هلا فيكم خواتي وحبيباتي .. امهات عروووووس
خبرينا .. كيف كانت تجربتك مع الطفل الثاني من يوم ما اتولد الى ان كبر ؟
هل حسيتي بنفس الصعوبة في الطفل البكر ؟ اما كانت بالنسبة لك سهلة ومكررة؟
خبرينا تجربتك في التسنين والمشي ثم الكلام ثم المدرسة؟
كيف كانت تجربتك مع وجود طفل ثاني غير البيبي؟
انا عني لسه ما دخلت في هذه التجربة .. بس اعتقد انها باتكون اسهل بكثير لانها بتكون مكررة وخلاص الواحدة بتكون خبيرة .. وحتى الطفل الاول ممكن يكون بيساعد كثير في الاعتناء بالطفل الثاني .
في انتظاركم ..
عن نفسي الحمد لله كنت متمنية وجود بيبي اني من وقت جبت محمود ههههه كنت متلهفة اشوف اتنين عندي وسبحان الله لما اراد ربي جبت شامو والحمد لله كنت خبيرة اكثر بكل شي يتعلق فيها من الرضاعة لتغيير الملابس للحمام لكل شي …. الشي الوحيد اني كنت اشوف غيرة خفيفة من محمود بس الحمد لله كانت مصحوبة بالحب لاخته يعني ولله الحمد اولادي مابيأذو او بيضربو الصغار ابدااااا ماشالله عنهم
فمحمود كاانت غيرته بس احمليني شوي نيميني على رجلك وبس اما كره لاخته او ضرب لها الحمد لله مافي اي شي من هالكلام
وهالشي خلا وجود البيبي الثاني حلو بحياتنا اكثر والحمد لله يكبروا ويصيروا اصدقاء مو بس اخوة
اما بالنسبة للتسنين والمشي وغيره فكل هالامور عادية وصرت حافظتها وعارفة دواها وكل شي ولله الحمد
بس اكيد كل مابيكبروا تكبر المسؤولية ويكبر الخوف عليهم وعلى مستقبلهم وربك المعين
هلا بام وسام شكلك بعدك متخوفة من الطفل الثاني
طبعا انا ما عديت فترة طويلة مع الطفل الثاني بس لحد الان وايد اسهل من عمار لان كل شي عندي فيه خبرة ما يحتاج اسال احد
بس انه عندك طفلين مع بعض جداااااا صعب و مسؤلية كبيرة
انا امي تساعدني و اودي عمار للحضانة و اشوفها جداااااا صعبة بس ممتعة
الله يكتبلك اللي فيه الخير
للحين ما ابتدت التجربة ان شاء الامهات يفيدونا اكثر
๏°๏°๏๏°
امممم
طبعا المسؤولية تكون اكبر
وتعب في كثير من الاحيان
بس الايجابيات ان الام تكون عندها خبرة وتعرف تتصرف اذا واجهتها مشكلة
ومافي داعي كل حاجة تسئل مني مناك او لازم احد يكون معها ..
>> بس قليل فترات بتحتاج غيرها …
الطفل الثاني بيتعلم يعتمد على نفسه بكير
وبعد تقدر الام تعتمد عليه في شغلات بسيطة
اني استفدت من بنتي تجيب لي كلينس او ترد على التلفون اذا ارضع اختها
وهيك يعني اشياء بسيطة، مثل كاس ماي لي او تشرب بروحها ..
وبعد حبت انهي الكبيرة ودايما تقول للناس اني كبيرة
وصارت تحب تعتمد على اشياء بروحها
بس بعد مسؤولية وتعب اكبر يكون
๏°๏°๏ ๏° ๏°๏°๏ ๏° ๏°๏°๏
تجربتي مع الطفل الثاني
احسها كانت اسهل من التجربة الاولى
كان ولدي اهدى واني كنت اهدى بعد
ما كان يصيح واجد وكانت الرضاعه ما شاء الله تشبعه لنومة 4 ساعات تقريبا
بعكس بنتي الاولى ما كانتتنام على الرضاعه ابد راسها خفيف
الغيرة لحد الحين خفيفه كون بنتي هي القائده لحد الحين
الحين علاقه بنتي بأخوها علاقه خوف دايما تخاف عليه
اممم التسنيين صعب في التجربتين المدرسه للحين ما جربتها ولا حتى الروضه
الم
أنا ماصار لي مع الطفل الثاني الا أربع شهور يعني تجربتي توها بس يله نعطيكم نبذة..
الحمل كان أصعب لأن عندج طفل تهتمين فيه يعني مو نفس أول حمل ماعندج أحد تحاتينه… وبنفس الوقت عشان عندي أجهاض قبل هالحمل فكنت أحاسب لكل شي …
لكن عن الخبرة.. الحمدلله ماتعطلت وكل شي أعرفه مو نفس أول طفل تخافين حتى تحملينه… بس أكيد تحتاجين مساعدة أحد كبير معاج خصوصا وأنتي توج والدة وبالمستشفى تحتاجين شخص يهتم بالطفل الأول…
الواحد يحس بوقته ضيق لأن عندج مسئوليتين.. الأول والثاني.. وبعدين إذا الأول كان كبير ومتعود عليج كل شي تسوينه وتلعبين معاه بيحس بالغيرة وكل ساعة بيقول لج مالعبتي معاي او ماسويتي ومابيقدر إن عندج بيبي لازم تهتمين فيه..
أما بخصوص تجربة الأسنان والمشي للحين مامريت فيها..
ختام كلامي.. ولدي وايد كان أهدى من بنتي ماشاء الله عليها كل معصبة,…
لما كان عندي ولدي الكبير كنت افتقد للخبرة
في التربية والتعامل والتبديل واللعب
فكان بالنسبة لي تجربة جربت عليها كل الطرق
فكان هناك من يساعدني عليه امي وام زوجي وابوه
بس كنت اطمح انه يتمتع بكل المواصفات فكنت ادبه
واتعامل معه بطرق عديدة
مع انه هادئ جدا والكل يستانس به ويسمع الكلام
ولما حملت باخوه الصغير مهدت له انه راح يجيه اخ وراح يحبه ويلعب معاه
وتقبل الوضع واستانس معاه وايد ويخاف عليه بس الصغير كان شيطون ومشاغب
عكس الكبير فتعبت معاه في التربية كل يصيح صعب وايد
ويعاند صار غير عن الكبير وهذا اللي متعبني تربية وحدة ليش هذا جدي
فكان تربيتي بالكبير نفس التربية بس الصغير تاثر بالحواليني
وطريقة التعامل معاه
والله يهدي اولادنا واولادش والله يصبرش
ولدي من ولدته ولادته كانت صعبه مرررررررره اما بنتي ولادتها كانت اسهل شيء
ولدي يغار من اخته ويحب يصلح كل شيء بروحه اخته تحب اني اساعدها "لاتلوموني احب البنات ودلعهم"
ولدي لما كبر كثير الصياح والدلع ومدلل لاخر حد بنتي دلوعه اوقات بس بسم الله عليها مو صياحه مررره
اما للاسنان والمشي ولدي صار يتكلم وهو على 6 شهور ويمشي على سنه و4 شهور والاسنان طلعت على 9 شهور بس ما كان عندي خبره كله اتصل بامي وتقول لي شنو اسوي والرضاعه الطبيعي بس 4 شهور وباقي عمره صناعي ههههههههه
بنتي تختلف تماما ولادتها كانت سهله تكلمت على سنتين ومشت على سنه وشهرين والاسنان طلعت على 6 شهور كانت عندي خبره ولا رجعت لامي كثير بحكم الخبره ههههه الرضاعه الطبيعيه 9 شهور فقط لاني كنت امر بازمه نفسيه عقب اللي حصل لي مع ام زوجي وباقي عمرها صناعي هههههههه