واااايد اعجبتني واعجبت زوجي الله يحفظة
بس امانة جربوها وانا متاكده بتدعون لي 
لان الطعم رهههههيب من قلب
المقادير – لشخصين
صدور دجاج بدون عظم او جلد ( انا استخدمت صدرين)
شوية بصل مفروم تقريبا نص بصله متوسطة الحجم
1 قرن فلفل اخضر حار مفروم ناعم طبعا بدون الحبوب اللي داخله لانها وااايد حاره
نص جزر مبشووور
3 م ط كبار جبن كرافت او اي نوع من جبن الغراش الكريمي
نص مكعب واحد من ماجي
2 م ط كبار معجون طماطم
نص كوب ماي ( او شوي اكثر على حسب ماتشوفينه مناسب لج)
البهارات المفضلة لديك انا عن نفسي حطيت ( ملح وفلفل اسود وفلفل احمر وكركم وجرام ماسلا وبهار حلو و قرفه مطحونة)
الطريقة:
او شىء بتحطين زيت في الصاج..وبتشوحين البصل لين يبدى يتحمر شوي وعقب بتحطين الدجاج المقطع قطع صغيره مثل ماهو بالصوره…وبتقلبينه لين يتغير لونة وينقلب ابيض…وبتحطين عليه الجزر المبشور وبتحركينة عدل مدل
الحين ضيفي معجون الطماطم المذوب بالماي وزيدي الماي اذا حسيتسه شوي المهم ان يساعد على استواء الدجاج انا حطيت نص كوب ماي مع المعجون وزدته شوي لاني حسيت الماي بسرعه نشف ، وضيفي فرن الفلفل الحار الحين
وضيفي بهاراتج المفضلة…شوفو الصورة ، هنية كنت حاطه المعجون والماي والبهارات وخليتها تتسبك مع بعض
واخر خطوة عقب ماتسبك الدجاج وقارب على الاستواء بتضيفين ملاعق الجبن الكريمي انا حطيت كرافت
شوفي الصوره
واخيرا حشيت الصمون بالخلطة …وقدمتها وكنت مفوحه بيض ومسوية سندوتشات بيض بعد مع طماط
على فكره المقادير كفتني حق 3 صمون كبار بس فاذا تبون اكثر زيدو المقادير
ولازم تجربونها لانها لذيييييييييييذه وبتعجبكم
وهذي الصور للتقديم
وهذي بعد
يعطيج العافية حبيبتي
روووووووووووووووووووووعه
تسلم ايدك حبيبتي
ويعطيك الف عافية
شكرا على ردودكم الجميلة
عجبتني الطريقة وخاصة انها سهلة ولشخصين
و شكلها يشهي
الله يعطيج العافية (f)
شكلها لذيييييذة يسلموووووووووووو