سهل جدددا (((_ كرات كاكاو بالناريل _))) لذيذ جدددا 2024.

خمس باكيتات بسكويت جلوكوز ..

علبة حليب نستله المكثف المحلى ..

أربع ملاعق بودرة جالكسي .. (أو حسب الرغبة)

ناريل (جوز الهند المبشور) ..

هاه شرايكم في المقادير ؟؟ سهلة صح !! 🙂

خل نشوف الطريقة ..

الطريقة :

اطحني البسكويت زين ما زين خليه يصير بودرة ..

طبعا بالطحانة ..

وعقب حطي البودرة في ملة عميقة ..

صبي فوقها الحليب ..

ونثري بودرة الكاكاو ..

اعجنيها زين ما زين ..

واذا كانت لينة ضيفي بودرة بسكويت ..

المهم تكون في النهاية متماسكة ..

شكليها على شكل كرات صغيرة ..

ودربحيها على الناريل ..

ورصيها في صحن التقديم ..

وحطيها في الثلاجة ..

وطلعيها قبل التقديم بنص ساعة عشان تدفى شوي وتلين ..

بصراحة جيه بشهادة كل من ذاقها..

وصورتها برفقها مع المشاركة ان شاء الله ..

ومية صحة وعافية على قلوبكم .. 🙂