كيفكم يا بنات شخباركم
بنات حريم عجايز عندي قصه قصيرة:
قبل 3 اسابيع وبعد تفكير طويل قررت اسوي تمليس
وبعد ماتشجعت وقررت اروح الصالون
مريت الصالون الي قريب بيتنا وسويت التمليس
بصراحه ما اقتنعت بالنتائج كثير عموما رضيت بالامر الواقع
مر اول يوم يومين ثلاث اول شي صار ان فروة شعري احسها احترقت
وبعدين شعري صار مرة مرة مرة خاايس
وراسي يعورني كثير ولما غسلته بحمام الزيت اكتشفت المصايب الكبيره
شعر راسي تساقط بشكل فضيع والله والله والله اني بس لو امسك راسي يطيح الشعر من عليه والقشره الله لا يوريكم بدون ما اتكلم طلعت لي قشره بشكل مفرط جدا والله يابنات
ان ملابسي على الكتف كلها قشره وصرت استحي بالجامعه من الي حولي عبايتي كلها بيضه صرت احس اني مو نظيفه ابد
الحين الي اعاني منه بالضبط :
تساقط فظيع بالشعر
قشرة فظيعه
الام بالراس احيانا
والمصيبه الثانيه ان شعري كان يومين حلو بعدين صار كشه الله لايوريكم
بنات انا اخطئت وخلاص بس العيب اني ما اصحح خطاي
انا ابي اعدل غلطتي
بليز الي عانت من نفس المشكله ابيها تساعدني
ابي انهي مشكله التساقط
والقشره الزايده
والشعر المنتكش الي يفشل
الله يخليكم يابنات طلبتكم ربي يوفقكم دنيا و اخره
الي تفيدني والله ادعيلها من قلبي
انا بنت توني صغيره وحرام الي صار لي هذا احس لو حريم شافوني يبي يهربون مني
والله متفشله من حالي بليز ابي مساعده
اسفه طولت كثير بس من الحره والقهر الي فيني
اتمنى تردون علي باقرب وقت
شكرا جزيلا
وتقبل الله طاعاتكم وكل عام وانتم بخير
اشكرك من قلبي على الرد والافاده
ضروري تسوين الكيراتين البرازيلي الاصلي
لازم اول شغله تروحين لدكتورة جلديه وراح تحل لش كل مشاكل
وداومي على غسله بالسدر وشامبو طبيعي
مرتين في الاسبوع
واذا كان شعرك جاف ادهنيه بزيت الفازلين
ولا تنسين الصدقه والاذكار
الله يوفقك ان شاء الله
وحطي مرتين بالأسبوع حمام زيت بوناويل بالمشمش للشعر المتضرر والجاف
وإن شاء الله يتحسن شعرك
كل يوم بالليل ادهني فروة راسك بزيت الخروع فعلا عجيب و لو حبيتي خففيه بزيت اللوز الحلو
كل يوم بالليل حطي على الفروة بس مع التدليك و اغسليه الصبح و الله النتيجة بتظهر معاكي من أول أسبوع و لا تنسي تورينا شو حصل معاكي
عيد سعيد عليكي و كل عام و إنت بخير
مشكورين بجد بجد بجد من قليبي على النصائح
بخصوص البنات الي قالولي عن علاجات كيماويه اعذروني
انا حالفه ما اسوي شي ثاني
بس ببدا في علاج شعري الطبيعي مثل السدر والزيوت الطبيعيه
كل والجميع بالف خير وسلامه